פסוקים פופולריים מ- Yohanes 2

שתף

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Kato Yesus koindainyo, “Indai, Aku cuku campur tangan dalapm urusan nantai. Bolupm datakng watunyo Aku monunju'an kuaso-Ku.”

Yesus bopandir ko boko polayatn nantai, “Isi'i ara'i cam boko roga' nantai bisi-bisi.” Lalu, sia' moisi roga' nantai sampai bisi. Lopas jadi nantai, Yesus bopandir ko sia', “Kuti'cam sodikit ara'i nantai ninam lalu baba' ko pomimpitn pogai.” Jadi, sia' molabuhan nantai.

Timbas Yesus, “Robahanbo Rumah Allah ni'in. Lalu, dalapm tigo ari, Aku paca'an mombangunnyo agi'!”

Jadi, Sio bulah sobuti' pohombat doi' tali lalu mousir somuo sia' nantai doi' Rumah Allah, tomansu' somuo domba ongko sapi sia'. Sio pan botikapm tikapan boko meja inyo dipakai boko urakng inyo mohurupan duit. Jadi, duit sia' dihambur ko mono-mono. Sio pan bopandir ko boko urakng inyo monjual burukng daro nantai. Kato-Nyo, “Koluarancam somuo burukng ni'in. Rumah Bopai-Ku Jangan dipulah monjadi rumah tompat bodagakng!”