פסוקים פופולריים מ- ಮತ್ತಾಯೆ 5

שתפו

“ಬೊಕ್ಕ ತುಡರ್‌ನ್ ಪೊತ್ತಾದ್ ಕಲಸೆದುಲಯಿ ದೀಪುಜೆರ್, ದೀಪಕಂಬದ ಮಿತ್ತ್ ದೀಪೆರತ್ತಾ. ಅಪಗ ಅವು ಇಲ್ಲಡಿತ್ತಿನಾಕುಲೆಗ್ ಮಾತೆರೆಗ್ ಬೊಲ್ಪು ಕೊರ್ಪುಂಡು. ಐತ ಲೆಕ್ಕನೆ ನಿಕ್ಲೆನ ಬೊಲ್ಪು ಜನೊಕುಲೆ ಎದುರುಡು ಅರ್ಲಡ್, ಇಂಚಾಂಡ ಅಕುಲು ನಿಕ್ಲೆನ ಎಡ್ಡೆ ಕ್ರಿಯೊಲೆನ್ ತೂದು ಪರಲೋಕೊಡುಪ್ಪು ನಿಕ್ಲೆ ಅಮ್ಮೆರೆನ್ ಪುಗರುವೆರ್.

“ನಿಕುಲು ಲೋಕೊಗು ಬೊಲ್ಪಾದುಲ್ಲರ್. ಪರ್ವತದ ಮಿತ್ತ್ ಕಟ್ಟ್‌ದುಪ್ಪುನ ಊರು ಏಪೊಗ್ಲಾ ಮದೆ ಆದುಪ್ಪಂದ್.

ಶುದ್ಧ ಉಡಲ್‌ದಾಕುಲು ಭಾಗ್ಯವಂತೆರ್, ಅಕುಲು ದೇವೆರೆನ್ ತೂವೆರ್.

ನೀತಿಗ್ ಬಡವು ಬಾಜೆಲ್ ಇತ್ತಿನಾಕುಲು ಭಾಗ್ಯವಂತೆರ್; ಅಕ್ಲೆಗ್ ತೃಪ್ತಿ ಆಪುಂಡು.

ಆಂಡ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ ನಿಕ್ಲೆನ ಪಗೆನಾಕುಲೆನ್ ಪ್ರೀತಿ ಮಲ್ಪುಲೆ. ನಿಕ್ಲೆಗ್ ಭಂಗ ಕೊರ್ಪಿನಾಕುಲೆಗ್ ಪ್ರಾರ್ಥನೆ ಮಲ್ಪುಲೆ.

“ಆತ್ಮೊಡು ಬಡವೆರ್ ಆದಿತ್ತಿನಾಕುಲು ಭಾಗ್ಯವಂತೆರ್, ಪರಲೋಕ ರಾಜ್ಯ ಅಕ್ಲೆನವು.

ಸಮಾಧಾನ ಮಲ್ಪುನಾಕುಲು ಭಾಗ್ಯವಂತೆರ್, ಅಕ್ಲೆನ್ ದೇವೆರೆ ಜೋಕುಲು ಅಂದ್‌ದ್ ಲೆಪ್ಪಾವೊನ್ವೆರ್.

ದುಃಖ ಮಲ್ಪುನಾಕುಲು ಭಾಗ್ಯವಂತೆರ್, ಅಕ್ಲೆಗ್ ದೇವೆರೆಡ್ದ್ ಸಮಾಧಾನ ತಿಕ್ಕುಂಡು

ನೀತಿಗಾದ್ ಭಂಗೊನು ತಾಳೊಂಡಿನಾಕುಲು ಭಾಗ್ಯವಂತೆರ್, ಪರಲೋಕ ರಾಜ್ಯ ಅಕ್ಲೆನವು.

ಕನಿಕರ ಇತ್ತಿನಾಕುಲು ಭಾಗ್ಯವಂತೆರ್, ಅಕುಲು ಕನಿಕರ ಪಡೆವೊನ್ವೆರ್.

