פסוקים פופולריים מ- Juão 15

שתפו

Ixete kua mirá penyete sakangaita. Awa uiku sepia upe haiku yuiri ipia upe uriku iya puranga, nyãse timaa nungara pepuderi pemunya sesui.

Peiku sepia upe asui haiku kuri pepia upe. Tirame sakanga uiku mirá rese tiupuderi uriku iya, yawete yuiri penye tirame peiku sepia upe.

Peiku rame sepia upe senyenga uiku rame pepia upe pepurandu kuri maantu peputariwaa asui hamunya kuri penye arama ae.

Timaa peparawaka ixe maa ixe haparawaka penye asui hamundu penye periku arama peiya asui uiku arama yawewarawate, asui sepaya uxari kuri penye arama maantu pepurandu irumu serera rupi.

Tiawa ugustari amuita isui kua umanuwaa ianamaita resewara.

Panye kuaita sakangaita tiwaita uriku iya umunuka ainta, asui panye kua sakanga urikuwaita iya umunuka aintasui puxuwerawaita iya arama ainta siyapiri.

Aete kua hamunduwaa peyugustari arama penyepawa kuaye hagustariwaa yawe penye.

Aintaukuawa kuri hambuewaita penye asui periku kuri peiya puranga ape kuri aintaumbeu purangawaa sepaya resewara.

Asui Jesus unyee: —Ixete kua mirá supiwa, sepaya kua usarusara ae.

Awa tiuiku sepia upe aintaumburi kuri ae maye sakanga tikangawaa yawe aintaumuatiriwaa aintaumburi arama tata kiti usapi aramawaa.

Hambeu penye kua hambeuwaa suuri arama kuri ixe peresewara suuri arama yuiri penye turusu.

Pemunya rame kua hambeuwaa peiku kuri hagustarisawa rese kuaye hamunyawaa yawe sepaya umbeuwaa asui haiku ugustarisawa rese.

Yawe hamundu penye peyugustari arama penyepawa.

Mundu iyaraita rame maa penye aintaugustari maa aintayaraita kuaita mundu puraita, maa timaa mundu iyaraita penye nyãse haparawakawaita penye kua mundu sui, ape puxi aintaumaa penye arama kuaita mundu puraita.