פסוקים פופולריים מ- KO SĒNESI 27

שתף

Pea tuku ‘e ‘Otua ho ‘inasi, ‘A ia ko e hahau ‘o e langi. Mo e kelekele ‘oku fungani, Mo e koane mo e uaine ke lahi: Ke tauhi koe ‘e he ngaahi kakai, Pea punou atu he ngaahi matakali; Ke ke hau koe ki ho ngaahi tokoua Pea punou atu he fānau ‘a ho‘o finemotu‘a. Ke mala‘ia ‘a ia te ne tutuku‘i koe, Pea monū‘ia ‘a ia te ne tāpuaki‘i koe.

Pea ne pehē, Hono ‘ikai mo‘oni hono hingoa ko Sēkope (ko Hākiva‘e)? He ko hono tu‘o ua eni ‘ene fiemua‘i au: na‘a ne ‘ave mu‘a hoku tu‘unga-hoko, pea vakai kuo ne toe ‘ave eni ‘a hoku tāpuaki. Pea ne pehē, Kuo ‘ikai te ke ta‘ofi ha tāpuaki ma‘aku?

Pea tali ‘ene ‘eiki ko ‘Aisake ‘o ne pehē kiate ia, ‘E! he mama‘o ho nofo‘anga he kelekele lelei, Mo e hahau ‘oku hifo mei langi; Ko ho‘o heletā te ke ma‘u ai ho fafanga, Pea ke tamaio‘eiki ki ho tokoua; Ka ‘oka faifai pea ke mofuta, ‘E motu ‘ene kola mei ho u‘a.

Pea tali ‘e ‘Īsoa ki he‘ene ‘eiki, ‘Alā, na‘e taha tofu pē ho‘o tāpuaki? ke ke tāpuaki au, ‘alā, ‘a au foki. Pea ‘ai atu ‘e ‘Īsoa hono le‘o, ‘o fākafoa.