פסוקים פופולריים מ- ମାତି 3

שתף

ଈଦାଆଁତାକି ମ଼ନ ୱେଟ୍‌ହାମାନାଣି ନେହିଁ କାମାତା ତ଼ହ୍‌ଦୁ

ଅ଼ଡ଼େ ମେହ୍‌ଦୁ, ହା଼ଗୁଟି ଈ ହା଼ଡା ଆ଼ତେ, “ଈୱାସି ନା଼ ଜୀୱୁତି ମୀର୍‌ଏସି ଈୱାଣି ତା଼ଣା ନା଼ ହା଼ରେକା ରା଼ହାଁ ମାନେ ।”

ଜୀସୁ ବାପ୍ତିସ୍ମ ଅ଼ତି ଦେବୁଣିଏ ଏ଼ୟୁଟି ନିଙ୍ଗା ୱା଼ତେସି । ଏଚେଟିଏ ହା଼ଗୁ ଦେପିଆ଼ତେ, ଇଞ୍ଜାଁ ମାହାପୂରୁତି ସୁଦୁଜୀୱୁ ପା଼ର୍‌ୱା ପଟାଲେହେଁ ଜୀସୁ ଲାକ ରେ଼ଚା ୱା଼ହିମାଚାଣି ଜହନ ମେସ୍ତେସି ।

ନା଼ନୁସାଁ ମିଙ୍ଗେ ପା଼ପୁଟି ପିସ୍‌ପି କିହାଲି ଇଞ୍ଜାଁ ମ଼ନ ୱେଟ୍‌ପି କିହାଲି ଏ଼ୟୁତଲେ ବାପ୍ତିସ୍ମ ହୀହିମାଞ୍ଜାଇଁ, ସାମା ନା଼ ଡା଼ୟୁ ରଅସି ୱା଼ହିମାନେସି ଏ଼ୱାସି ନା଼ କିହାଁ ହା଼ରେକା ବା଼ଡ଼୍‌ୟୁ ଗାଟାସି, ଏ଼ୱାଣି ସେପୁୟାଁ ହୁକ୍‌ହାଲି ଜିକେଏ ନା଼ନୁ ପା଼ଡ଼ାଆ଼ଅଁ; ଏ଼ୱାସି ମିଙ୍ଗେ ସୁଦୁଜୀୱୁ ଇଞ୍ଜାଁ ହିଚୁତଲେ ବାପ୍ତିସ୍ମ ହିୟାନେସି ।

ଅ଼ଡ଼େ ନୀଏଁ ଜିକେଏ ମା଼ର୍‌ନୁ ଡାକିତା କାଃଆଲି ଆଟାମାନେ, ଆମିନି ମା଼ର୍‌ନୁ ନେହିଁ ପା଼ଡ଼େୟି ଆ଼ୟେଏ, ଏ଼ଦାନି ଟୂଣ୍‌ହାନା ହିଚୁତା ମେତ୍‌ପି ଆ଼ନେ ।

ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନି ଜିସାୟ ତା଼ଣାଟି ଈ ହା଼ଡା ୱେସ୍‌ପି ଆ଼ହାମାଚେ, ଏ଼ୱାସିଏ ଈୱାସି; “ରଅଣି ହା଼ଡା ଲ଼କୁ ହିଲାଆ ଟା଼ୟୁତା ୱେ଼ଙ୍ଗିମାନେ, ପ୍ରବୁ ତାକି ଜିରୁ ତିୟି କିଦୁ ।”