פסוקים פופולריים מ- Mateus 18

שתף

Porque, adonde stan dous ou trés juntos an miu nome, you stou ende ne l meio deilhes.»

Digo-bos outra beç: Se dous de bós s’antendíren na tierra subre algo, todo l que pedíren será-le dado por miu Pai que stá ne ls cielos.

El chamou un rapazico, puso-lo ne l meio deilhes i dixo: «Quedai bien ciertos de l que bos digo: Se nun demudardes i bos tornardes cumo rapazicos, nun antrareis ne l reino de ls cielos.

Quien se fazir pequerrixo cumo este garotico, esse ye l mais grande ne l reino de ls cielos.

I quien recebir un rapazico cumo este an miu nome, ye a mi que me recibe.»

Quedai bien ciertos de l que bos digo: Todo l que lhigardes na tierra será lhigado ne l cielo i todo l que çprendirdes na tierra será çprendido ne l cielo.

Assi tamien miu Pai de l cielo bos fazerá a bós, se nun perdonardes, cada un a sou armano, culs buossos coraçones.»

«Mas quien scandelizar un destes pequerricos que acradítan an mi, mais le balira que le çpindurássen ũa piedra de molino al cachaço i l botássen al fondo de l mar.

«Que bos parece? Se ũa pessona tubir cien canhonas i ũa deilhas se perdir, nun deixará las nobenta i nuobe pul campo i se bai a saber de la que se perdiu?