פסוקים פופולריים מ- ทิน เต่ย โต้ว 3

שתף

วั้ว เต้า มเซียะ ตอน หมั่ง ปวัด วั้ว ฒู่ง เปี๊ยว เหฑว่ย เญย, ต๋าย หญั่น คู้ เญย. นิ่น หย่า ฮนั้ม ต้าย สี ก๊อง ไฮ่ ปุน เมี่ยน ไกว นอ, หฒะเก้ง หลง ไห่. นิ่น ฯฒฯ แก๊ะ ต้าย หญั่น อ๊ะ. แอ๋ง ปุน เต๋ย นิ่น เญย โหฆ หญั่น.

เฒี้ยว ทิน-ฮู่ง เหฒย ต้าย เญย เหยียด ฒู้ง หล่ม หฒั่ง กะน้าย เซ นาง เก้า ไกว๋ เจี๋ย. นาง หน่าย ก๋า วั้ว เต้า มเซียะ ตอน, “ทิน-ฮู่ง หฒะเก้ง ก๊อง ไม้ ปุน เม่ย บัว หญั่น เยียม น้าย หฮวีง กะญั์ว เญย หาย หญู่ง เปี๊ยว ไฟ?”

เยีย อ๋อย ปุน เม่ย เหธา น้าย เต้า มเซียะ ตอน ต๊า วิน, หย่า ปุน เม่ย เญย เฒ้ย-ฟุน เหธา นิ่น เญย เฒ้ย-ฟุน โหฒว วิน-วั้ง. นิ่น เญย เฒ้ย-ฟุน อ๋อย เบ๊าะ เม่ย เญย มฆ้อง ฮู้, เม่ย หย่า อ๋อย เญาะ นิ่น เญย เหฒา-โฆ.”

ทิน-ฮู่ง หย่า ก๊อง บั๋ว วั้ว เต้า มเซียะ ตอน, “ม่าย ซิน เญย เฒี่ยง โห่ เยีย อ๋อย จา ทิบ ปุน เม่ย โค้ว. ดุ๊ด ซิน เญย เฒี่ยง โห่ เม่ย อ๋อย หฒุ มุน. มป่า เม่ย หธ่อ อ๋อย หล่ง เม่ย เญย โหฆ. เม่ย เญย โหฆ หย่า อ๋อย กุ๊น เจี๊ยน เม่ย.”

เม่ย อ๋อย หฒุ โหฒว กง โค้ว ธ้วด เหฒีย ซิน หั่น วั้ว เต๋ย เดา หธีง ต้าย ไฮ่ ธ้วด เต๋ย กะน้าย. โหฒว เถา เม่ย แอ๋ง หฑวน เป๋น เนีย, เหว่ย หฒุ เม่ย เซ เนีย เป๋น ต้าย. เม่ย เซ เนีย, เม่ย อ๋อย หฒุ แอ๋ง เป๋น หฑุ่น เนีย อ๊ะ.”

ทิน-ฮู่ง หย่า ก๊อง บั๋ว อา​ดัม, “หลาย เม่ย หมวัง เม่ย เญย เอ๊า เญย หว่า, หญั่น ต้ง เยีย หัด เม่ย, ‘ไม้ ตู๋ง หญั่น วั้ว ฒู่ง เปี๊ยว,’ เดา ฯฒฯ หลาย เม่ย โหฒว เญย สี่ หฒุ โฮ้ว. เม่ย เหยียด เสย อ๋อย หฒุ ปั่ง เดา โหฒว กง โค้ว หธีง ตุ๊ หญั่น.

ทิน-ฮู่ง หน่าย ก๋า, “หาย เต้า บั๋ว เม่ย, เม่ย เญย ซิน แล่ง แก๊ง เญย? เม่ย หญั่น ต้ง เยีย หัด เม่ย ไม้ ตู๋ง หญั่น วั้ว ฒู่ง เปี๊ยว หมี่ อ๊ะ ซ่าะ?”

เฒี้ยว หฒุ่น นิ่น ธ้วด ลิ์ว, เยียม เอ​เดน หฮวีง เญย ตง ปูง แหมง, เฒี้ยว ปุน เค​ลู​บิม ฒั้ว เจี๊ยน. แอ๋ง ม่าย ฒูง ม่าย โต์ว เญย หฑุ ด๊าว กวิ้นๆ เปยย ปูง เญย, ตั๊ง เจี๊ยน มี่ง เฒี่ยง แหม่ง เปี๊ยว เญย เดี๋ยง วั้ว ติ้ว เจ๊า.

อา​ดัม เถง นิ่น เญย เอ๊า ธ้วด บั๋ว เห่ว ฮา​วา, เหว่ย หฒุ นิ่น โหฒว ลู่ง เดี๊ย เมี่ยน เญย มา.