פסוקים פופולריים מ- Ubwandilo 22

שתף

Abụlahamụ alinkubupa ubujo bula īngamụ ja “Jehobajile” kokuti Kyala ikupa. Kifwene bo mụmo abāndu bịkujobela na kulilino kuno, ukuti Nkyamba kya NTWA fịkwagịgwaga.

Kyala alinkummbūla alinkuti: Umwegege umwanāko Ịsịhaka jumojwene ntiga; uju unnganịle ubūkege nagwe kukị̄su kya Molija; kula kula pa Kyamba kimo iki nịsakukunāngisya, ko ukị̄kemēsyege kumyangu umwanāko ukuti ajege ịkemo ilyokye.

Po papo ugwandumị gwa Kyala alinkuti: Unganngogaga umwanịke, ungammbōmbelaga nasịmo, lilino po mmēnye ukuti kuntị̄la Kyala nalolị, papo ukakāna ukūmba une umwanāko jumojwene ntiga.

Abụlahamụ alinkuti: Gwe mwanāngu, kyala ịkwakutupa akang'ōsị kakwịkemēkesya. Po papo balinkubūka injila jābo.

Nịsakukusajaga nalolị kangi nisakubabāsyaga aba nndujụ̄ngụ lwako, bịsakujaga bo sị̄ndōndwa sya kumwanya, kangi bo gunsānga gwa kwa sūmbi. Abākikolo kyako bịsakubatolaga abalugu bābo. Kangi ifịkolo fyosa ifya bāndu bankị̄su fịsakusajilịgwaga mụ mmyako papo usị̄tị̄ke isị ngubūlịle.

Panyụma pali sịsịsị, Kyala alinkunngela Abụlahamụ, alinkummbūla alinkuti: Abụlahamụ: Umwene Abụlahamụ alinkummwamụla alinkuti: Une ndi apa Malafyale.

Lolị ugwandumị gwa Kyala alinkummbilikila ukufụma kumwanya alinkuti: Abụlahamụ! Abụlahamụ alinkuti: Une apa Malafyale.

Umwene ugwandumị gwa NTWA jo alinkunkōlela Abụlahamụ ulwa bubili ukufụma kumwanya alinkuti: UNTWA ịkuti njīgịle ulujīgo ukuti nịsakukusajaga ugwe, papo usịbōmbịle sịsịsị, ukakāna ukūmba une umwanāko uju ali jumojwene ntiga.

Abụlahamụ alinkujenga papo ikigemo kya kwịkemēkesyapo, alinkubīkapo imbabu. Po papo alinkumpịnya umwanāke Ịsịhaka alinkunndāmbalika pa kigemo kya kwịkemēkesyapo.