פסוקים פופולריים מ- Sâint Makyu 7

שתף

D'màndaïz, et nou vous doûra; trachiz, et vous trouv'raïz; tapaïz à l' us, et nou vous l' ouvrira.

Car tout houmme qui d'mànde r'chét; et tout houmme qui trache trouve; et nou‐s‐ouvrira au cien qui tape à l' us.

Tout houmme don qui' ot ches paroles‐ichìn que j' dis, et les pratique, s'ra comparaï à ùn houmme de sens, qui' a bâti sa maîson sus l' roc

Faites don ès hoummes tout chu qu' ous voulaïz qu' i vous féchent: car ch' est là la loué et les prophétes.

Qu' la porte d' la vie est p'tite! que l' chemìn qu' ŷ méne est étrét! et que l' nombĕr de chaeux qui l' trouvent est p'tit!

Entraïz par la porte étréte; car la porte d' la perdition est large, et l' chemìn qu' ŷ méne est grànd, et ill ŷ en a bien qu' ŷ entrent.

Si don, maûvais coumme vous êtes, vous savaïz dounnaïr d' bouannes chôses à vos éfànts; à combien pus forte raîson vote Pére qui' est dans les ciux doûra‐t‐i les vrais biens à chaeux qui les lli d'màndent!

N' jugiz pouìnt, à ceulle fìn qu' ous n' séyiz pas jugis. Car vous s'raïz jugis coumme vous airaïz jugi l's aûtres; et nou s' servira pour vous d' la même mesure ôve qui vous airaïz m'suraï l's aûtres.

Mais tout houmme qui' ot ches paroles‐ichìn que j' dis, et n' les pratique pouìnt, r'ssèmbllera à ùn houmme sàns sens, qui' a bâti sa maîson sus l' sabllon

Pourqui' est‐che qu' ous véyiz une pâille dans l' ieil de vote frére, vous qui n' véyiz pas une poutre dans vote ieil? Ou coumme est‐che qu' ous dites à vote frére: Laissiz‐mé halaïr une pâille d' vote ieil, vous qui' avaïz une poutre dans l' vôtre?

Gardous des faux prophétes, qui viennent à vous couverts de pels de bĕrbis, et qui au d'dans sont des loups dévorànts. Vous les counnîtraïz par leux frits: peut‐nou cuiller d' la grappe sus d's épines, ou des figues sus des ronches?

Aïnchìn toute arbre qui' est bouanne produit d' bouans frits, et toute arbre qui' est maûvaise porte d' maûvais frits.

Une bouanne arbre n' sairait portaïr d' maûvais frits, et une maûvaise arbre n' sairait en portaïr d' bouans.

Toute arbre qui n' porte pouìnt d' bouan frit, s'ra copâie et houlâie au faeu.