פסוקים פופולריים מ- Suluet 1

שתפו

A un kulyani adi, Ti yi gweji Ŋuto a gwuluet nikao, gwoso gwesin kao; ko ti lepeŋat tumatyane i somot ti törön, ko i kwen liŋ ti ki, ko i toro ’bo, ko i ŋo liŋ ti kak, ko i ŋo lio lo gwö gwöŋtu kak kilo. Nyena a Ŋun gweji Ŋuto a gwuluet nanyit, a gweji lepeŋ gwoso gwesin kanyit ti Ŋun; a gweji lepeŋat ko lalet ko nakwan.

a Ŋun ’boroji lepeŋat; a Ŋun kulyani ko se adi, Yuŋweni ta yuŋwe, ŋdine taŋdi, ko jorene ta i kak, ko te ’yi ta lepeŋ, ko tumatyane ta i somot ti törön, ko i kwen ti ki, ko i ŋo liŋ lo gwon jörun logon wöwörö kak kilo.

I suluki na ŋo liŋ Ŋun a gweja ko ki ko kak.

Ama a kak gwe a mulu kana, a mudwe gwe i loki na koŋe lo pioŋ; a Mulökötyo lo Ŋun bibirte i pioŋ ki.

A Ŋun kulyani adi, Ti parara na gwe; a kirut parara na gwe.

A Ŋun ko mete ŋo liŋ nagon nye a gwe kine, a gwe a na ’but parik. A tokotyaŋ na gwe a kirut ko ’bure, a gwe a lor tobuker.

A Ŋun ko mete adi parara a na ’but; a Ŋun koŋi parara ko mudwe.

A Ŋun kulyani adi, Mete ta, nan aje tikin ta ŋo liŋ logon toran a konyen logon gwon i kak ’bukuluŋ, ko kaden liŋ logon radan ludweki, se gwe a kinyo losu.

A Ŋun gwije parara a Tuparan, a gwije mudwe a Tukwaje. A tokotyaŋ na gwe a kirut ko ’bure, a gwe a lor geleŋ.

A Ŋun kulyani adi, Ti ’diko na gwe i kiden na pioŋ i koŋa na kunu pioŋ ko kune pioŋ.

Nan Köti a tikin ŋo liŋ lorem lo punun kak kilo a kinyo lo kijakwa liŋ ti mu ’diŋ, ko lo kwen liŋ ti ki, ko lo ŋo liŋ logon gwögwöŋtu kak lo gwon jörun kilo. A gwe sona.

A Ŋun kulyani adi, Ti pararajin gwe i ’diko i koŋa na tuparan ko tukwaje; ti se gwe a kweyesi ti diŋitan, ko ti perok, se ko ti kiŋajin

A Ŋun kulyani adi, Ti kak pune pun, ko ti ŋo logon toran a konyen, ko kaden logon radan ludweki lo gwe i na kak, gwoso i gweyarijin kase ka ’de ka ’de. A gwe sona.

A Ŋun gweji ’diko, a koŋi pioŋ na gwon kak ko pioŋ na gwon ki i ŋina ’diko kune; a gwe sona.

A kak pune ŋo logon toran a konyen gwoso i gweyarijin kase ka ’de ka ’de, ko kaden logon radan ludweki logon ko konyen kase gwoso i gweyarijin kase ka ’de ka ’de; a Dun ko mete, a gwe a na ’but.

A Ŋun gweji pararajin murek dumalak; duma nase tumatyan i tuparan, na ’dit nase tuma tyan i tukwaje; a nye Köti gweji kaser.

A Ŋun kulyani adi, Ti pioŋ parik. A tokotyaŋ na gwe a kirut kö ’bu re, a gwe a lor tobuker, na gwon i mukök na ’diko kune momori i pirit na geleŋ, ko ti kak nateyon metani meta; a gwe sona. A Ŋun gwije kak nateyon na a Kak, a nye gwije momoresi ti pioŋ a Törön; a Ŋun ko mete a gwe a na ’but.

A Ŋun ’boroji lepeŋat adi, Yuŋweni ta yuŋwe, ŋdine ta ŋdi, jorene ta i pioŋ ti tör. Ti kwen ŋdine ŋdi i kak.

A Ŋun kulyani adi, Ti kak topu kuŋdye ŋo lo gwon jörun gwoso i gweyarijin kase ka ’de ka ’de, kweja adi, toro ’bo, ko ŋo liŋ lo gwögwöŋtu kak kilo, ko kijakwa ti mu ’dio, gwoso i gweyarijin kase ka ’de ka ’de. A gwe sona.

A Ŋun kulyani adi, Ti pioŋ koko ’yökti koko ’yokta ko tojore na Ŋo lo gwon jörun, ko ti kwen ’da ’dajiti i wöli na ki ko kak.

a Ŋun gweji kijakwa ti mu ’diŋ gwoso i gweyarijin kase ka ’de ka ’de, ko toro ’bo gwoso i gweyarijin kase, ko ŋo liŋ logon gwogwoŋtu kak kilo gwoso i gweyarijin kase ka ’de ka ’de; a Ŋun ko mete a gwe a na ’but.