OT Text: Bible translation: Falam Chin © Bible Society of Myanmar OT Audio: Recording of the New Testament ℗ Hosanna, 2018 NT Text: © United Bible Societies, 2005 NT Audio: ℗ 2013 Hosanna

Chin, Falam - 2005 MYA (Bible) Drama

<div class="version vid389 iso6393cfm" data-vid="389" data-iso6393="cfm">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Jesuh Le Zakia</div><div class="p"> 1Jesuh cu Jerikho khua a thleng ih khawsung in a feh vivo. 2Cutawkah siahkhongtu upa pakhat, a lianzetmi, Zakia timi a um. 3Jesuh kha zo a si ti hmuh a duhzet na&#243;n amah cu mi niamte a si ih tlunah mi an tamzet ruangah a hmu thei hrimhrim lo. 4Curuangah mipi hmaiah a tlan ih cutawk lamih a feh vivotu Jesuh hmuh duh ah theipi kung parah a kai. 5Jesuh cutawk hmun a thlen tikah a tlunlam a hun zoh ih, &#8220;Zakia, zamrangin rung &#7789;um aw, tuihsun na inn ah ka tlung ding,&#8221; tiah a ti.</div><div class="p"> 6Zakia cu zamrangin a &#7789;um ih Jesuh kha a inn ah lungawi zetin a tlunter. 7Cumi a hmutu hmuahhmuah cu an phunzai hmurhmo ih, &#8220;Hi pa hi misual pa ih inn ah a tlung ual!&#8221; tiah an ti.</div><div class="p"> 8Zakia cu a ding ih Bawipa ih hnenah cun, &#8220;Bawipa, i ngaihnik! Ka neihmi ih hrek cu mifarah ka pe ding; cule ka bummi an um ahcun a let li in ka sam sal ding,&#8221; tiah a ti.</div><div class="p"> 9Jesuh in a hnenah, &#8220;Tuih sun hi pa ih inn ah rundamnak a ra thleng zo, ziangahtile hi pakhal hi Abraham ih tesinfa a si ve. 10Milai Fapa cu a hlomi hawl ding le rundam dingah a ra,&#8221; tiah a ti.</div><div class="s1">Sui Tangka Tah&#7789;himnak</div><div class="r">(Mat 25.14-30)</div><div class="p"> 11Cutiih a simmi a rak ngaitu mipi hnenah Jesuh in tah&#7789;himnak pakhat a sim. Amah cu Jerusalem a thleng zik thlang ih mipi cun Pathian Uknak a ra thleng zik thlang tiah an ruat. 12Curuangah hiti in a sim: &#8220;Voikhat ah bawi pakhat a um ih amah cu ram hlapi ah feh tahratin siangpahrang ih canter a si hnuah innih ra tlun sal a tum. 13Cutiih a feh hlanah a hnen-um pahra kha a ko ih sui tangka fang khat fingfing a pek hnuah, &#8216;Himi thawn sum rak tuah hnik uh; ka ra kir tikah ziangzat nan ngah, kan zohhnik pei,&#8217; tiah a ti. 14A ram sungmi pawl in cuih an bawipa cu an hua ih curuangah &#8216;Hi pa hi cu kan siangpahrang dingah kan duh lo,&#8217; tiah a simtu dingah palai an thlah.</div><div class="p"> 15&#8220;Cupa cu siangpahrang a can hnuah a ra tlung sal. A thlen vete in sum ziangzat an ngah ti theih duh ah a hnen-um pahra cu a hnenah a ko. 16Pakhat pa cu a ra ih, &#8216;Bawipa, sui tangka fang khat i pekmi in sui tangka fang hra a miat ka ngah,&#8217; tiah a ra ti. 17A bawipa in, &#8216;A &#7789;ha, nang hi hnen-um &#7789;ha na si. Thil fate parih rintlak na si ruangah khawpi pahra uktu-ah ka lo re ding,&#8217; tiah a ti. 18Pahnihnak pa a ra ih, &#8216;Bawipa, sui tangka fang khat i pekmi in fang nga a miat ka ngah,&#8217; tiah a ti. 19Cupa cu &#8216;Khawpi panga uktu-ah ka lo ret ding,&#8217; tiah a ti.</div><div class="p"> 20&#8220;A dang hnen-um pakhat a ra ih, &#8216;Bawipa, hinah na sui tangka cu a um. Pavua in ka tuam ih ka ret. 21Nang cu mi tifekfek na si ruangah ka lo &#7789;ih. Na ta a si lomi tla na lak &#7789;heu ih thlaici na vorh lomi khal na khawm &#7789;heu,&#8217; tiah a ti. 22Cutikah a bawipa in, &#8216;Hnen-um &#7789;ha lo! Nangmah hnonnak dingah hin nangmah ih &#7789;ong lala ka hmang ding! Mi tifekfek ka si cu na thei ih ka ta a si lomi tla ka lak ih ka vorh lomi khal ka khawm cu na thei. 23Cuti asile ziangah so ka tangka cu tangka retnak zung ah na rak ret lo? Rak ret cila ka ra kir sal tikah tangka &#7789;hang thawn ka ngah ding a sisi!&#8217; tiah a ti.