פסוקים פופולריים מ- Matíe 10

שתף

Ná anɩ́, náa cíe amɔ, a yɩbhlɩ saá mà a mnɛ cémʋ́ bhlábhlɩ́ mnɛ lɛ́ klávʋ̀ʋ nyièdɩ a, a ŋwʋ́ a nyoku yɩ́gɔ̀ bɛbɛlɩ bhísakʋ́, lé a bhá sáà diwɔtɩ kpóòkpí bhísakʋ́!

Mɔ̀ nyɔɔ́ ɔ̀ bhá mɔ̀ɔ nà zɩkpa a kʋ bhlalɛ a, á yi mɔ̀ wlɩ wlʋ́, mà ɔ nɩ tɩ ɔ́ zɩkpa ná zà a, ɔ́ yi ʋ́ neé wlʋ́.

A ná gúu nyɩ́kpɔbhlanyʋa, mà a nɩ́ ka a zizi a bhlábhlʋ́ míi. Lagɔ a nɩ gúu, ʋ́mʋ́ kà pɔ́wa, lé ʋ̀ yi míi ʋ̀ yi nyɔ yà ɔ zuzu sɔ́ kosugàlàà à nɩ́ bhɩa kʋ́ a mnɩ́ páà.

Mɔ̀ nyɔɔ́ nɩ̀ nɩ́ nà kúsu gbɩdɩ̀ lé kà mɔ́ɔ kʋ́ jɩ́ a, nɩ́ ná kʋ́jɩ̀jɩ́ɛ́ neé bhɩa.

Ɩ́mɩ́ kà ŋnɩ́ a zà nyɔ nɩ cíi nyʋa fɩ́ɛ́ a klʋ́ mà ná kʋjɩ̀nyɔ ɔ́ ŋwɔ́ɔ a, ná sɛ́fʋɔ́ ɩ́ yi sáà ɩ Tʋ́ɔ́ ɔ̀ kʋ̀ lagɔɔ́ a Ɔ klʋ́ cí mà cícása ná nyɔ kʋ̀ʋ. Ɩ́zà nyɔ nɩ cí nyʋa a drɩ̀ mà ɔ nɩ́ mɔ́ɔ yì a, ɩ́ yi sáà ɩ Tʋ́ɔ́ ɔ̀ kʋ lagɔɔ́ a Ɔ drɩ̀ cíi mà nɩ́ sáà mɔ́ yì.

A yalɩma gupuonyʋa, a gala kúdùkuo, a nɩ lé kosugɔ̀bhlànyʋa ká kplɔɔ, a jɩ́ɩ nyumozìzi. Cémʋ́ á nyɛ́ lɛ́ amɔ lé á nɩ́ lɛ́ amɔ lɛ́ mʋ́ yráa a, a nyɛ́ sɩ́tɛ̀ lé a ná yráa nyɔ lɛ́ mʋ́.

Ŋanɩmɛ ná bhlá amɔ, mà a ka gbʋ́ lé a zi nimni kɔ́kɔ́mnɩ́ kʋ́.

A ná bhobho mà náa yi lé Dʋ̀dʋ kʋ́ ká kʋ́ wɔtɔma, nɩ́ Dʋ̀dʋ kʋ́ a kʋ wɔtɔmalɛɛ́ a zà yi, tʋ́ ɩ́ la lé ɩ́ yi.