פסוקים פופולריים מ- YOHANE 1

שתף

Kafɔɔ batii ba bamuu niafũ nwɔ nii, baafũ nwɔ kafɔɔ baanu nii, ɛɛta ma osuku alɛ, baale Yaa babi.

Kaasɔ kakyeko fiɛ bababla ni kayi ka mmle yi, Ɔlaa nwu lawɛ. Nnwu ku Yaa niawɛ. Ɔlaa nwu nkpo kafɔɔ ninle Yaa nɛ.

Lɛkpa le mmle kafɔɔ lɛkpa di ditunu kamɛ. Ditunu kafɔɔ diefuo lɛkpa le mmle otĩi.

Ɔlaa nwu nkpo lɛbakple otii kuasiɛ wo kaamɛ, nwaako ole ku sibualɛ leyii nwɔ kamɛ pɔ. Buanya kafɔɔ Lɛkpa nɔɔ. Lɛkpa le aafũ aakyeko ni Ote nfũ ta Obi onwii ale nwɔ ni oso.

Ɔlaa nwu suoto di Yaa lafe aabla lɛsaa biala nɛ. Lɛsalɛsaa kuninwii nnaa alɛ diele Ɔlaa nwu nkpo suoto beefe fiɛ bɛɛbla ni nii. Ɔlaa nwu kamɛ di nkpa lɛtaa diekye nɛ. Nkpa nwu nkpo kafɔɔ lɛyɔ lɛkpa diɛwako batii bamuu.

Di kale lasɛ nii, Yohane lanya Yesu latɔɔwa ɔkyɛ nɔɔ, ni aabuɛ aatɔkɔ batii ba niayila nwɔ ni di ɔlɔɔkɔ alɛ, “Nnya Yaa Oleɔta Lefosobi nwu nkpo niɛwa ni kayi ka mmle alɛ ɔbatekete ni batii sikpile di suoto lɛma!

Ɔlaa nwu nkpo lawɛ kaayi ka mmle kamɛ, kafɔɔ kayi ka mmle ditatofo nwɔ, nu ninnwɔɔ suoto di Yaa lafe aabla kayi ka mmle. Aawa nnwɔɔ omu nɔɔ batii nfũ, kafɔɔ batii nɔɔ nwu nkpo ditafukuti nnɛɛ baafũ nwɔ.

Di obe nwu nkpo kamɛ yi, lɛkpa le nimu nimu ninkpa ninta ni batii bamuu nfɛ kɔwa kayi ka mmle kamɛ.

Lɛkasale, Yaa layɔ kufiofa nɔɔ nwu aafenko di Mose suoto aata wo. Kafɔɔ eele wo sibualɛ ku nwaako ɔlaa nwu nkpo diefe ni di Yesu Kristo suoto.