פסוקים פופולריים מ- တမၢၼ်ႇ​ၸဝ်ႈ 1

שתף

ၼႂ်း​ဝႃႈ​ၼၼ်​သေ​ၵေႃႈ ယၢမ်း​မိူဝ်ႈ​ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လူင်း​မႃး​ၵႃႈ​ၼိူဝ်​သူ​ၼၼ်ႉ​ၸိုင်၊ သူ​တၵ်း​လႆႈ​ၶၢမ်ႇ​ဢဝ်​ႁႅင်း​တၼ်း​ၶူဝ်း​လႄႈ ပဵၼ်​ၵေႃႉ​ဢၼ်​ၶၢမ်ႇ​သၢၵ်ႈ​သေႇ​ၵဝ် ၸႃႉ​ၸဵမ်​ၵႃႈ​ၼႂ်း​ဝဵင်း​ ယေႇရူႉသလႅမ်ႇ တင်း​မိူင်း​ ယူႉတႃႉ တင်း​မိူင်း​ သမႃႇရီႉ တေႃႇ​ထိုင်​ႁွတ်ႈ​တီႈ​သုတ်း​လိၼ်​မိူင်း​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ဢၶႂၢင်ႉ​ဢၼ်​တၵ်း​လႆႈ​ႁူႉ​ၶိင်ႇ​ၵႃႇလႃႉ ဢၼ်​ပေႃႈ​ၸဝ်ႈ​ဢဝ်​တၼ်း​ၶူဝ်း​မၼ်း​ၸဝ်ႈ ၸီႇ​ယၢင်ႇ​ဝႆႉ​ၸိူဝ်း​ၼၼ်ႉ​ဢမ်ႇ​မီး​တီႈ​သူ။

မၼ်း​ၸဝ်ႈ​ၸူႉ​တုမ်​လူၺ်ႈ​ၵၼ်​တင်း​ၶဝ်​ၼၼ်ႉ​သေ​ယဝ်ႉ၊ လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​ဢွၵ်ႇ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ၵႂႃႇ​လႄႈ တၵ်း​လႆႈ​ပႂ်ႉ​ထႃႈ​ၵတီႉ​ပေႃႈ​ၸဝ်ႈ​ယူႇ​ၸိုင်၊ မၼ်း​ၸဝ်ႈ​သင်ႇ​လၢတ်ႈ​ဝႆႉ​လႄႈ​ဝႃႈ၊ ၵတီႉ​ၼၼ်ႉ​ၸိုင်​သူ​လႆႈ​ငိၼ်း​ၵႃႈ​တီႈ​ၵဝ်​ဢေႃႈ။- ၵတီႉ​ၼၼ်ႉ​ၸမ်ႉ၊ ယူဝ်းႁၢၼ်ႇ ပၼ်​ ပပ်ႉတီႉၸမ်ႇ ​ၼႂ်း​ၼမ်ႉ​ဢေႃႈ။ သူ​ၸိုင်​ဢမ်ႇ​ပေႃး​ႁိုင်​ပေႃး​ၼၢၼ်း တၵ်း​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ၊ မီး​မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၼၼ်ႉ​လႆႈ​ၶၢမ်ႇ​တၢင်း​တၢႆ​သေ​ယဝ်ႉ၊ ၼႄ​ပျႃး​တူဝ်​မၼ်း​ၸဝ်ႈ​တီႈ​ၶဝ်​ၼၼ်ႉ သီႇ​သိပ်း​ဝၼ်း​တဵမ်​တဵမ်​လႄႈ ႁေႃး​လၢတ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ် တင်း​မိူင်း​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ယူႇ​သေ​လႄႈ ဢဝ်​တင်း​သၢၵ်ႈ​သေႇ​ဢၼ်​မၼ်ႈ​ဢၼ်​ၶိူင်ႇ​ၼမ်​ၼႃႇ ၼႄ​ပျႃး​လွင်ႈ​ဢၼ်​မၼ်း​ၸဝ်ႈ​ဢသၢၵ်ႈ​လိပ်း​ယူႇ​ၼၼ်ႉ​ဢေႃႈ။

ၼႂ်း​မိူဝ်ႈ​ဢၼ်​ၶဝ်​ၼၼ်ႉ ယင်း​တိုၵ်ႉ​လူ​တူၺ်း​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ​ၵႃႈ​ၼိူဝ်​ပုၼ်ႉ​လႄႈ​မွၵ်ႇ​ၵုမ်ႈ​ႁပ်ႉ​ဢဝ်​မၼ်း​ၸဝ်ႈ ႁႂ်ႈ​လပ်ႉ​တႃ​ၶဝ်​ၵႂႃႇ​သေ​ဢေႃႈ။

ၼႂ်း​မိူဝ်ႈ​ဢၼ်​မၼ်း​ၸဝ်ႈ ၶိုၼ်ႈ​ၵႂႃႇ​ၸိူဝ်ႉ​ၼင်ႇ​ၼၼ်ႉ​လႄႈ ၶဝ်​ယင်း​တိုၵ်ႉ​မုင်ႈ​တူၺ်း​ၵႃႈ​တီႈ​ၵၢင်​ႁၢဝ် ၸေး​ၸေး​ၸွတ်ႇ​ၸွတ်ႇ​ယူႇ​ၼၼ်ႉ​ၸိုင်၊ ၵူၼ်း​သွင်​ၵေႃႉ​ၼုင်ႈ​မႆ​ၶူဝ်း​ၼုင်ႈ​ဢၼ်​ၽိူၵ်ႇ​ဢၼ်​ၶၢဝ်​ယူႇ​သေ​လႄႈ ၽုတ်း​မႃး​ၵႃႈ​တီႈ​ႁိမ်း​ၶဝ်​လႄႈ၊- လၢတ်ႈ​ဝႃႈ၊ ၵူၼ်း​ ၵႃႇလီႉလႄး ​ၶဝ်​ဢိူၺ်း၊ ႁဵတ်း​သင်​လႄႈ သူ​ၸုၵ်း​ယူႇ​သေ​လႄႈ လူ​တူၺ်း​ၵႃႈ​တီႈ​ၵၢင်​ႁၢဝ်​ယူႇ​ၼင်ႇ​ႁိုဝ်။ ယေႇသူႉ ဢၼ်​ၽၢတ်ႇ​ယၢၼ်​ၵၼ်​တင်း​သူ​သေ​လႄႈ ၶၢမ်ႇ​တၢင်း​ဢၼ်​ဢဝ်​ၶိုၼ်ႈ​ၵႂႃႇ ၵႃႈ​တီႈ​ၵၢင်​ႁၢဝ်​ပုၼ်ႉ​ၼၼ်ႉ​ၸိုင် ၸိူဝ်ႉ​ၼင်ႇ​ဢၼ်​ၶိုၼ်ႈ​ၵႂႃႇ​ၵႃႈ​ၼိူဝ်​ၵၢင်​ႁၢဝ်​သိုဝ်ႈ​ၼႃႈ​တႂ်ႈ​တႃ​သူ​ၼႆႉ​ၼၼ်ႉ သမ်ႉ​တၵ်း​လူင်း​မႃး​ထႅင်ႈ​ၵမ်း​ၼိုင်ႈ​လူး​ၵွၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။