פסוקים פופולריים מ- Jenesis 17

שתף

Kana o Abram saia leke iniavardes ta inia burs, o Del sikadilo leke ta phenda leke: Me sem o Del kai si le sa e zor. Zivisar iek zivoto orta angla ma.

Ta tu ni ka ikhardo ios Abram, katar angle tu ka ikhardo Abraam, soke ka cherav tut dad bute phuviengo.

Ta pe orba kai achav tuia ta che porodoia kai ka avel mapalal tutar, si ostade. Me ka avav Cho Del ta i o Del che porodoko kai ka avel mapalal tutar.

Pe gaia orba achav tuia: Tu ka ave o dad bare suetoko.

A o Del phenda leke: So me phenden si kai chi rromi e Sara ka del tut iek minono, ta tu ka thove leko anav Isaak.

Ta tut ta che porodo kai ka avel mapalal tutar ka dav len sa e phuv katar o Kanaan. Kate kai tu zivi akana, ka avel lengo ostade, ta me ka avav lengo Del.

Ondaka o Abraam bangilo lligo ni leko chikat dodisarda e phuv, ta thoda te asal ta mislilape ande po lio: ¿Sai avel le minone iekhe llene kai si leke stotina burs? ¿A e Sara kai si lake iniavardes burs, sai ka avel la iek minono?

Ta i phenda o Del e Abraameke: Chi rromi e Sarai ni ka ikhardol ios gia, katar angle voi ka ikhardol Sara.

E sirkunsision ka avel iek ezgoda te dikhol kai tumen ta me, achilam pe iek orba.

A mo alav kai diem ka avel e Isaakea, o chaurro kai e Sara ka del tut ande gava vreme, burs llive ios.

Katar angle sa e minone kai ka biandon maskar tumende, kana ka avel lenge ojto llive morabi te cheren lenge e sirkunsision. Gala alava si i e slugenge kai chinden, ta e llenenge kai zivin tumenchar kai si katar aver phuvia. Morabi te sirkunsidin e minonen kai biandile ande cho cher, ta i golen kai chindan che lovenchar. Gia e orba kai achilem tumenchar ka inllaren la pe tumari esnaga, sargo pe alava kai achilam kai si sa ostade.