פסוקים פופולריים מ- Mark 13

שתף

Rava anatapui ina geduaiemi tau au baiu. Wate aiai da e maimairi jijina da au damona, tauna ina lawana.

Onavi neneḡana ma matami ina kala! Eḡa ota aramanei mara aiwai, wei kauai ina tupua.

Ma maranai i panimi ma i etaremi. Eḡa onavi nuabola da aiwai ona latoni. Aiwai riwana God i veremi, lamna ona latoni. Aiwai o latoni lamna eḡa taumi ota babani, wate Arua Vivivireina .

Mara ma dobu ina amoa. Wate riwau eḡa ina amoa.”

“Ma eḡa aiai ita aramanei nai marana bo madeḡa aiwai ina nei. Anela au mara eḡa ita aramanei ma Natuna eḡa ita aramanei. Amana, tauna ava i aramanei.

Ma maranai viḡavia ona nonori ma viḡavia aueia riwana ona nonori; eḡa ona rovo. Wei kauai anina da ina tupua, wate wei eḡa damona.

Onavi neneḡana! Eḡa ota aramanei mara aiwai, numa taniwagana e nenei; mepa da au bigai bo au nubautuva bo maratomtomai bo ubaubanai. Mepa da ina nelaḡilaḡinai, eḡa matamatavemi ina nelaḡaimi. Aiwai riwana a ririwemi, riwana tagogina rava anatapui a riwei, onavi neneḡana!”

Dam, damai inavi ḡavia vivira ma dobu, dobuai inavi ḡavia vivira. Ma lolo ma gomara dobu au anatapuna. Wei kauai, lamna me wavine ana iniviara evivi karei maranai evivi natuna.

Riwa Aiaina ona rau-gugulei rava anatapui awari ma muriai damona ina nei.

Rava maḡamaḡaui, au wavau ina nei ma ina riwa, ‘Tau Keriso !’ Ma rava maḡamaḡaui ina tere-vaideḡai.

“Ona inana kaua! Taumi ina panimi ma ina etaremi ma pari au numana au orana ina kwapuimi. Ma dogadogara ma gulagulau au naoi ona mairi, au baina taumi ovo taḡotaḡoiu. Ma taui awarii, Riwa Aiaina ona rau-gugulei.

“Muriai keriso morumorui ma peroveta morumorui ina nei ma mataira ma kaua babai ina kauei ma ina kauana dadanei da God ana vinevine maiteni ita tere-vaideḡai. Lamna au baina mepa da aiai ina riwemi, ‘Ma inanai, Keriso noi!’ bo ‘Tauna noi!’ Nai babanina eḡa onavi tumaḡanei!

Iesu wenanare i riwa, “Ma iniviara ḡaeḡaena au murina. ‘Madeḡa eḡa ina rarana ma nawaravi eḡa ina lalai.’ ‘Ma ubona marei ina peu ma rewapana ḡelaui au aidamo ina gui.’