פסוקים פופולריים מ- Oyinyima 1

שתפו

Di Ohomorihi va ka, “Jẹẹ ya mẹ ọza vene ẹngụ ayị, dị ẹ̀ yà anka ị mẹ̀ yà. Ẹnị ẹ vaa vị ohirẹsụ ivovo ene hi ini enyi ọnịrị inomi ene hi ẹbẹẹba ne beri avaba uye nịnị, oweyi, ọbanyị, ini eehi ọnịrị ịnị avị.” Ịzẹyịza di Ohomorihi mẹ ọza, dị ọ mẹ wa vene ẹngụ anị nị. Ọnọrụ ọnịrị ọnẹẹ ọ mẹ nị.

Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ẹtẹ vị ana vịdị tịtẹ juguu kẹnẹ, di o vi osusu nị. Enyi ọbanyị vi ene kú avaba ẹtẹ, dị avaba ẹtẹ vị ịrahụ ruma-ruma nị. Dị Ụhwẹ Ohomorihi yà ẹbẹẹba enyi ọnọọ, dị aa mẹ nanana nị.

Ohomorihi ộ kà a ka à nyị ẹtohweyi, dị a nyị ẹtohweyi nị.

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Ohomorihi ô re ka ẹtohweyi ọnọọ ô zoza. Di Ohomorihi mẹ ẹhwị yị ẹtohweyi ọnịrị ịrahụ nị.

Mâ sị akụ ọnịrị apaapa ne beri ẹtụtụ irenyi-irenyi yị wụ nịnị ka waa rị wa nịnị.

Di Ohomorihi ka ẹtohweyi ọ vị ọọdụ, di etohozi ọnị ọ̀ vị ịrahụ nị. Hụụnị ẹnẹnẹ na ngụ oruva dị ọ vị ẹkụhị ọnya nị.

Ịrẹma ọnọọ di Ohomorihi rẹ ka à nyị eguhi dị ọ̀ yà ịnị akakana enyi ọnọọ dị ọ̀ gà enyi ọnọọ hi ẹẹva.

Ama inomi ọnịrị uye nịnị vị ọnị mị sị avị yị ka ẹẹ̀ rị ọ.” Ịzẹyịza dị ọ rẹ vavọọ yà nị.

Dị Ohomorihi rẹ ka à nyị ẹtohweyi hi ini eguhi ẹbẹẹba, dị ọ̀ há ọọdụ ọnịrị ịrahụ hi, dị à rẹ zụ sịị yẹ ẹkụhị, ịrayị ọnịrị ụmẹ eche ahẹkẹ.

Ohomorihi ọ rẹ kà a ka ọchị nịnị ẹ̀ chị hụụnị ẹtẹ hi ẹhẹ, ọchị irenyi-irenyi anaā nyị ẹtụtụ ọnịrị ihu evere ẹnịnị. Dị ẹ rẹ vavọọ, chị hi ẹhẹ nị.

Dị Ohomorihi mẹ̀ ịsa ọnya ana ya anka itu avọọ dị ọ há enyi ọnọọ hì ẹẹva nị. Ọnya yà iruvo itu dị ọsa yà ẹbẹẹba anị nị. Ịzẹyịza dị ọ vavọọ yà nị.

Dị ọchị irenyi-irenyi vavọọ chị hi ẹhẹ nị, ochị anaā nyị ihu evere ẹnịnị ọnịrị anaā tụ́ ẹtụtụ evere ẹnịnị. Ohomorihi mẹ vavọọ re e, ô zee e eyi.

Ohomorihi ộ mẹ̀ ịsa ẹbanyị ẹẹva anaā sịị ẹtẹẹ hweyi. Ana banyị hu aa zẹtẹ ọọdụ, di oweyi ọnị aa zẹtẹ ịrahụ nị. Di Ohomorihi rẹ mẹ ụzọmị nị.

Di Ohomorihi rẹ ka enyi ene hi iruvo itu ẹ̀ kụ́ gụ hi aha ọnya di eteesu ò re oze tụ́ ẹhẹ. Dị ọ rẹ vavọọ yà nị. Dị ọ ka eteesu ọnọọ ọ vị ẹtẹ, di enyi ana kụ́ gụ ọnị vị òkū nị. Ịjị Ohomorihi vavọọ re e ô zee e eyi.

Di Ohomorihi ka vi o vee zee yị wa nị. Dị ọ ka wa naa ma dị waa rụrụụ hu avọọ nịnị, dị wa gwẹtẹ hi ini enyi nịnị ọnịrị ịnị òkū. Dị inomi nịnị ẹ̀ gwẹtẹ hi ẹhẹ.

Di Ohomorihi rẹ ka evere ịsa ana aa tụ́ ụhwẹ irenyi-irenyi ẹ̀ chaka hi ịrẹsụ ẹtẹ, ẹhụụ uye ẹbanyị uye eneē tura, ọnịrị uye ịnị avị. Evere ọzọza ẹ̀ gara hi ẹhẹ. Dị ọ rẹ vavọọ yà nị.

Ohomorihi rẹ ka ịsa anaā ra ini enyi ọrụrụ-ọrụrụ ẹ̀ chaka hi ini enyi, di inomi nịnị eè hira ẹbẹẹba ini eguhi.

Di Ohomorihi mẹ uye ini avị evere irenyi-irenyi ọnịrị ịsụpa ne beri uye eneē tura anka evere ọzọza nị. Ohomorihi mè re e ô zee e eyi.