ဝၢႆးသေၵိၼ်ၶဝ်ႈၼႂ်ၼၼ်ႉယဝ်ႉ၊ ယေႇသူႉ ၵေႃႈ ထၢမ်တီႈ သီႉမုၼ်ႇပေႇတရူႉ လႄႈဝႃႈ၊ သီႉမုၼ်ႇ လုၵ်ႈၸၢႆး ယူဝ်းၼႃႉ ဢိူၺ်း၊ မႂ်းႁၵ်ႉၵဝ်ၼႃႇသေၸိူဝ်းၼႆႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းလဝ်ႊလၢတ်ႈလႄႈဝႃႈ၊ ၸႂ်ႈၶႃႈယဝ်ႉၸဝ်ႈ။ ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ ဝႃႈၼင်ႇၼႆသေယဝ်ႉ၊ မၼ်းၸဝ်ႈၵေႃႈလၢတ်ႈလႄႈဝႃႈ၊ လဵင်ႉထိင်းသူဝ်းဢွၼ်ႇၵဝ် တင်းလၢႆတႃႉ၊ ဝႃႈၼင်ႇၼႆဢေႃႈ။- မၼ်းၸဝ်ႈၵေႃႈသမ်ႉထၢမ်ပွၵ်ႈတူႉတီႉယႃႉထႅင်ႈလႄႈဝႃႈ၊ သီႉမုၼ်ႇ လုၵ်ႈၸၢႆး ယူဝ်းၼႃႉ ဢိူၺ်း၊ မႂ်းႁၵ်ႉၵဝ်ႁိုဝ် မိူဝ်ႈဢၼ်ဝႃႈၼင်ႇၼႆၸိုင်၊ မၼ်းလဝ်ႊလၢတ်ႈလႄႈဝႃႈ၊ ၸႂ်ႈၶႃႈယဝ်ႉၸဝ်ႈ။ ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ ဝႃႈၼင်ႇၼႆသေယဝ်ႉ၊ မၼ်းၸဝ်ႈၵေႃႈလၢတ်ႈလႄႈဝႃႈ၊ ပႂ်ႉသူဝ်းၵဝ်တင်းလၢႆတႃႉ၊ ဝႃႈၼင်ႇၼႆဢေႃႈ။- မၼ်းၸဝ်ႈၵေႃႈသမ်ႉထၢမ်ပွၵ်ႈတႃႉတီႉယႃႉထႅင်ႈလႄႈဝႃႈ၊ သီႉမုၼ်ႇ လုၵ်ႈၸၢႆး ယူဝ်းၼႃႉ ဢိူၺ်း၊ မႂ်းႁၵ်ႉၵဝ်ႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ပိူဝ်ႈဢၼ်မၼ်းၸဝ်ႈထၢမ်ထူၼ်ႈထိုင်သၢမ်ပွၵ်ႈလႄႈဝႃႈ၊ မႂ်းႁၵ်ႉၵဝ်ႁိုဝ်။ ဝႃႈၼင်ႇၼႆၼၼ်ႉလႄႈ၊ ပေႇတရူႉ ၸဵပ်းၸႂ်လႄႈလဝ်ႊလၢတ်ႈဝႃႈ၊ ၸဝ်ႈႁဝ်း၊ ၸဝ်ႈႁဝ်းႁူႉလွင်ႈတၢင်းၵူႈၸိူဝ်ႉၵူႈပိူင်ယူႇၶႃႈဢေႃႈ။ ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ ဝႃႈၼင်ႇၼႆသေယဝ်ႉ၊ ယေႇသူႉ ၵေႃႈလၢတ်ႈလႄႈဝႃႈ၊ လဵင်ႉထိင်းသူဝ်းၵဝ်တင်းလၢႆတႃႉ။