Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s1">Sani nubunge yoropne sembe Yesusti sunumna yubu likipto ambatsiogha</div><div class="r">(Lukas 14:15-24)</div><div class="p"> 1Wene aro seneraglamekpa, Yesusti nimi tanekoag sunumna likiptop yubuag agha samoro yubu ambarelamsiogti, 2&#8220;Imagne ponekori mog so'oag nimi saelba uhiroba aneko welaro wamlange sembe sunumna sumbatnuahin. So'o nhonag wamek nimi sembe yubu sia leropne nhon wamogti, elmeri kelabo tomnepne sembe sani nubunge yobaogne saog uro wamla. 3Yubu sia leropne ponekori eldi arukna poglamsiogti, &#8216;Nari samenag, &#8220;Nameri kel topleba, sani nhon tukap,&#8221; aro ambatsino nimiag, &#8220;Wene yalulom,&#8221; aro ambarel phululom,&#8217; aro pogsiog. Pogsiogpa ambarel pihiek aghana, karong senelamekti, &#8216;Yaukap kom,&#8217; seek.</div><div class="p"> 4&#8216;Yaukap kom,&#8217; seekpa nen ik nhon eldi arukna yogne poglamsiogti, &#8216;El nenelamsimundi, &#8220;Nari pham sapi yem pham etpare oro yobandi, mesa yagne babe oro yoban. Ni weroba wamla. Nameri kel toplenge sembe sani nhon tukapti yahut,&#8221; sululom,&#8217; aro pogsiog.</div><div class="p"> 5Wene aro pogsiogpa, nen ambarel pihiek aghana, ambatsiek yubu eneko ka'elobi agha paiag sip lambaek. Nenneri, &#8216;Awe tomnun,&#8217; aro lambaekpa nenneri, &#8216;Kamna kapto tol pinun,&#8217; aro lambaek. 6Nimi nhon-nhon lambaek kom aghana, yopsiog nimi tanekori eldi arukna yubu poa yaek nimi taneko salero malia ulamsiekti, ya'ag opsiek. 7Undo ulameka ka'ebaogti, yubu sia lenne poneko wana yo sirik sembaogti, el umag yin salerop nang wamek nimi taneko pogsiog. Poglamsiogti, &#8216;Nari arukna opsiong nimi taneko kom nenero olamsimundi, sikindinge as babe aukag taplulom,&#8217; aro pogsiogpa, piekti opsiek.</div><div class="p"> 8Yubu sia lenne ponekori yog nimi eldi arukna wamek nimiag yubu lelamogti, &#8216;Nameri kel toplenge sembe sani tukapne weroba wamla aghana, nari samenag, &#8220;Nhon tukap,&#8221; aro yopsino nimi taneko sunsunum komdi, yaukang kom. 9Ane sembe a'un ina ingkisag pimundi, ipsimun nimi ni taneko ambatto yopsimun andarina, nameri kel toplenge sani tenebag aneko yaukang,&#8217; aro eldi arukna pogsiog.</div><div class="p"> 10Wene aro pogsiogpa lambaekti, eldi arukna tanekori ina yabalamekne toman agha nimi ni ipsiek nimi, &#8216;Yalulom,&#8217; aro yopsiek. Malia urop nimi babe, walia urop nimi babe yopsiek andarina, elmeri kel tomnepne sani terobag aneko teknero yalamek. 11Sani tenebag teknebaekpa, yubu sia lenne eneko, &#8216;Sin kwaneng nikag tukap nimi kembahinun,&#8217; aro wa'iog. Wa'iogti sin wamek nimi kemelamsiog aghana, nimi nhon ag enektoba walinge wangkamog komne ibog. Yubu sia lenne enekori senelamogti, &#8216;Nimi enekori ag enekto ulamlange nameri kel tomnepne nubu nenelamapne sembe sunsunum kom,&#8217; sembaog. 