פסוקים פופולריים מ- Лука 3

שתף

КӀилди халкьдис хьеттигӀ гӀучӀуна гӀайчӀва гӀедат аркьагуна, Ӏисара адиная Учис гьеге гӀедат акьас ЯхӀъяйилди. ХьеттигӀас гӀайчӀуна Ӏисайи дуьгӀе аркьагуна, дахъуная завар. Гилди аладиная луфуран ухшарар кея Аллагьдин РуьхӀ. Завариас унихьуная сес: – Вун Зе ппара ккане КӀиркӀ. Вун Зе мурадар бегьем аркьаф э!

ЯхӀъяйи гебурис пуная: – Зун мертт аркьая чун хьеттилди, амма адесе Те, заалас кьудрат хъаяф. Зун Гин лекаригӀ гӀайа ччеӀер гӀатасра кехӀей хӀисаби ккея инсан дава. Ги чун мертт аркьай ахьасе Аллагьдин РуьхӀуьлдина цӀилди.

Иджвелин курарилди агваракье чве гунагьар чун чве гардандиъ гъушунаеф! Чун имикӀа юркӀураъ: Че дад – Ибригьим э пуна! Зун чвас агъая, Аллагьдифас гьеме гъванарикес акьас хьасе Ибригьимас шиникквар.

ЯкӀв хъихьуная кӀурарин мерӀерихъ, идже емиш алгъадеве кӀур, атӀуна гӀихьая цӀигӀ.

Пайгъамбар Ишаяйин китабиъ ликӀина суман: «Къумариъ унихьая сес: ХӀезур акье Аллагьдис рекъ, майдан акье Ги лек иша мукьар АчӀар гьава хьурай гунтӀарна сувар хьеба хьурай, рекъер майдан хьурай уркӀар шергве хьурай; Хуппай джалла инсанарис агвасе, Аллагьди чаб ухӀаяф».