פסוקים פופולריים מ- T. LŪKÖS 13

שתף

Ngaich ngö ṙô Anga-aṅ tö cha, Kalah yin kuhēthötre, lökhöt im töcheūkti inkūp. Ngö ṙô Chin tö yīö, maṙôngö yip min chamöh talöököre, nö kuhēthötre nö in e; ngaich rö-ö min nö kô.

Ngaich hĕng taka ök kikānö, ök tötkalēḵ alaha, töhëvhöre sīön samyeūheu, tökeuheūtngöre ök nöng singut, öt kanô-òṅvö anga-aṅ nö kahngenre nö hachiplöre. Höng meuktöre Yēsū tö ò, ve-ekūö ò ngaich Anga-aṅ; nö ngö ṙô tö ò, Me-eṅ kikānö, ṙānyu man ngaich, im ötkumlēḵ.

Ṙātö eltīre Anga-aṅ ngaich nö in ò; ilööṙen anga-aṅ ngaich nö chiplöre; ngaich ha-öiny ngam Tēv.

Ngaich, yĕh meuk, yip mu-unôich min nö urĕh; ane inrē yip mu-urĕh min nö unôich.

Yĕn hĕng heuh ngam töpatī-ivö nö choholre, nö löptökūö ngam inkūp; ngaich yī-ö sökhaka elkahôiṙen öi kuröngkö uk ngam inkūp, öi ngö ṙô, Mā; löpnyökūö ih. Ngaich ngö ṙô min Anga-aṅ nö sapṙô yīö, Öt akahakūö Chin töp ṙahāngö yīö.

Ve-enynang yīö Chin, Rö-övö, yē yīö öt havöötö ellōnre, ngatī ötkanôlò yin min yī-ö.

Ngaich ngö ṙô Anga-aṅ min, ve-enynang yīö Chin, öt akahakūö Chin töp ṙahāngö yīö kiröönngöre yin ṙāngen chu yī-ö taṙòkhöre töla-evṙen tö tökööl.

Lökten Ò nö ngö ṙô, Sā yòh öng ngih pūlngö ngam Tēv; Sitih tī Öich min asātö e? Sā nup kun kulöl an tö kē-ĕ tö tarik, tūyih ngaich nö el panô-òṅ, sīöp ngaich, ngaich tökiröng nö chōn, iyöngö pak ngaich tö chehechōn.