12Ibogti nimi enekoag yubu lelamogti, &#8216;Nangkae, andi ag enekto ulamlamne neneko nameri kel tomnepne nubu nenelamapne sembe sunsunum kom aghana, welaro ae enekoag wa'ina yalam?&#8217; aro haibaog.</div><div class="p">Wene aro haibaogpa, nimi enekori nen samoro yubu lemnepne eraruk uaog.</div><div class="p"> 13Eraruk uaogpa, yeplamek nimi tanekoag yubu sia lenne ponekori aruklamsiogti, &#8216;El yan sae kaupmundi, yag lanaro toboghol pululom. Inibin sirikag wamleri, si keleng tereba yo lelem engero wamlul,&#8217; aro lebog. 14Ane saog uro nimi maikno yoplamsil aghana, nimi ologha wepsirop nimi wamang,&#8221; aro Yesusti ambatsiog.</div><div class="s1">Yahudi nimiri Yesusag, &#8220;Kaisar kiptopne sembe kamna wali tarukap to, kom to?&#8221; aro haibaeka</div><div class="r">(Markus 12:13-17; Lukas 20:20-26)</div><div class="p"> 15Wene aro ambatsiogpa, Farisi nimi taneko lambaekti, &#8220;Selbel weptangtopne leplul to aro elag monag aluktop yubu haibaukap,&#8221; aro yubu nikne lelamek. 16Farisi nimi tanekori sindi yubu ka'ero neleptop nimi etpareap, nimi nubunge Herodesag neleptop nimi etpareap Yesusag pogsiek. Pogsiekpa Yesusag yaekti hailamekti, &#8220;Nai, yubu amohinne wamlam. Andi nimiag &#8216;Ologne to, nubunge to,&#8217; aro kembahin koma wali yubu amoro ambarelamsilam. Nu el wamapne andi, &#8216;Nimiri na welaro sembanukang,&#8217; semban koma Allahri seneropne sunsunum uro sik yubu ambarelamsilam. 17Ane sembe tam nhon ambatkebeba, andi yubu lepmenne ka'ebaukap. Roma nimiri nu luknuhiro saelba uhiropne nubunge Kaisar ponekori nunag, &#8216;Kamna a'undi saeag agha na kipnange sembe pogto tarelamnululom,&#8217; aro arukahiog. &#8216;Tarelamnululom,&#8217; aro arukahiogpa, nuri wali el tarelamukap to, kom to?&#8221; aro monag aluktop yubu haibaek.</div><div class="p"> 18Wene aro haibaek yubu wana malingeag agha lebekpa, Yesus el taog. El taogti, yubu lelamogti, &#8220;A'unna, &#8216;Wali sembanukang,&#8217; aro lero urop nimi wamlom. Sa'a sembe a'undi, &#8216;Selbel weptangto leplul to,&#8217; aro monag aluktop yubu haibanelom? 19Kaisarag kipto tatnepne sembe kamna kaptoba wanange nhon kembanundi, toro pepnumun,&#8221; seog. Payaekti Yesus pebelaekpa, 20Yesusti yubu lelamogti, &#8220;Kamna kaptoba kirik wana aneag etneri yame sunumna wamla? Etneri si ane mome toro pibek?&#8221; aro ambatto haibahiog.</div><div class="p"> 21Wene seogpa sindi, &#8220;Roma nimi nubunge Kaisartinge kamna kaptoba aneag wamla,&#8221; seek.</div><div class="p">Wene seekpa Yesusti, &#8220;Kamna kaptoba aneag Kaisartinge wamla tanena, Kaisarti a'unag, &#8216;Tatnululom,&#8217; sele tanena, &#8216;Eldinge,&#8217; aro tarelamlulom. Apna sa'a-sa'a Allahringe wamla tanena, Allahag tarelamlulom,&#8221; seog.</div><div class="p"> 22Wene seogne ka'ebaekti, &#8220;Yaghe,&#8221; aro lo'om seekti, el laplobi agha piek.</div><div class="s1">Saduki nangdi Yesusag yaekti, nimi teptopne nen kamag tanepne sembe haibaeka</div><div class="r">(Markus 12:18-27; