פסוקים פופולריים מ- APOSTELNYU THO 5

שתף

Ai Pitor lo apostelnyu dan le anyugun ka, “Agun le temi jo nyeki Sunggigü jo we zen mvulo shvu kvu.

Tsüntimvule anyugun le khenyütsen Kershvuka nyue lo khinyu khinyu ka ki-e Jisu le Khrista gü letse kethyü pe me senthyü, lo zo pe me hi kethyü kheshü mvu tinla.

Tsüselo Pitor le, “Anania, nle nyuthyüo Kenshün Kapu sa titse lo n low min peha loti tse hü nla? Low tsüle nben nyu kebin ka nhon mvu ole? Lo jwen kelo siki-e a-min le nkendo mvu ole? Lo nle nyuthyüo nnyun ki tha hihontse kethyü rüchün hü nla? Nle temi sa mvule Sunggigü sa bin nyo,” tsonshü. Lo Anania le jo tsü shalo ntsin chetsü gü sila; lo tsükatsü tsü rüla keshanyu aphu nshvu pe ketsin thyü küla.

Tsügenyu hagun ajo zen-o temi hidan ge hagun kekhenilo njüo anyugun khe shüla. Kechamvule tedo higü nmvue thatho higü le temi genyu yatselo bo kemhen lati. Ai Sunggigü kanyu yatse kethyü we, hagun le higü hi bo kemhen loho. Petsü salo nye, hagun le Sunggigü zen kega titse bin-e shalo keho genyu!” tson zoshü. Tsüselo anyugun le a-jo tsü zenla.