פסוקים פופולריים מ- ወንጌል ዘሉቃስ 12

שתף

ወአንትሙሂ ድልዋኒክሙ ሀልዉ እስመ በጊዜ ኢተሐዘብክሙ ይመጽእ ወልደ ዕጓለ እመሕያው።

ወባሕቱ ኅሡ መንግሥተ እግዚአብሔር ወጽድቆ ወዝሰ ኵሉ ይትዌሰክ ለክሙ።

ወይቤሎሙ ዑቁ ወተዐቀቡ እምነ ኵሉ ትዕግልት እስመ አኮ በአብዝኆ ንዋይ ዘየሐዩ ሰብእ።

ወኀበ ሀሎ መዝገብክሙ ህየ ይሄሉ ልብክሙ።

መኑ እምኔክሙ ኀልዮ ዘይክል ወስኮ አሐደ እመተ በዲበ ቆሙ።

ወይቤሎሙ ለአርዳኢሁ በእንተ ዝንቱ እብለክሙ ኢተኀልዩ ለነፍስክሙ ዘትበልዑ ወዘትሰትዩ ወለሥጋክሙ ዘትለብሱ።

ወለክሙሰ ሥዕርተ ርእስክሙኒ ኵሉ ኍሉቅ ውእቱ ኢትፍርሁ እንከ እስመ እምብዙኅ አዕዋፍ ትኄይሱ አንትሙ።

ኢትፍራህ ኦ ንኡስ መርዔት እስመ ሠምረ አቡክሙ የሀብክሙ መንግሥቶ።

ርእዩ ዕጕለ ቋዓት ዘኢይዘርዑ ወኢየአርሩ ወአልቦሙ መዛግብት ወኢውሳጥያት ወእግዚአብሔር ይሴስዮሙ እፎ እንከ ፈድፋደ ትኄይሱ አንትሙ እምአዕዋፍ።

አንትሙሂ ኢትኅሥሡ ዘትበልዑ ወዘትሰትዩ ወኢትትፋለሱ።

ወለእመ ኮነ ሥርወ ጽጌ ዘዮም ሀሎ ወጌሠመ ውስተ እሳት ይትወደይ ከማሁኬ ይሬሲ እግዚአብሔር እፎ እንከ ፈድፋደ ለክሙ ኦ ሕጹጻነ ሃይማኖት።

እስመ አልቦ ክዱን ዘኢይትከሠት ወአልቦ ኅቡእ ዘኢያስተርኢ።