פסוקים פופולריים מ- Lukas Uram 18

שתף

Er Yesus biryi Er miliramnyi nang asi kemdeirina ton doboka ato ebmou, “Er Imtamnyi bisi molobkwamamunyi ura, ‘Se kobe, nun molona ara kum kekeransir ati taklobkwayeb,’ tenen kum. Eda, molororamunyi ura, iya moloronkwandarur,” ebmou.

Er Imtamnyi bira Erci wianci nang aryi kitingtam lukunda Ersi molobdobingnyi nang ara ton kum bitardeirirur do? Kum. Erci arub ara karena kum kubmanyi ani, yuk tum aryi karebkwan ton tenerur do? Ato ton kum tenerur. Ati, Niryi sunsi ebkwinsin, Er Imtamnyi biryi wianci nang asi yuk nang aryi tatab-tatab enmangnyi bok, Erci ola lobdeibkwande. Bok, Ni Ninyi Dasinyi tamuryuryankwan tum ara, ‘Er Imtamnyi biryi kum takwamanir, erda Erci lobdeibkwamanir ca,’ tenen molororamingnyi nang ab ara ton ebdankwayeb do?” ebmou.

Asi Er Yesus biryi sunsi ato ebmou, “Sun ninyi aryi, ‘A dinyi ara ukubman kum,’ tenerandum dinyi ara Er Imtamnyi bira malyi ukubmanto dinyi kurur,” ebmou.

Bok, anyi bira liki winiryi kum, dumbaryi kum ara a ner eryangarante uram ara kum kekeana ato kurongnante ani, tentok tum aryi er kanyatam aryi ato tenebte, ‘Nira Er Imtamnyi bisi ilil kum tenenunci, ninyi tentok ababyi boukwe ton kum kimnun cok, erda a sulyi ner aryok tuba-tuba yandoka malyi kimyanganurur deyok aryi, iya ato akwe tuba ukuryanicob,’ tenen ati a ner dinyi boblobyi nang asi niryi, ‘A ner dinyi ara tamubkarebdarur!’ ebkwan. Ba, ‘Tuba-tuba neik uram akwe eryangaranir ara taklobkwande,’ tenebte,” ebmou.

Niryi sunsi dib kobdob ati ebkwinsin, unanyi biryi mitik mabwe nermabwe aryi sun nai yabwe sun kwin yabwe boukwe dam kuboka sun uram kekeraming to kanya kum boramingiryi, ‘Er Imtamnyi bira ninyi leboka kalingna Weik Sienyi kurur amwetam kuna ni li,’ tenebdinyi bira Er amwetam kunanyi kum kubkwande,” ebmou.

Bok, Er Yesus biryi a mabwe nermabwe asi nabmou ura, Er miliramnyi nang asi ato ebmou, “Sunci a mabwe nermabwe asi bisik sengminingna mem. A mabwe nermabwe ara Ni dam ur yanung. Ato mabwe nermabwe kanya boramingnyi nang asi Er Imtamnyi bira ninyi leboka kalingna Weik Sienyi kurur amwetam iya kubkwaming.

Ura, Er Yesus biryi anyi bisi, “Ukuryok akiryi asing elekoka dibderum. Kanbiramnyi biryi Nisi, ‘Diba Erda Er Imtamnyi biryi Bokwetebunyi kurur ati, kwetebkwamanir,’ tenebmarim deyok aryi, Niryi kansi sirya lobdeibmakin,” ebmou.

Uca, Er Yesus biryi ato ebmou, “Unatoa ati kanci Nisi, ‘Kanya teleb bobumnyi,’ ebmanirim do? Ninyi kunub ara iya teleb nang ton kum kunub. Erda Er Imtamnyi tentok asi iya telebnyi kurur.