פסוקים פופולריים מ- Zyan 3

שתף

Dulunyanw syɛ̀ɛnnɛ kéele n tɔ̀nɔ n Kolocɔlɔɔ dɛ́nɛ gee bee na wi wi Pìinibingi kaan, jàngó syɔ́ɔnwee faala wi ga tága lè wi na, wee bee a ní kùu í, kàjáa wi a sìibangwɔɔw taa.

Níì cán Kolocɔlɔɔ ga wi Jáaw tun dulunyanw ni jàngó wi ba kútii kúun dulunyanw syɛ̀ɛnnɛ na í, kàjáa wi n wi tun, koro ga pye dulunyanw syɛ̀ɛnnɛ í ba syɔɔ wi bárigaw ni.

A Zyezu wi pye: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee séli n see lè kavɔn í, wee bee a gbǎn Kolocɔlɔɔ fǎngi nyaa í.»

Wee wi ga tága lè wi na, wee bee tɔ́lɔgɔ o nyɛ kútiiw ni í. Wee si wi lè wi ga tága wi na í, kútiiw n kúun n kwɔ́ɔ wee bee na, níì cán wi ga tága Kolocɔlɔɔ Jáaw nibin mɛ́ʔɛ na í.

Wee naa wi nyɛ kútiiw, gbɛ̀ɛ́nmi n pan dulunyanw ni, koro ní ki myɛ ní a yébilimi baa syɛ́ɛnbèle dɛ́nɛ n sɔ̀lɔ gbɛ̀ɛ́nmi na, níì cán be kapyegèle ga nyɔɔ í.

Ki n yɛlɛ kàa í da taari woro na, kàa sáā yirigi mii ni.

Syɔɔn o syɔɔn wi kapeegèle kpéʔele lè, gbɛ̀ɛ́nmi ga wee bee dɛ́nɛ nyáana í, wi o yirigi gbɛ̀ɛ́nmi na jàngó syɛ́ɛnbèle í kɔ́ woro kapyegèle nyaa í.

Syɔ́ɔnwee wi tága lè Jaafɔw na, sìibangwɔɔw i nyɛ wee bee ma. Wee si wi lè wi ga tága wi na í, woro a sìíw bee nyaa í, kàjáa Kolocɔlɔɔ fundanʔari n kòro wi na.»

Kánmee na Mowizi da wàbigi yìrige lè fìími tára ni, ànbée gi wɔ́ɔ̀ yɛlɛ be Syɔɔn-pya yìrige

Jaafɔw kéele n Tofɔw dɛ́nɛ, a wi yáriri myɛ le wi kɔ́yi ni.