פסוקים פופולריים מ- T. LŪKÖS 17

שתף

Ngaich ngö ṙô Anga-aṅ tö ò, Choholre man; kuṙòh kiröönngöre; ap mikah meh ap tölöökentī tö meh.

Yē ò nö sat heuh kanöölö fālen nö in meh, i töhĕng sumkam; ngaich sat heuh nö havöötökūöre nö in meh, nö ngö ṙô, Haṙivlōn chin; aṙēlen ò me-eṅ.

Ngaich hĕng tak tö cha, ök töng mameuktöre tö lanöökenre, havantöre ngaich, nö pōitô nö ha-öiny ngam Tēv. Sōntökūöre anga-aṅ ngaich nö i röön Ò, nö ha-öinyan.

Haṙēmngenre yin. Yē ngam kahëm meh nö köölö fālen, ve-ekūö ò. Yē ò nö havöötö-ellōnre, aṙēlen ò.

Ngaich ngö ṙô ang Yēsū Röh öi sömre taka öi lööken? Isuh yip pökeh tömachūötöre taka?

Ngaich ngö ṙô ngam Mā, Yē yīö höng sā kun kulöl ṙôken mikah, ngaich kô-òren yī-ö ngö ṙô tö ngòh tökiröng chōn, Taṙĕhĕi man yĕh; ngaich teūichtöre öm el mai; ngaich kô-òren anga-aṅ nö hang ṙô yīö.

Ngòh lamukkö taneūngenre tö nômöre, öt teūngen tö e min. Ngòh tötteūngen tö nômöre aṅhatī min tö e.

Ngaich ngö ṙô Anga-aṅ tö yik mahaköp, Rö-ö, nun nö kô nö öt yih në lökngen töfukngö. Tötkôlò pöri anga-aṅ öp lökten u tö yih. Ĕhten kanôlò öp öre, yē ò nö kapòktu likeun tö tökiröng ihong, ngaich sūmi nö el mai; ĕhten tö ò yĕn hĕng tak ahōḵtö fanukngö nö i vē kun kūöṅnö.

Ane inrē sā hē nuk sakāmö Nō-a, ngatī min inrē i në sakāmö ngòh Kūön Tarik. Nyā yik yih, òk yik yih, hapīhö yik yih, kētu yik yih nö im inpihö; hanöng saha ngam hē ngam sakāmö Nō-a, nö yôklö nö ël ök chōn; ngaich ngam ṙanöingö nö kapahatī tö cha.