</div><div class="p"> 24Cule cutawkih a dingmi pawl hnenah, &#8216;A sui tangka cu la uhla sui tangka fang hra a neitu hnen-um hnenah pe uh,&#8217; tiah a ti. 25Asinain annih in, &#8216;Bawipa, anih cun fang hra a nei zo si!&#8217; an ti. 26An bawipa cun, &#8216;Fiangtein ka lo sim: thil a neitu hnenah a dang khal belh a si ding; asinain thil a nei lotu hnen ihsin a neihsun malte hman kha laksak hrih a si ding. 27Cun an siangpahrang dingih i duh lotu ka ral pawl cu hinah ratpi uh la ka mithmuh ah hin that uh,&#8217; a ti,&#8221; tiah Jesuh in a sim.</div><div class="s1">Jerusalem Ah Sunglawi Zetin A Lut</div><div class="r">(Mat 21.1-11; Mar 11.1-11; Joh 12.12-19)</div><div class="p"> 28Jesuh in hi thu a sim hnuah an hmaiah Jerusalem ah a feh. 29Cule Olif tlang ih Bethphage le Bethani khua kiang a thlen tikah a hmai ah a dungthluntu pahnih kha a thlah ih, 30hiti in thu a cah. &#8220;Nan hmaiih a ummi khawsungah khin va lut uhla zohman ih an to dah hrih lomi laak note pakhat hri in an khihmi kha nan hmu ding. A hri phoih uhla hinah rak hruai uh. 31Zokhal in ziangah so nan phoih, tiah an lo sut asile Bawipa in a hai tiah va sim uh,&#8221; a ti.</div><div class="p"> 32An va feh ih Jesuh in a sim vek cekci-in ziang hmuahhmuah cu an hmu. 33Laak note cu an phoih rero laiah a neitu pawl in, &#8220;Ziangah so nan phoih?&#8221; tiah an ti.</div><div class="p"> 34Annih in, &#8220;Bawipa in a hai,&#8221; tiah an let. 35Cule laak cu Jesuh hnenah an hei hruai. Cun laak parah cun an puan an dam ih Jesuh cu an toter. 36Laak par cun a feh ih a fehnak lamzin ahcun mipi in an puan an phah vivo.</div><div class="p"> 37Jerusalem khua kiang lamzin Olif Tlang ihsin a vung suhnak zawn an thlen tikah a thluntu miburpi pawl cun Pathian an thang&#7789;hat ih, thil mak zetzet tampi an hmuh ruangah cun an aw neih patawp in an au ciamco. 38&#8220;Bawipa&#243;i hmin in a rami siangpahrang parah Pathian thlawsuahnak um ko seh! Van ah daihnak um sehla Pathian hnenah sunlawinak cu um ko seh!&#8221; tiah an ti.</div><div class="p"> 39Cule miburpi lakih a ummi Farasi &#7789;henkhat pawl in Jesuh cu, &#8220;Sayapa, na dungthlun pawl hi daite&#243;n um hai seh, sim aw!&#8221; tiah an ti.</div><div class="p"> 40Jesuh in, &#8220;Fiangtein ka lo sim: Annih pawl daiteih an um asile hi lungto pawl hi an hung au ciamco ding a si,&#8221; tiah a ti.</div><div class="s1">Jerusalem Ruangah Jesuh A &#7789;ap</div><div class="p"> 41Jerusalem khawpi cu a hei naih vivo ih a hmuh ngah tikah Jesuh cu a &#7789;ap: 42&#8220;Tuihsun ah hin daihnak hrangah ziangso a &#7789;ul, tihi thei thei cila maw! Asinain cucu na hmuh thei lo dingin thuh a si! 43Nan ral pawl in an lo kulh &#7789;heh ding ih an lo kham &#7789;hehnak le khuazakip in an lo fuuknak caan a ra thleng ding. 44Nangmah siseh, na phar dawlmi sungih a ummi na minung pawl siseh, an that &#7789;heh ding. Nangmah rundam dingih Pathian a rat tikcu na theih lo ruangah lungto pakhat hman suang aw-in a taangmi an um lo ding a si!&#8221; tiah a ti.</div><div class="s1">Biakinn Ah Jesuh A Feh</div><div class="r">(Mat 21.12-17; Mar 11.15-19; Joh 2.13-22)</div><div class="p"> 45Cun Jesuh cu Biakinn sungah a feh ih thil zuartu pawl kha a dawi &#7789;heh. 46&#8220;Ca Thianghlim sungah Pathian in ka Biakinn cu thlacamnak inn tiah kawh a si ding a ti. Asinain nannih cun fifir pawl relhnak kua ah nan canter!&#8221; tiah a kawk hai.</div><div class="p"> 47Nitinte in Jesuh cun Biakinn sungah thu a zirh. Puithiam upa pawl, Daanthiam pawl le hotu pawl in Jesuh cu thah an duh. 48Asinain an thah theinak ding lamzin an hawl thei lo, ziangahtile mi hmuahhmuah in a thu simmi cu &#7789;ongfang pakhat hman hrelh loin ngai an duh.</div>
 </div>
 </div>
</div>

