פסוקים פופולריים מ- Luké 11

שתף

Pea kapau ‘oku mou ‘ilo ke foaki me‘a‘ofa lelei ki ho‘omou fānau, neongo ko e fa‘ahinga kovi kimoutolu: huanoa ‘a e Tamai ‘i he langi ‘ene foaki ‘a e Laumālie Mā‘oni‘oni kiate kinautolu ‘oku kole kiate ia.

Tala atu foki, Kole, pea ‘e foaki kiate kimoutolu; kumi, pea te mou ‘ilo; tukituki, pea ‘e to‘o kiate kimoutolu.

He ‘ilonga ‘a ia ‘oku ne kole, ‘oku ne ma‘u; pea ko ia ‘oku kumi, ‘oku ne ‘ilo; pea ko ia ‘oku tukituki ‘e to‘o kiate ia.

Pea pehē ‘e ia kiate kinautolu, Ka mou ka lotu, mou pehē, ‘e Tamai, ke tāpuhā ho Huafa, ke hoko ho‘o Pule.

Pea fakamolemole ‘emau ngaahi angahala, he ko kimautolu foki ‘oku mau fakamolemole ‘a ia fua pē ‘oku mo‘ua mai, pea ‘oua na‘a ke fakahū kimautolu ki he ‘ahi‘ahi.

Ke ke foaki mai ha‘amau me‘akai ki he ‘anai, ‘o hokohoko ‘aho pē.

Ko e māma‘anga ‘o e sino ko ho mata: ‘oka hu‘ufataha ‘a e sio ‘a ho mata pea maama ho sino kotoa; ka ‘oka ‘iloange ‘e kovi ho mata, pea ‘oku fakapo‘uli ho sino.

Tala‘ehai ‘e tutu ‘e ha taha ha maama pea ‘ai ki ha ‘ana, ‘uma‘ā ki he loto puha fua: ka ‘oku ne ‘ai ki he tu‘unga maama, koe‘uhi ke sio ki hono maama ‘a kinautolu ‘oku hū mai.