פסוקים פופולריים מ- ယူဝ်းႁၢၼ်ႇ 7

שתף

ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼၼ်ႉ​ၸမ်ႉ၊ ၵႃႈ​ၼင်ႇ​ဢၼ်​ၵျၢမ်း​လိၵ်ႈ​မႃး​ၼၼ်ႉ၊ ၼမ်ႉ​ႁွင်ႈ​ဢသၢၵ်ႈ​တင်း​လၢႆ တၵ်း​ဢွၵ်ႇ​သေ​ၵႃႈ​ၼႂ်း​တွင်ႉ​မၼ်း​လႄႈ လႆ​ၵႂႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​ဝၼ်း​ဢၼ်​ယႂ်ႇ​မျၢတ်ႈ ဢၼ်​ပဵၼ်​ဝၼ်း​လိုၼ်း​လင်​သုတ်း​ပွႆး​ၼၼ်ႉ၊ ယေႇသူႉ ​ၸုၵ်း​ယူႇ​သေ​လႄႈ ႁွင်ႉ​လၢတ်ႈ​လႄႈ​ဝႃႈ​ၸမ်ႉ၊ ပေႃး​သေ​ၵေႃႉ​သေ​ၵူၼ်း​ယၢၵ်ႇ​ၼမ်ႉ​ၸိုင်​မႃး​တီႈ​ၵဝ်​လႄႈ​ၵိၼ်​တႃႉ။

မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​လွင်ႈ​ဝီႉၺိၺ်ႇ​ၸဝ်ႈ​ဢၼ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​တင်း​လၢႆ၊ တၵ်း​လႆႈ​ၶၢမ်ႇ​ၼၼ်ႉ​လႄႈ​ဝႃႈ​ဢေႃႈ။ ပိူဝ်ႈ​ဢၼ်​မုၼ်​ၽုင်း​ ယေႇသူႉ ဢမ်ႇ​ပႆႇ​ပေႃႇ​ပႆႇ​ဢွၵ်ႇ​လႄႈ တီႈ​ဢၼ်​တၵ်း​ပၼ် ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢမ်ႇ​ပႆႇ​မီး။

ယႃႇ​ပေ​ၸီႇ​ယၢင်ႇ​ၸွမ်း​ႁၢင်ႈ​ၸွမ်း​ၽၢင်။ ၸီႇ​ယၢင်ႇ​ၸွမ်း​ၼင်ႇ​တြႃး​တႃႉ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​ႁေႃး​လၢတ်ႈ​ၸွမ်း​ၼင်ႇ ဢလူဝ်ႇ​တူဝ်​ၸဝ်ႈ​ၵဝ်ႇ​ၼၼ်ႉ ၸၢင်ႈ​ႁႃ​မုၼ်​သရေႇ​တူဝ်​ၸဝ်ႈ​ၵဝ်ႇ​ဢေႃႈ။ ၵေႃႉ​ဢၼ်​ႁႃ​မုၼ်​သရေႇ​ၵေႃႉ​ဢၼ်​ပွႆႇ​ၸႂ်ႉ​တူဝ်​ၸဝ်ႈ​ၵဝ်ႇ​မႃး​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လီ​ယုမ်ႇ​ဢေႃႈ။ ၼႂ်း​ၵေႃႉ​ၼၼ်ႉ​ဢမ်ႇ​မီး​တၢင်း​ဢၼ်​ဢမ်ႇ​တြႃး။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ တေႇသၼႃႇ​ဢၼ်​ၵဝ်​ႁေႃး​လၢတ်ႈ​ၼႆႉ ပဵၼ်​တေႇသၼႃႇ​ၵဝ်​ဢမ်ႇ​ၸႂ်ႈ။ ပဵၼ်​တေႇသၼႃႇ ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။

ၵူၼ်း​လေႃးၵီႇ​တင်း​လၢႆ​ဢမ်ႇ​ၸင်း​သူ​လႆႈ၊ ၸင်း​ၵဝ်​ဢေႃႈ။ လွင်ႈ​မၼ်း​ၸမ်ႉ ၵဝ်​ၶၢမ်ႇ​သၢၵ်ႈ​သေႇ​လွင်ႈ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​ႁၢႆႉ​မိူၵ်ႈ​ၼၼ်ႉ​ဢေႃႈ။