פסוקים פופולריים מ- Yohanɛsɛ 15

שתפו

“Mɛ nu vãyɛ̃, wɔnɔ nu ɛshɛ̃. Onugɛ anɔ teli alɛ mɛ́ mɛ klɛ ɛlɛ yɛ mɛ, ebe yu eyuyu gelee, nɛ mɛede nɔ tɛ bɔ na kɛdɛnyɛdɔ bhɛtɛ.

Nɔ za mɛ́ mɛ, klɛ ɛba za wɔnɔ mɛ. Ɔshɛ̃ kanyaka ɔtɛ bɔ na yu nɛ ɔlɛ nahwɛ shuahwɛ; alasɛ tɛ lɔ ta vãyɛ̃ nɛ shu. Kanake no ti bo yu eyuyu odinu ɔkpasɛ mɛ́ mɛ.

Onugɛ nɔ wɔ mɛ́ mɛ klɛ mɛ ebui na lɛ wunɔɛ mɛ, bisi kɛdɔnyɛdɔ gɛ nɔ pɛɛ, klɛ ba bakɔ nɔ.

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Tɛdɛdɛmɛnɔ gbɛgbladɛ nɛ anɔ vama dɛ kɛnɛ, sɛ ayɛkɔ yɛ kpã etsye yɛ ɛbhɛya.

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Mɛ ɔshã ɔlɛ nu sɛ: Nɔ za tɛdɛdɛmɛnɔ nɛ aglɔ anasɛ gɛ ɛdɛmɛnɔ nɛ nɔ.

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Me nu vãyɛ̃ kɛgbɛagba, klɛ ma Aka yɛ nu ɔlɛ ayadɛ.

Onugɛ anɔ teli ama mɛ shui mɛ, alɛ anasɛ ɔshɛ̃ gɛ be te atɛ̃ klɛ lɔ kpã, ɛshɛ̃ lɛlɛ nɛ di ba tɔkɛ lɛ atɛ̃ akpɛ kifu mɛ klɛ lɛ tã.

Ɛtɛ̀ tsre nɔ anɛ sɛ tɛ mɛ same aza wunɔ mɛ, klɛ tɛ wunɔ same aba na.

Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.

Kɛnɛ kɛlɛ nu mɛ ɔshã: Nɔ dɛmɛnɔ nɛ ɔhaglɔ.

Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.