ಎನಡ್ದ್ ಜನೊಕುಲು ನಿಕ್ಲೆನ್ ನಿಂದೆ ಮಲ್ತ್‌ದ್ ಭಂಗ ಕೊರ್ದು ನಿಕ್ಲೆ ಮಿತ್ತ್ ಬೊಡ್ಚಾಂದಿ ಸುಳ್ಳು ಪಾತೆರ ಪಂಡೆರ್ಡ ನಿಕುಲು ಭಾಗ್ಯವಂತೆರ್; ದಾಯೆಗಂದ್ಂಡ ನಿಕುಲು ಎನ ಶಿಷ್ಯೆರಾದುಲ್ಲರ್. “ಸಂತೋಷೊಡುಪ್ಪುಲೆ, ಉಲ್ಲಾಸೊಡುಪ್ಪುಲೆ, ಪರಲೋಕೊಡು ನಿಕ್ಲೆಗ್ ದಿಂಜ ಫಲ ಉಂಡು. ನಿಕ್ಲೆಡ್ದ್ ದುಂಬು ಇತ್ತಿ ಪ್ರವಾದಿಲೆಗ್ಲಾ ಅಕುಲು ಇಂಚೆನೆ ಭಂಗ ಕೊರ್ತೆರತ್ತಾ.

ತಗ್ಗಾವೊಂಡಿನಾಕುಲು ಭಾಗ್ಯವಂತೆರ್, ಅಕ್ಲೆಗ್ ಭೂಮಿ ಬಾಧ್ಯಸ್ತಿಗೆ ಆದ್ ತಿಕ್ಕುಂಡು.

“ನಿಕುಲು ಭೂಮಿಗ್ ಉಪ್ಪು ಆದುಲ್ಲರ್. ಆಂಡ ಉಪ್ಪು ಚಪ್ಪೆ ಆದ್ ಪೋಂಡ, ಐಕ್ ಒಯಿಡ್ದ್ ರುಚಿ ಬರು? ಜನೊಕುಲು ಅವೆನ್ ಪಿದಾಯಿ ಪಾಡ್ದ್ ದೊಂಕಿಯೆರೆ ಯೋಗ್ಯದವು ಅತ್ತಂದೆ ಬೊಕ್ಕ ಒಯಿಕ್‌ಲಾ ಆವಂದ್.

ಅಂಚಾಯಿನೆಡ್ದ್ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ದೋಷದಾಂತಿನಾಯೆ ಆದುಪ್ಪುಲೆಕ್ಕ ನಿಕುಲುಲಾ ದೋಷದಾಂತಿನಾಕುಲು ಆದುಪ್ಪುಲೆ.

ನಿಕ್ಲೆನ ಪಾತೆರ ಅಂದ್ ಆದಿತ್ತ್ಂಡ ಅಂದ್, ಅತ್ತ್ ಆದಿತ್ತ್ಂಡ ಅತ್ತ್ ಆದುಪ್ಪಡ್. ಉಂದೆಡ್ದ್ ಹೆಚ್ಚ್‌ದವು ಸೈತಾನಡ್ದ್ ಬೈದಿನವು.

“ಕಣ್ಣ್‌ದ ಬದಲ್‌ಗ್ ಕಣ್ಣ್, ಕೂಲಿದ ಬದಲ್‌ಗ್ ಕೂಲಿ ದೆಪ್ಪಾವು ಅಂದ್‌ದ್ ಪನ್ತಿನೆನ್ ಕೇಂಡ್ದರತ್ತ. ಆಂಡ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ ಕೇಡ್ ಮಲ್ಪುನಾಯಗ್ ಎದುರು ಉಂತಡೆ. ಒರಿ ನಿನ ಬಲತ್ತ ಕೆಪ್ಪೆಗ್ ಹಾಕಿಯೆಡ ಆಯಗ್ ಬೊಕ್ಕೊಂಜಿ ಕೆಪ್ಪೆನ್ಲಾ ತೋಜಾಲ.

ನಿನ ಬಲತ್ತ ಕಣ್ಣ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕೂಂತುದು ದಕ್ಕ್‌ದ್ ಬುಡ್ಲ. ನಿನ ಇಡೀ ಶರೀರ ನರಕೊಡು ಬೂರುನೆಡ್ದ್ ನಿನ ಅಂಗೊಲೆಡ್ದ್ ಒಂಜಿ ಹಾಳಾಪಿನವು ಏತೋ ಎಡ್ಡೆ. ನಿನ ಬಲತ್ತ ಕೈ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ದ್ ಬುಡ್ಲ. ನಿನ ಇಡೀ ಶರೀರ ನರಕೊಡು ಬೂರುನೆಡ್ದ್ ನಿನ ಅಂಗೊಲೆಡ್ ಒಂಜಿ ಹಾಳಾಪಿನವು ಐಡ್ದ್ ಏತೋ ಎಡ್ಡೆ.