פסוקים פופולריים מ- Yohanɛsɛ 21

שתף

Gɛ ba ŋa kedɔ nɛ beke, Yesu ebisi Simɔnɛ Petro asɛ, “Simɔnɛ Yohanɛsɛ yɛ eyi, ɔdɛmɛ mɛ bui dɛa na?” Asɛ “Ee, Apalete, onyi sɛ ɛdɛmɛ wɔɛ bui.” Yesu ɛtsre yɛ asɛ, “Nyunɔ mɛ ibhoshieyi.” Yesu aza ɖɔ sɛ, “Simɔnɛ Yohanɛsɛ yɛ eyi, ɔdɛmɛ mɛ bui gbɛagba xã?” Ebu shu nu asɛ, “Ee, Apalete, ɔnyi sɛ ɛdɛmɛ wɔɛ bui.” Yesu aɖɔ sɛ, “Di mɛ ibhoshi nɛabha.” Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”

Aɖɔ asɛ, “Nɔ tɛɛ̃ wunɔ dzikle nɛ ɔkpɛ keniabha opupu nɛ kɛŋa kapɛ nɛ mɛ, klɛ nɔ bɔ mɔ eteli.” Gɛ ba bhɛtɛ lɛ, ba dɛ na dziklenu he bu alasɛ kenimɛdzya nɛ kpe so.

Simɔn Petro ɛtsre ale sɛ, “Ɛvɛ tɛ bu kɛnimɛdzya,” klɛ ba ɖɔ sɛ, “Bu ba tɔnɛ wɔ vɛ.” So ba vɛ de tsoku kɛniabha opupu nɛ mɛ, pɔ elishi alɛlɛ be di bu dɔnyɛdɔ.