פסוקים פופולריים מ- Kejadian Uram 9

שתפו

Ura, Er Imtamnyi biryi, “Dib kum ebwe tenebingnyei,” tenebmou ura, tubto ato ebmou. “Niryi sun ninyi babyi, yuk kamyoa babyi asi, ‘Aminda ato ton kum kubkwansin,’ ebmasin dinyi sisa deibkun. Ara, Niryi Ni yin mita ara duwa deici deibdongobne. A dinyi ara iya a kuanci tok asi, sunbabyi sun mabwe odei-odei binkwanduma nirya babyi ara iya kubkwande asi asing eirinkwandum.

A mita ara Niryi sunsi, ‘Aminda sun tukwetam ninyi ab, kamyoa nirya ab asi ereboka ilila me tubto kareboka, sunsi kum danardeirina ton kum kubkwansin,’ eboka sisa deianyi dinyi teneiboka kunubkwan,” ebmou.

Sun ninyi mamun ababyi, unanyi biryi ninyi obmaci ura, ninyi ara Ni Imtamnyi bitoanun kiknibsise ati, a obmarinyi bisi erbabyi oboka kisok dakwanung.

Ura, Er Iya Erebdobnyi biryi Nuh ab er mabwe ab asi ato eboka kisal dakmou. “Sunci mabwe odei-odei yaldakde baramunyi ba, tukwetam nirya langkarikdarur!

Tukwetam kuboka lulungdur dinyi ab, betekoka bok lukluk erande dinyi ab nirya ara sun yina kibkwande.

Ani, kamyoa ababyi nirya maka im karin langlang eryibarande dinyi babyi, tukwe kib kam kuboka yibarande dinyi babyi, me umbura lulungdur dinyi babyi nirya sun taruk dam karebsin. Ati, sun anda keica yala nirya aryi sun ninyi ati sun derlamabdobkwaming.

Sun ninyi ara mi odei-odei yaldaktabakde baramunyi tok asi nukman kumto kuboka, tukwetam nirya dukubkwande,” ebmou.