Falam Bible Revision © Bible Society of Myanmar, 2002.

Jesuh cu Jerikho khua a thleng ih khawsung in a feh vivo. Cutawkah siahkhongtu upa pakhat, a lianzetmi, Zakia timi a um. Jesuh kha zo a si ti hmuh a duhzet naón amah cu mi niamte a si ih tlunah mi an tamzet ruangah a hmu thei hrimhrim lo. Curuangah mipi hmaiah a tlan ih cutawk lamih a feh vivotu Jesuh hmuh duh ah theipi kung parah a kai. Jesuh cutawk hmun a thlen tikah a tlunlam a hun zoh ih, “Zakia, zamrangin rung ṭum aw, tuihsun na inn ah ka tlung ding,” tiah a ti.
Zakia cu zamrangin a ṭum ih Jesuh kha a inn ah lungawi zetin a tlunter. Cumi a hmutu hmuahhmuah cu an phunzai hmurhmo ih, “Hi pa hi misual pa ih inn ah a tlung ual!” tiah an ti.
Zakia cu a ding ih Bawipa ih hnenah cun, “Bawipa, i ngaihnik! Ka neihmi ih hrek cu mifarah ka pe ding; cule ka bummi an um ahcun a let li in ka sam sal ding,” tiah a ti.
Jesuh in a hnenah, “Tuih sun hi pa ih inn ah rundamnak a ra thleng zo, ziangahtile hi pakhal hi Abraham ih tesinfa a si ve. Milai Fapa cu a hlomi hawl ding le rundam dingah a ra,” tiah a ti.


Cutiih a simmi a rak ngaitu mipi hnenah Jesuh in tahṭhimnak pakhat a sim. Amah cu Jerusalem a thleng zik thlang ih mipi cun Pathian Uknak a ra thleng zik thlang tiah an ruat. Curuangah hiti in a sim: “Voikhat ah bawi pakhat a um ih amah cu ram hlapi ah feh tahratin siangpahrang ih canter a si hnuah innih ra tlun sal a tum. Cutiih a feh hlanah a hnen-um pahra kha a ko ih sui tangka fang khat fingfing a pek hnuah, ‘Himi thawn sum rak tuah hnik uh; ka ra kir tikah ziangzat nan ngah, kan zohhnik pei,’ tiah a ti. A ram sungmi pawl in cuih an bawipa cu an hua ih curuangah ‘Hi pa hi cu kan siangpahrang dingah kan duh lo,’ tiah a simtu dingah palai an thlah.
“Cupa cu siangpahrang a can hnuah a ra tlung sal. A thlen vete in sum ziangzat an ngah ti theih duh ah a hnen-um pahra cu a hnenah a ko. Pakhat pa cu a ra ih, ‘Bawipa, sui tangka fang khat i pekmi in sui tangka fang hra a miat ka ngah,’ tiah a ra ti. A bawipa in, ‘A ṭha, nang hi hnen-um ṭha na si. Thil fate parih rintlak na si ruangah khawpi pahra uktu-ah ka lo re ding,’ tiah a ti. Pahnihnak pa a ra ih, ‘Bawipa, sui tangka fang khat i pekmi in fang nga a miat ka ngah,’ tiah a ti. Cupa cu ‘Khawpi panga uktu-ah ka lo ret ding,’ tiah a ti.
“A dang hnen-um pakhat a ra ih, ‘Bawipa, hinah na sui tangka cu a um. Pavua in ka tuam ih ka ret. Nang cu mi tifekfek na si ruangah ka lo ṭih. Na ta a si lomi tla na lak ṭheu ih thlaici na vorh lomi khal na khawm ṭheu,’ tiah a ti. Cutikah a bawipa in, ‘Hnen-um ṭha lo! Nangmah hnonnak dingah hin nangmah ih ṭong lala ka hmang ding! Mi tifekfek ka si cu na thei ih ka ta a si lomi tla ka lak ih ka vorh lomi khal ka khawm cu na thei. Cuti asile ziangah so ka tangka cu tangka retnak zung ah na rak ret lo? Rak ret cila ka ra kir sal tikah tangka ṭhang thawn ka ngah ding a sisi!’ tiah a ti.
Cule cutawkih a dingmi pawl hnenah, ‘A sui tangka cu la uhla sui tangka fang hra a neitu hnen-um hnenah pe uh,’ tiah a ti. Asinain annih in, ‘Bawipa, anih cun fang hra a nei zo si!’ an ti. An bawipa cun, ‘Fiangtein ka lo sim: thil a neitu hnenah a dang khal belh a si ding; asinain thil a nei lotu hnen ihsin a neihsun malte hman kha laksak hrih a si ding. Cun an siangpahrang dingih i duh lotu ka ral pawl cu hinah ratpi uh la ka mithmuh ah hin that uh,’ a ti,” tiah Jesuh in a sim.


