פסוקים פופולריים מ- Mutendeko 32

שתף

Penepapo munthu yura wakati, “Uti uchemekengeso Yakhobe chara, kweni Israele chifukwa walimbana na Chiuta, ndiposo na ŵanthu, ndipo waruska.”

Penepapo munthu yura wakati, “Reka ndirutenge pakuti kukucha.” Kweni Yakhobe wakati, “Nditi ndikurekezgenge chara kwambula kuti wanditumbika.”

Yakhobe wakakhara yekha. Penepapo munthu wakachuchuruskana nayo mpaka ku matandakucha.

Ntheura Yakhobe wakaghathya malo ghara Peniyele, wakati, “Chifukwa ndawonana na Chiuta maso na maso, ndipouli umoyo wane wathaskika.”

Para munthu yura wakawona kuti wakutondeka kumuruska Yakhobe, wakamukhwaska nyonga ya chigha chakhe. Ntheura nyonga yira yikagweduka pakuchuchuruskana nayo.

Munthu yura wakamufumba wakati, “Zina lako ndiwe njani?” Iyo wakati, “Ndine Yakhobe.”

Yakhobe wakamufumba wakati, “Nkhukuŵeya, undiphalire zina lako.” Kweni munthu yura wakati, “Ukufumbirachi zina lane?” Ndipo munthu yura wakamutumbika Yakhobe penepara.

Ine nkhwenera chara kupokera nanga nkhachoko waka ka chisungusungu chinu chose na kugomezgeka kwinu kose, vyeneivyo mwarongora kwa nda muteŵeti winu. Nkhambuka mronga uwu wa Yorodani kwambula chilichose kweni ndodo yane pera. Kweni sono ndili na mipingo yiŵiri.

Ndicho chifukwa mpaka sono ŵaIsraele kuti ŵakurya nyama ya pa nyonga chara chifukwa ndi pa msempha weneuwo uli pa nyonga ya chigha, chifukwa Yakhobe wakakhwaskika nyonga ya chigha cha Yakhobe pa msempha wa mu chiuno.

Ntheura Yakhobe wakati, “Mwe Chiuta, wa ŵasekuru Abrahamu, na Chiuta wa ŵasekuru Yisake, Mwe FUMU, imwe mukati kwa ine, ‘Werera ku charu chako na ku ŵabali ŵako ndipo ine ndamkukuchitira uweme.’

Nkhuromba kwa imwe nkhuti, ‘Mundithaske kwa mukuru wane Esau pakuti nkhumopa, mzire wize katikome tose, ŵanakazi pamoza na ŵana.’