פסוקים פופולריים מ- Johana 10

שתף

Mũici ookaga nĩ geetha aiye, oorage, o na athũũkie. Niĩ njũkĩĩte nĩ geetha mũgĩe na muoyo, na mũgĩe naguo kũna.

“Niĩ nĩ niĩ mũrĩithi ũrĩa mwega, mũrĩithi ũrĩa mwega nĩarutaga muoyo wake nĩ ũndũ wa ng'ondu.

Ng'ondu ciakwa nĩciguaga mũgambo wakwa, nacio niĩ nĩndĩciũĩ nacio nĩcinũmagĩrĩra.

Niĩ nĩndĩciheaga muoyo wa tene na tene, itirĩ hĩndĩ ikoora, na gũtirĩ mũndũ o na ũmwe ũngĩhota gũciruta mookoinĩ maakwa.

Niĩ nĩ niĩ kĩhingo; ũrĩa wothe ũtoonyagĩra harĩ niĩ nĩakaahonoka; agaatoonyaga na oimage na oonage gĩa kũrĩa.

Niĩ nĩ niĩ mũrĩithi ũrĩa mwega. O ta ũrĩa Awa anjũũĩ, noguo o na niĩ ndĩmũũĩ, na no taguo njũũĩ ng'ondu ciakwa, na o nacio nĩinjũũĩ na nĩnjĩtĩkĩrĩĩte gũkua nĩ ũndũ wacio.

Awa ũrĩa ũheete cio nĩ mũnene gũkĩra andũ oothe, na gũtirĩ mũndũ ũngĩhota gũciruta mookoinĩ maake. Niĩ na Awa tũrĩ ũmwe.”

Niĩ nĩ niĩ mũrĩithi ũrĩa mwega. O ta ũrĩa Awa anjũũĩ, noguo o na niĩ ndĩmũũĩ, na no taguo njũũĩ ng'ondu ciakwa, na o nacio nĩinjũũĩ na nĩnjĩtĩkĩrĩĩte gũkua nĩ ũndũ wacio.

Gũtirĩ mũndũ ũkũnduunya muoyo wakwa. Nĩ niĩ ngũũheana na kwenda gwakwa. Ndĩ na ũhoti wa kũũheana na ũhoti wa kũũiyũkia rĩngĩ. Ũguo nĩguo Awa anjathĩĩte njĩke.”

Thuutha ũcio Jesũ agĩkĩmeera rĩngĩ atĩrĩ, “Ngũmwĩra na ma atĩ niĩ nĩ niĩ kĩhingo gĩa gũtoonyerwo nĩ ng'ondu.

Rĩrĩa mũndũ wa kũrĩhwo, ũrĩa ũkoragwo atarĩ mũrĩithi, na ng'ondu ti ciake, oona njũũi ĩgĩũka, atigaga ng'ondu akoora; nayo njũũi ĩkanyiita ng'ondu na ĩgacihurunja.

Jesũ agĩkiuga atĩrĩ, “Ngũmwĩra na ma atĩ mũndũ ũrĩa ũhaicagĩrĩra rũgiri akaingĩra kiugũ kĩa ng'ondu, akaaga gũtoonyera kĩhingoinĩ nĩ mũici na nĩ mũtuunyani.