פסוקים פופולריים מ- Zaa 6

שתף

Zezwii lɛ naa: «‑Amöä dɛ'ɛ, ‑amöö glɩnɩɛ lilea ‑a nyɛɛ nɩkpɛ ‑bhölɩbhölɛ. Nɩkpɛ a ‑mɔ ‑kaa yinɩ, ngɔmʋ 'naa 'kɔ 'lɩbhä 'lɩlɩlɩ, ‑ɔ ‑kaa dlɩ 'tɛɛnɩ, 'nyutʋ 'naa 'kɔ 'lɩbhä 'lɩlɩlɩ.

Nɩkpɛ 'kä ‑bhölɩbhölɛ ghlɩ a dɔ'wʋ, Lagɔ 'a 'Wugɔmʋʋ mɔɔ kää 'nglɩ. ‑Maa 'saa 'wuë 'bhöönɩɛ nɩkpɛ 'mö, mɩɩ 'naa 'kä 'nglɩ ‑kä. Wɛlɩ 'la n 'nyanyɩɛ, Lagɔ 'a 'Wugɔmʋʋ 'mö yɩ 'bhöönɩɛ 'mö, mɩɩ 'kää ‑bhölɩbhölɛ 'nyɛ.

Lilea ‑a glɩnɩɛ nylii, a za a nɩ tɩ yɔlɔ, ‑maa lilea ‑a nyɛɛ nɩkpɛ 'kwadlɩ a ‑bhölɩbhölɛɛ, a za a nɩ yɔlɔ a 'ka ghlɩ. ‑Lɛ a lile 'la, Nɩkpɛ a 'Yu, ‑ɔnyɩ wɛlɩɩ ɔ dɩba Lagɔ 'zʋä kɛ ‑gömöö, mɔɔ 'kanyaa 'nyɛ.»

Na dɩba Lagɔ, sɛ'ɛ ɔ 'yɩbhää nɩɩ, nɩkpaa 'wuë ‑wa ‑kaa 'ɔ yuu 'mö yɩbhlɩnɩ 'n ‑wa ‑kaa dlɩ 'wʋ ‑kää, 'pɩwʋ mää 'naa 'kää 'yli bhɩɛ, wa nɩ ghlɩ ‑mä.»

Ɔ lɛ naa: «‑Lu ‑bhlʋ Lagɔ yɩbhää a nɩ nʋ cuu, muä nɩɩ, ‑mɔ ɔ tieanyɩɛ 'wʋʋ, a nɩ kɔ dlɩ 'wʋ.»

Nɩkpaa 'wuë na dɩba Lagɔ nyɩaaa wa ‑yii yinɩ. ‑Ɔ ‑kaa yinɩɩ, 'naa 'kɔ kpëti.

'N Simɔɔ Piɛlɩ yiɛ gbʋ ‑dɩ, ɔ lɛ naa: «‑Alowli, ‑na'a bhïlawɛlɩɩ mɩɩ nyɛɛ 'kwädlɩ a ‑bhölɩbhölɛ. ‑A ‑kamöa'a yɔwʋ 'bhöö, ‑mɔ ‑a 'kä bhä ‑mä ghlɩ 'nɩ?

‑Amöö glɩnɩɛ lilea ‑a 'bhöönɩɛ Lagɔ dlɩ 'mö ‑a nyɛɛ ‑bhölɩbhölɛɛ. ‑Ɔ ‑kä ‑lɛ a lile 'la lii, 'kwädlɩ ɔ 'kää ‑bhölɩ. Lilea n 'kää 'nyɛɛ, 'na kpökpaa ma‑a. 'Mö n 'kää 'bhlɩbhëa 'nyɛ, wa 'kä 'kwädlɩ ‑bhölɩ.»

‑Maa nɩkpɛ 'nɩɛ bhɛnɩ ɔ ‑kaa yinɩ, 'n na dɩba ‑ɔ tieaaa, ɔ'bhë mɔɔ ‑nɩ'mɔ 'wʋ wäzɩɩ. ‑Mɔ ɔ wäzɩɩɛ 'wʋʋ, 'pɩwʋ a 'ylibhɩɛzlɩɩ ‑kä ghlɛɛ, n yo gäla ɔ 'kɔ glu ‑sɛ.

Nyɩasɛ n'n‑ä ‑sɩbhä gbä, ‑maa ‑ɔ 'bhöönɩɛ Lagɔ dlɩ 'möö, mɔɔ glɩnɩɛ lilea Lagɔ nyɛɛ nɩkpa, mɔɔ nyɛɛ 'bhlɩbhëa ‑bhölɩbhölɛ.»

‑Amöö glɩnɩɛ lilea ‑a nyɛɛ ‑bhölɩbhölɛɛ.

Wa glɩɛ sɛ 'wëë, 'n Zezwii yiɛ 'fɔlɔɔ 'wʋ 'libhï, ɔ bhälɩɛ wʋ za Lagɔ 'wëë, ‑wa glɩɛ ‑lɛ 'wuë, 'n ɔ yuënyɩɛ dilanɩ, zibhïï kökä, sɛ wa yɩbhää wa 'kä lii, 'n ɔ yuënyɩɛ ‑sɩbhä dilanɩ. Wa 'wuë, wa lʋä 'wëë, 'n Zezwii yiɛ 'ɔ ‑gänɩwaa 'dɩ 'nyɛ nɩɩ: «Lilea wa sɩɛnɩɛ, a nɩ 'libhëa, a 'ka 'wlu 'yɩbha, a tɩa nyimo.»

Wa yɛ mö ‑këë, wa yɛ 'kwili ngbï, gbʋplʋ a sɛ bhli. Wa lɛ zʋ a sɛ'ɛ cuu, Zezwii mɔɔ yi ‑mä. Ɔ nɛmönɩ ‑lɛ 'nyu 'klʋ, ɔ ‑wʋ 'wa gɔlʋʋ yinɩ dɔ'wʋ. 'N nganɔ yuëë köbhä. Zezwii lɛ naa: «Nganɔ nɩ tanyɩ 'lɩbhä, ‑maa ‑amöä.»