פסוקים פופולריים מ- Matyo 19

שתף

Yeso n laalə tsəghə ndòw ghə, dza tə̀ ghə nə̀, “Tə̀ wù sɔŋtsuʼ, ghə i tii i way ni ney kəbənə, a kee bə tə̀ Zə̀ kə, ghə i loʼ i way i taw tsəghəshiənə wi ni ghəŋə.”

Ghə kəm way dzə aghə̂ abəghə, ghə nya loʼ tə̀ a loʼ wù umɔʼ. Sey, fə key Zə̀ kə təm naŋa dzəŋinə, kə̂ wù nə̂ dzawwənə.”

Yeso n beeli ndòw ghə nə̀, “Ghaa ka kam tɔŋɔ koʼ tsə n màʼlə K-a-zə̀ nə̀ nəŋə zey Zə̀ kə â bɔmnə mbi, tə n bɔm tsu aghə̂ weynum ghi weyzən ə? Tə n dza tsu nə̀, à wən loʼ ghə i tii zə, weynum khə ni zəghə tsu bày wi ghi nay wi, tə təmdzəŋi ndòw ghi wey wi, tow ghə ubəghə, ghə i doʼo bə wù umɔʼ.

Yeso n dza ndòw tə̀ ghə nə̀, “Zəghə na ghiinətəghə ghey ghə bə n səə mə, kə̂ ghaa nə buu naŋŋənə ghə, bòʼ nə̀, fɔɔ wə idəŋ u loʼ tə ghə̂ ghey ghə loʼ tə̀ a loʼ ghə.”

À kee loʼ nə̀, ndəmə ghə̂ ghey ghə loʼnə sə kə nya nə̂ bə doʼlə ibam, aghey ghə doʼo guŋŋənə nya, ghə nə̂ bə doʼo ghə̂ a kəsə̂.”

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Yeso n dza ndòw tə̀ wi nə̀, abə wə̀ ləghənə ni doʼo tsətsəghə, ndòw fìi may tsu fə wə wə̀ udzəm, wə ney kɔʼ khəə u tii wə, wə fuu ndòw tə̀ ghə̂ a laa ghə, wə i keeli ikum idəŋ, wə daŋŋə bə dzûmə bə mə.”

Yeso n beeli ndòw wi nə̀, “À loʼ kee wə̀ bəbənə mə n ghəə zə bòʼ ghəə zey i dzɔbənə ə? À loʼ kə wù umɔʼ tə loʼnə wù dzuŋu. Abə wə̀ dza i keeli muu zə itsali, i naŋŋə ndòw laŋ u Kəzə̀ wə.”

N dza bə tə̀ ghaa nə̀, nyam zən ghə tɔŋŋə nə̀ à loʼ Kamel loʼnu ni zaŋŋə tsəghə tɔɔlə n sə̂ i fəsaʼ, tsəghəshi tə̀ wù kûm wə ni nyi n fɔɔ u Kəzə̀.”

N fa dza bə tə̀ ghaa nə̀, weynum wey tə tuu maʼanə wey wi, ney ndòw wey u nuu wə nə̀ a way nə̀ wey wi taa zaʼ wi, tə sey loʼ nə̀ tə n taa zaʼ.”

Yeso n daŋŋə dza tə̀ ngəd tə wi tə nə̀, “N dza bə isəŋə tə̀ ghaa nə̀, i ngii tawnu tə̀ wù kûm wə ni nyi n fɔɔ wə idəŋ.