פסוקים פופולריים מ- Matalikilo 15

שתף

Lino Abulamu wakasyoma Mwami Leza, akaambo kakusyoma kwakwe ooku, Mwami Leza wakabala Abulamu mbuli mululami.

Musule akooku, Abulamu wakabona cilengaano, wakamvwa Mwami Leza kaamba kulinguwe kuti, “Utayoowi Abulamu. Ndime bulumbu buyookuvubya. Ndime ntobo yako yakukukwabilila.”

Mpoonya Mwami Leza wakamugwisya anze akumwaambila kuti, “Langa mujulu. Bala nyenyezi naa ulazikonzya. Mbubonya oobu alwalo lunyungu lwako mboluyoovula.”

Abulamu wakamvwa Mwami Leza kaamba alimwi kulinguwe kuti, “Ooyu muzike wako tali ngonguwe uutikakone lubono lwako pe, mwanaako mwini wakulizyalila nguutikakone lubono lwako.”

Mwami Leza wakati kulinguwe, “Bana bako bayooba beenzu munyika imwi iitali yokwabo. Bayooba bazike kubantu banyika eeyo, alimwi bayoolelwa alutuzi lupati kwamyaka iili myaanda yone.

Pele Abulamu wakaamba kuti, “O Mwami Leza wangu, tee kayi mebo ndinyina bana. Ino inga uyoondilumbula buti? Uyookona zyangu ngu Eliyaza waku Damasikasi.

Mubuzuba oobo Mwami Leza wakacita cizuminano a Abulamu, wakati, “Ndasyomezya kuti ndiyoopa nyika yoonse eeyi kulunyungu lwako, kuzwida kumulonga uuli mumunyinza wacisi ca Ijipiti kuyoosika mane kumulonga mupati wa Yufuletisi

Lunyungu lwako luyoozwa mubuzike akuboola alimwi muno munyika muzyalani lyane, nkaambo lino kubisya kwa Baamoli takunasika ampa eeni-eni kuti mbasubule.”