פסוקים פופולריים מ- Mwa 3

שתף

Yĩla mũndũ mũka ũsu woonie ũndũ mũtĩ ũsu waanakavĩte na ũndũ matunda maw'o maseũvĩte ma kũĩwa, na o ta ũu asũanĩa kana mũtĩ ũsu waĩ mũseo wa kũnenga mũndũ ũĩ, nĩwatwie matunda maw'o na aya. Nĩwanengie mũũme amwe, o nake aya.

Katĩ wa nyamũ ila Mwĩai Ngai woombie, nzoka nĩyo yaĩ nzeleke mũno kwĩ syonthe. Kwoou nĩyakũlilye ũla mũndũ mũka atĩĩ, “Kwa w'o Ngai nĩwamwĩie mũikaaye matunda ma mũtĩ o na wĩva ũla wĩ mũũndanĩ ũũ?”

Nĩngwĩkĩa ũthũ katĩ waku na mũndũ mũka, na katĩ wa ũsyao waku na nzyawa yake. Nzyawa ĩsu ĩkatumba mũtwe waku, naku ũkaũma kĩtiinyo kyake.”

Nĩwamwĩie mũndũ mũka atĩĩ, “Ngaingĩvya mũno woo waku yĩla ũũsyaa; ũkeethĩawa na woo yĩla ũũsyaa. Ĩndĩ ũu wĩ o vo ũkeethĩawa wĩ na wendi wa mũũme waku, nake akeethĩawa na ũkũmũ ĩũlũ waku.”

Ũkathũkũmaa wĩa mũito ũkanoa, nĩ kana ũkwate lĩu wa kũya, nginya yĩla wĩsyoka mũthanganĩ, nũndũ nĩvo waumiw'e. Woombiwe kuma mũthanganĩ, na ũkatw'ĩka mũthanga ĩngĩ.”

Nĩvo ĩndĩ Mwĩai Ngai weeie Atamu atĩĩ, “Nĩkwĩthĩwa nĩwĩthukĩĩisye mũka waku, na waya ĩtunda ya mũtĩ ũla nakwĩaĩie ndũkaye, nĩngũumanĩa nthĩ nũndũ waku, kwa nzĩa ya kũtethya wĩa mũito ũkakwataa lĩu kuma mũthanganĩ mĩthenya yonthe ya thayũ waku.

Mwĩai Ngai amũkũlya atĩĩ, “Nũũ ũkwĩie wĩ mũthei? Ko ũĩe matunda ma mũtĩ ũla nakwĩaĩie ndũkaaye?”

Amina kũmalũngya kuma mũũndanĩ ũsu, Mwĩai Ngai nĩwaiie ngalĩko ya wumĩlonĩ wa syũa syũmbe syĩ nthwau syĩtawa akelũvi, na ũvyũ wakanĩte mwaki weethyũũaa ngalĩko syonthe, ũsiĩĩe mũndũ o na wĩva ndakathengee mũtĩ ũsu ũnenganae thayũ.

Atamu nĩwanengie mũka ĩsyĩtwa amwĩta Awa, nũndũ nĩwe waĩ inyia wa andũ onthe.