פסוקים פופולריים מ- Lukas 4

שתף

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd, n naʼa tûm nə̀ nəŋə zə n kpii tə̀ Zə̀ kə ni ghəŋə ndzuŋ tə̀ ghə̂ a wi ghə.”

Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wə khə ni ngɔɔmə Bày, Zə̀ kə kə̀, fwaʼa tənə kə tə̀ wi.’”

Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wù kad muu way nə a loʼ ufəzəə.’”

Ambə Yeso nuu dzəŋŋə bənə n dzuu Jordan, Zay kə Zow kə n loʼ ghi wi, kə n taali ndòw wi n mbvən ə ntsaŋ.

Yeso n beeli ndòw wi nə̀, “I loʼ soʼo n màʼlə K-a-zə̀ nə̀, ‘Kə wə nə mɔm koʼonə Bày Zə̀ kə kə̀.’”

Ambə vəətsəə a mɔm koʼ may tsunə Yeso n jii tədzəm, tə n nuu i ndòw, fu tsu wi n buʼ kə.

Vəətsəə ghə n ney kɔʼ ndòw wi idəŋ, dii may ndòw naʼa tə mbi tədzəm tə̀ wi n tɔŋɔ fə inəŋə. Vəətsəə ghey n dza ndòw tə̀ wi nə̀, “Ghə n fu mə n daʼa kə tii kə ni saʼ fə wən udzəm, n loʼ ni fuu tə̀ wù wey n ləghənə. Mə i fuunu daʼa kə tii kə nsə kûm i tii zə tə̀ wɔ. Sey, abə wə ngɔɔmə bənə mə, wə̀ i keeli fə u tii wə udzəm.” Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wə khə ni ngɔɔmə Bày, Zə̀ kə kə̀, fwaʼa tənə kə tə̀ wi.’”

Vəətsəə ghə n ney ndòw wi n Yerosalem. Ghə n ndòw təmi tsu n gɔŋ kə ndaw kə Ndaw Kəzə̀ i nii zə n Yerosalem. Vəətsəə ghə n dza tə wi nə̀, “Abə wə loʼnə Waa Kəzə̀, taa tsu ndòw aghəd, təŋkey i loʼ n màʼlə K-a-zə̀ nə̀, ‘Zə̀ kə î tsəʼlə tsu kəlaŋ tə̀ tsətəndəghə tə Kəzə̀ tə nə̀ ghə i Keyyə wɔ, ghə i bɔɔmə keeli kɔʼ wɔ̀ sa n wɔ, kə wə nə tsɔbənə ghow kə kə̀ nə itay.’” Yeso n beeli ndòw wi nə̀, “I loʼ soʼo n màʼlə K-a-zə̀ nə̀, ‘Kə wə nə mɔm koʼonə Bày Zə̀ kə kə̀.’”