פסוקים פופולריים מ- Lukas 13

שתף

Lalu Yesus monimbas, “Koraja'an Allah soumpamo sobuah rumah agatn lawakng inyo songka'. Bousahacam pakai' mansu' molalu'i lawakng inyo songka' nantai, obai banyaꞌ urakng inyo moncubo mansu', apo bayo sodikit inyo ulih.

Di santai ado siku' urakng botina' inyo udah dolapatn bolas tohutn ponyakit. Ado roh jahat di dalapm dirinyo inyo mombulah io ponyakit sampai monjadi bungku'. Io samo sokali culih bodiritn tontakng boi'. Watu Yesus moniant botina' nantai, Yesus moningkau io ko muka'. Ongko Yesus bopandir, “Indai, watu ninam kolai nyamanam doi' ponyakit kolai.”

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Dinga'anbo: ado urakng inyo dianggap co pontikng watu ni'in, apo nononyo Allah paca'an bulah sia' pontikng. Ado jam urakng inyo dianggap pontikng watu ni'in, apo nononyo Allah paca'an bulah sia' kinyo pontikng.”

Nono umputn rumah tajahan monutup lawakngnyo. Ado di antaro kaitn inyo paca'an di luar, mongetok-ngetok kapikng bopandir, ‘Habakng, buka'bo lawakng pakai' koi!’ Habakng nantai paca'an monimbas, ‘Cado! Aku co konal agatn kaitn.’

Pomikiran kaitn nantai kotakng kinyo bondar. Dinga'anbo aman kaitn co botongga' bulah dosa huatan co hidup monyonangan hati Allah, kaitn tajahan bonaso ubo sia' jam.”

Apo Habakng nantai tajahan bopandir agi' ko kaitn, ‘Aku co konal agatn kaitn. Jojouhcam doi' pohadapan-Ku! Somuo kaitn urakng jahat.’

Ongko Yesus bopandir ko kumpulan urakng nantai, “Aku paca'an moumpamoan Koraja'an Allah ko kaitn. Koraja'an Allah soumpamo bigi' kocit inyo ditanam di kobutn. Bigi' nantai lantakng, monjadi tontanaman bosar, sampai boko burukng bulah sayakngnyo di boko dahatn tontanaman nantai.”