פסוקים פופולריים מ- Pomulanya 22

שתף

Yako etu i Abraham mangansangaka tongku tampa pangikanya pampue etu “I Yawe-yireh,” batuanginya “I Pue Yawe Mangawai.” Wali see naka rataka ri temponya aku mangantulis sarita si’i tau tiroo manganto’o, “Ri tongku i mPue Yawe semo Ia damangawai anu to parluu ngkita.”

Wali i Pue Allah manganto’o, “Inta njo’u tana Moria. Tempo korom yau, keni seja i Ishak, anamu to samba’aja, to nuporayang kojo etu. Rata nja’u tana Moria etu, inta nto’u tongku to daKusuduka korom panewa ndate ria sambale yau i Ishak pei tunu yau ia. Ewa wetu danuika mampampueka yau ia resi Aku.” Etu semo porenta i mPue Allah resi i Abraham.

Wali Pomakau i mPue Yawe manganto’o, “Ne’e mampopate yau anamu! Ne’e mangika bara kesaa to mampakaja’a ia. Aku manasamo si’i-si’i korom monso pu’u manga’angga i Pue Allah, apa sakowa anamu to samba’aja etu korom buya seja rayamu mampampueka resi Aku.” Etu semo gombo i mPomakau i mPue Yawe resi i Abraham.

Panewa pa’anya mangansono, ia manganto’o, “Anangku, i Pue Allah semo damangawaika kita ana nu domba to darapampueka.” Wali sira dua mampolasaka palinjanya etu.

Ewa si’i parajanjingKu, Aku monso pu’u damampakasanang katuwu ngkorom. Aku damampakaboros wiyaamu see naka sira damalagi ewa batu’e pasi ewa bone ri wii ntasi kaborosinya. Pasi wiyaamu etu damanganangi bali nsira pei damangantundang yau kota-kota nu bali nsira etu. Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba korom mampalaika gombongKu.’” Etu semo parajanji i mPue Yawe resi i Abraham.

Wali yako etu, re’e seore i Pue Allah mangansoba pangaya i Abraham. Ia mampogomboka i Abraham, to’oNya, “O Abraham!” Panewa i Abraham mangansono, “Kesaa danuto’oka ngKomi aku, Pue?”

Pei Pomakau i mPue Yawe mansaka mampogomboka ia yako ndate yangi, Ia manganto’o, “O Abraham! Abraham!” Wali i Abraham mangansono, “Kesaa daNuto’oka ngKomi aku?”

Wali ojo karoonya i Abraham mangika palaong to etu, Pomakau i mPue Yawe mampogomboka wo’u ia kadua ngkaninya yako ndate yangi, Ia manganto’o, “Si’i semo gombo i mPue Yawe, to’oNya, ‘Korom mampalaika Aku pasi sakowa anamu to samba’aja etu, korom buya seja rayamu mampampueka resi Aku. Wali see naka Aku mangika parajanji yako ri kuasangKu semo.

Wali ojo karata nsira dua nja’u tampa to nato’oka i mPue Allah sira etu, i Abraham mangawangu palampa watu nja’u ria. Ia mamposaka yuta ndate wawo mpalampa etu panewa ia mangampungu i Ishak pei mampoduli yau ia ndate wawonya.