פסוקים פופולריים מ- Yoana 10

שתף

Ebuni ekokolan akokoo, akiyar ka amunaar. Abu eong' kabu tetere idumunete osi akijar, akijar na epolo noi.”

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Amerekekin kang' epupete eporoto kang', ajeni eong' kesi, kesi de katupito eong'.

Bobo ainakini eong' de kesi akijar na emam kedaun, bobo mam cut kesi ketwakiyarete. Bobo mam itwan ebuni ademar kesi kakanin kang'.

Eong' nes ekek. Kelomo itwan kere toma itorit nama kang', eyuuno nesi kosodi nesi akilomo toma ka alomar kodumuni inya.

Eong' nes lokejokon lokajokan. Ajeni eong' lukang' kelope, lukang' de ejenete eong'.

Papa kang' lokainakini eong' kesi epolo noi akitelekaar kere. Kanuka ng'un emam itwan ni epedori akopor kesi kakan ka Papa. Eong' ka Papa kiraito ipe.”

Ekipone lo ejenia Papa kang' eong' nes ekipone ajenia eong' de Papa. Apali eong' akijar kang' kanuka amerekekin.

Emam itwan nikademari eong' konye eong' elope nes apali. Ajaasi eong' elope ka apedor naka akipala ka apedor naka adumun bobo. Adumu eong' akicorakinet na kamaka Papa kang'.”

Kolimokini Yesu bobo kesi ebe, “Abeit, abeite, kalimokini eong' osi ebe, arait eong' ekeki loka amerekekin.

Etwan lo eropio, lo emam keraiti lokejokon, lo emam amerekekin de keraito nukeng', keanyu epeete ebuuti, inyekini amerekekin kode alepori. Kosodi epeete akikamanar ka akisiarakin kesi.

“Abeite, abeite, kalimokini eong' osi ebe nesi ni emam kitori orute elomi toma agola naka amerekekin konye koporokini toma korot kece, erait ikokolan bobo erait ikademan.