פסוקים פופולריים מ- Matiu 6

שתף

Mewaliꞌ hangaa-ngaa nipaioru popárentána Pueꞌ Ala i lalu katueꞌmi, hai hangaa-ngaa niundeꞌ oaꞌ mobábehi apa to manótó i peitáNa. Ane nibábehi noꞌonoꞌ, upu-upu to niparaluu bateꞌna ina Naweꞌikou.

Mewaliꞌ, ineeꞌ nipokaraoꞌ inao mampekiri apa to ina mewaliꞌ i alo-alo to ina haweꞌ. Alo deꞌe gáná miꞌi kamapárina, ineeꞌ wopiꞌi nitámbái mampekiri apa to ina mewaliꞌ kahalo.”

“Mewaliꞌ Kuhángáꞌáꞌákou: ineeꞌ nipokaraoꞌ inao kana i katueꞌmi, apa to ina niandeꞌ hai niꞌinu. Ineeꞌ woꞌo nipokaraoꞌ inao kana i pewaruꞌmi. Tiꞌara paꞌi katueꞌmi melumbuꞌ hangko i pandeꞌ hai pewaruꞌ?

Agáiáná kómu, ane mekakaekou, mesuaꞌkou i lalu lintuꞌmi, nituko babaꞌ, hangko mekakaerakou i Umámi to tiꞌara niꞌita. Láwiꞌ Ia moita mpuꞌu bábehiámi kehapiꞌ tiꞌara tongawaꞌ i tauna ntániꞌna, hai ina nilámbiꞌ háwángina.

Mewaliꞌ, mekakaekou node: Umángkiꞌ to i surugáꞌ, kipomahile hangaꞌMu to magasaꞌ. Kipembiáꞌ bona Nupatongawaꞌ popárentáMu, bona upu-upu tauna mampeuláꞌi peundeꞌáMu i duniáꞌ nodo to mewaliꞌ i surugáꞌ.

Nuweꞌiangkaiꞌ pandeꞌkiꞌ i alo dehangaloá i kagáná-gánáꞌána

hai Nuámpungiangkaiꞌ hangko i kamasalaꞌkiꞌ, nodo woꞌo kaiꞌ moámpungi hángká rángángkiꞌ to masalaꞌ i kaiꞌ.

Hai ineeꞌangkaiꞌ Nupatodáhi nakeloꞌ to kadake agáiáná Nukámpáiangkaiꞌ hangko i Topekeloꞌ. [Láwiꞌ Io miꞌi Datu to mepárentá, hai makuasaꞌ, hai meawaꞌ duuꞌna i rue-ruena. Ami.]

Ane niámpungi tauna to masalaꞌ i kómu, Umámi to i surugáꞌ ina moámpungikou.

Peita tádáhi to membara-mbara i laerawa. Tiꞌaraheꞌ mantudaꞌ, tiꞌaraheꞌ mepare, hai tiꞌaraheꞌ woꞌo mamboli powiáꞌraꞌ i buhoꞌ. Agáiáná kehapiꞌ noꞌonoꞌ, Umámi to ara i surugáꞌ bateꞌna mopaꞌandeꞌheꞌ. Apa mani kómu. Tiꞌara paꞌi katueꞌmi melumbuꞌ hangko i katueꞌraꞌ tádáhi?

“Ineeꞌkou morámpu párewá ngkáduniáꞌ, láwiꞌ párewá ngkáduniáꞌ peisá naꞌandeꞌ epi ba tágárá. Pemboliá párewámi peisá rabungkáhi hai óntóꞌna rapanako. Rángina miꞌi rárá katueꞌmi hintotoꞌ hai peundeꞌána Pueꞌ Ala, bona Pueꞌ Ala ina mopatimama háwángimi i surugáꞌ. Párewá to noꞌonoꞌ tiꞌara ina matántá, láwiꞌ indoreá tiꞌara ara to mopamatágárá, tiꞌara ara to mopabubuꞌ, tiꞌara ara to mopakarugiꞌ, hai tiꞌara woꞌo ara to mopanako. Mewaliꞌ apa to nipaioru i lalu katueꞌmi, bateꞌna iti oaꞌ to nipekiri.

“Tiꞌara ara hadua tauna to nabuku mobágóꞌ i rodua tuá, láwiꞌ hadua ina nabiláꞌ, hai hadua tiꞌara ina nabiláꞌ. Hadua ina napeuláꞌi hawaꞌna, hai to haduána tiꞌara ina nauláꞌ. Noꞌonoꞌ woꞌo kómu: tiꞌarakou peisá mampeuláꞌi peundeꞌána Pueꞌ Ala ane mampeliꞌ pekou párewá ngkáduniáꞌ.”

Mewaliꞌ, ane Pueꞌ Ala mampomababe rumpuꞌ i pádá, to ara i alo deꞌe hai rahunu kahalo, apa mani kómu! Melumbuꞌ mani pekádipurána Pueꞌ Ala i kómu haneꞌi rumpuꞌ. Moapa riꞌi haneꞌi tiꞌara nihárungá pekádipuráNa?

Agáiáná ane mampeweꞌikou apa peá i hángká rángámi, hangaa-ngaa nipeweꞌi ngkániiꞌ-niiꞌ hangko i kabulána lalumi, bona tiꞌara raisá tauna ntániꞌna. Umámi to ara i surugáꞌ moisá kamaroꞌana bábehiámi kehapiꞌ tiꞌara tongawaꞌ i tauna ntániꞌna, hai ina nilámbiꞌ háwángina.”

Iesu mopaliliu laluitaNa, Nauliꞌ, “Maroꞌa-roꞌakou bona ineeꞌkou mampopolumao poágámámi i lindoꞌraꞌ tauna to handaꞌ bona raita pekou. Bábehiámi to noꞌonoꞌ tiꞌara ina nawátiꞌ Pueꞌ Ala Umámi to ara i surugáꞌ.

“Ane mopuasaꞌkou, ineeꞌkou mampe to masusa lalumi, nodo tauna to mampe to maroꞌa peá. Ane mopuasaꞌheꞌ, ratunggái tiꞌara membahoꞌ ba mekarabiꞌ, bona raisá tauna kamopuasaꞌraꞌ. Bona niꞌisá: tauna to noꞌonoꞌ bábehiáraꞌ, tiꞌara ina molámbiꞌ apa-apa hangko i Pueꞌ Ala, láwiꞌ ralámbiꞌ miꞌi petóiá hangko i tauna. Agáiáná kómu, ane mopuasaꞌkou, hangaa-ngaa membahoꞌkou hai mekarabiꞌkou, bona tiꞌara raisá tauna kamopuasaꞌmi. Bateꞌna peá Umámi i surugáꞌ to tiꞌara niꞌita to moisá kamopuasaꞌmi. Ia moita mpuꞌu bábehiámi, kehapiꞌ tiꞌara tongawaꞌ i tauna, hai ina nilámbiꞌ háwángina.”