פסוקים פופולריים מ- Pomulanya 26

שתף

Wali si’i-si’i korom damaroo ruyu ri tana ntau Pilistin si’i. Pei Aku damangararamaka korom pasi damampakasanang katuwu ngkorom. Apa samparia tana si’i Aku damangawaika yau resi korom pasi resi wiyaamu singkonong ewa parajanji to Aku nangika resi pa’amu, i Abraham, seore.

Aku damampakaboros wiyaamu see naka sira damawali ewa batu’e kaborosinya. Pasi Aku damangawaika sira samparia tana si’i. Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba i Abraham nampalaika gombongKu. Ia nangika samparia to Aku manganto’oka ia mangika. Pasi ia nangalulu porentangKu pasi tuntungKu pasi patundengKu.” Wali etu semo gombo i mPue Yawe resi i Ishak.

Roo see i Ishak pasi joanya malimba wo’u mampiyaika yau sumur etu panewa mangkeke wo’u sumur. Tempo etu tare tau to mampotingkaka sira nja’u ria, see naka i Ishak mangansangaka sumur etu Rehobot, batuanginya Soa. Ia manganto’o, “Si’i-si’i i Pue Yawe roomo mangawaika kita tana to soa, see naka kita damawali boros ri tana to si’i.”

Rata nja’u ria, i Pue Yawe rata resi i Ishak pei manganto’oka ia, to’oNya, “Ne’e polas yau lo’u tana Mesir. Kasimbalinya yako etu, karoo ri tana to dakusuduka korom.

Wali yako etu, i Ishak mangawangu palampa watu pei mampue mampakabae i Pue Yawe. Roo see ia mangawangu tendanya ri Bersyeba etu panewa to papolaonginya mangkeke wo’u sumur ndate ria.