פסוקים פופולריים מ- BEGGAR 32

שתף

‍Ho mwv benum, “Noqg eminam Jakub hvl goqk ram, hvbmabde Israel, hoggab no Pwnbog lvg bvla nyi tulug lvgab gwbw tubl hoo tubya paku.”

‍Ho mwv benum, “Ngam wwm tukub, hoggab huto yuku.” Hvbmabde Jakub benum, “No ngam lvqc cima deedib nam ngo wram.”

‍Hoo Jakub vp-cwkwb dookurl doonyunum. Hoo nyi ak mwam ar huto maady deedib gwbw tubnum.

‍Ho Jakub hoq nyookwg eminam Peniel hvl beknv, begamv, “Ngo Pwnbo nyuqm mam kaatv tukun, hvbsujaqkam ngam sig hoqgv ywwlin pakun.”

‍Hwdlo nyi akv Jakubnvn gwbw tubya nyoma yin mwv Jakubg xvrnyiq pwpam tubdaqnum, hoo mwv mwam gwbw tumin sui yikho Jakubg xvrnyiq pwpam tubtwrnum.

‍Hoo mwv mwam benum, “Noqg eminv hoggv?” Hoo mwv benum, “Jakub.”

‍Ho Jakub mwam toxnum, “Anya mwwpa gvdwl noqg eminam ngam betam tvb.” Hvbmabde mwv benum, “Hoggub no ngoqg eminam tox dvn?” Hoo mwam mwv lvqc ciknum.

‍Ngo nyiloqkam noqg tumab aby dvb hog mwlw bon nyijnum taqp maasu hoo noqg nyerangam noqg dengkynam mam kaakin dvb singp maasu, hoggab ngo soq Jordon sam ngoqg beqnyia aro lvgab rabnum, hvbmabde sija ngo svmcw vnyi go doog dukun.

‍Hoqgab soolo namgub Israel nyiilungv axar xarpog xvrnyiq pwpam dvma dvn, hoggab mwv Jakubg axar xarpog xvrnyiq pwpam tubdaql tubtwrnum.

‍Hoo Jakub benum, “Ngoqg ab Abraham gv Pwnboa hoo ngoqg ab Aisakwg Pwnboa, ho ngam hvl benbo At Swa, ‘Noqg atwg gvda bvla noqg imiq nyi tulug dookub wkur tuku, ho ngo nam alboam nyij tan,’

‍Anya mwwpa gvdwl ngam ngoqg vbw Esug alaq hoqgv naalin tvb, hoggab mwam ngo bosdo, mwv ngam la ann tulungam la ko hury tulungam haal mvkam nvvs yv.