Jesuh in hi thu a sim hnuah an hmaiah Jerusalem ah a feh. Cule Olif tlang ih Bethphage le Bethani khua kiang a thlen tikah a hmai ah a dungthluntu pahnih kha a thlah ih, hiti in thu a cah. “Nan hmaiih a ummi khawsungah khin va lut uhla zohman ih an to dah hrih lomi laak note pakhat hri in an khihmi kha nan hmu ding. A hri phoih uhla hinah rak hruai uh. Zokhal in ziangah so nan phoih, tiah an lo sut asile Bawipa in a hai tiah va sim uh,” a ti.
An va feh ih Jesuh in a sim vek cekci-in ziang hmuahhmuah cu an hmu. Laak note cu an phoih rero laiah a neitu pawl in, “Ziangah so nan phoih?” tiah an ti.
Annih in, “Bawipa in a hai,” tiah an let. Cule laak cu Jesuh hnenah an hei hruai. Cun laak parah cun an puan an dam ih Jesuh cu an toter. Laak par cun a feh ih a fehnak lamzin ahcun mipi in an puan an phah vivo.
Jerusalem khua kiang lamzin Olif Tlang ihsin a vung suhnak zawn an thlen tikah a thluntu miburpi pawl cun Pathian an thangṭhat ih, thil mak zetzet tampi an hmuh ruangah cun an aw neih patawp in an au ciamco. “Bawipaói hmin in a rami siangpahrang parah Pathian thlawsuahnak um ko seh! Van ah daihnak um sehla Pathian hnenah sunlawinak cu um ko seh!” tiah an ti.
Cule miburpi lakih a ummi Farasi ṭhenkhat pawl in Jesuh cu, “Sayapa, na dungthlun pawl hi daiteón um hai seh, sim aw!” tiah an ti.
Jesuh in, “Fiangtein ka lo sim: Annih pawl daiteih an um asile hi lungto pawl hi an hung au ciamco ding a si,” tiah a ti.

Jerusalem khawpi cu a hei naih vivo ih a hmuh ngah tikah Jesuh cu a ṭap: “Tuihsun ah hin daihnak hrangah ziangso a ṭul, tihi thei thei cila maw! Asinain cucu na hmuh thei lo dingin thuh a si! Nan ral pawl in an lo kulh ṭheh ding ih an lo kham ṭhehnak le khuazakip in an lo fuuknak caan a ra thleng ding. Nangmah siseh, na phar dawlmi sungih a ummi na minung pawl siseh, an that ṭheh ding. Nangmah rundam dingih Pathian a rat tikcu na theih lo ruangah lungto pakhat hman suang aw-in a taangmi an um lo ding a si!” tiah a ti.


Cun Jesuh cu Biakinn sungah a feh ih thil zuartu pawl kha a dawi ṭheh. “Ca Thianghlim sungah Pathian in ka Biakinn cu thlacamnak inn tiah kawh a si ding a ti. Asinain nannih cun fifir pawl relhnak kua ah nan canter!” tiah a kawk hai.
Nitinte in Jesuh cun Biakinn sungah thu a zirh. Puithiam upa pawl, Daanthiam pawl le hotu pawl in Jesuh cu thah an duh. Asinain an thah theinak ding lamzin an hawl thei lo, ziangahtile mi hmuahhmuah in a thu simmi cu ṭongfang pakhat hman hrelh loin ngai an duh.

להקשיב ל LUKA 19