פסוקים פופולריים מ- Mat 19

שתפו

Yesu eŵalolesha nolaŵila kuti, “Ici ni cotamanisha ku munthu, koma kwa Mulungu vinthu vonse ni votwesheka.”

Tetyo, alilini aŵili koma yumo. Lomba vonse Mulungu vecilundika pamo, munthu asavipatule.”

Yesu eyasuka kuti, “Muliyoŵelenge kuti Nyamalenga potatika ‘elenga ŵanthu aŵili mwanakazi na mwanalume,’ nolaŵila kuti, ‘Ni cikomo cake mwanalume akosiya awisi na anyina na kuyolumikizyana na mkazi wake, nipo aŵili aŵa akuŵa muŵili umo.’

Yesu eŵawuzya kuti, “Ŵalekeni ŵana awele kwa newo musaŵaleshe, pakuti Ufumu wa Kululu ni wa woteti.”

Anyinji ali wotatikila lomba akaŵe osililila, nipo ali wosililila akaŵe otatikila.”

Nipo aliyense esiya ngʼanda, keno enekwawo na azilongosi, keno awisi na anyina, keno ŵana, keno minda cikomo ca newo, akapokele vinyinji, nipo soti moyo wosasila.

Yesu emuwuzya kuti, “Keno upangwa kuŵa luweme ngako, nkhoya, ukasitishe vonse va uli navo, ukape wotamana, ukaŵe na cuma Kululu, nipo uzenikonkhe.”

Yesu emuyasuka kuti, “Unikonshela vinji va viweme? Pali tyala yumo muweme. Keno upangwa kuyoloŵa ku moyo wosasila, sunga Matetulo.”

Nukuwuzyani soti kuti ni cipepu kuti ngamila ikapite pa kacibowo ka nsingano, kupula munthu wolemela kuti akaloŵe mu Ufumu wa Mulungu.”

Nipo nukuwuzyani kuti aliyense oleka mkazi wake, osati cikomo ca ucende, nolungula muyake, ocita ucende.”

Yesu ewuzya asambili ŵake, “Nukuwuzyani vyendi kuti ni motamanila kuti munthu wolemela akaloŵe mu Ufumu wa Kululu.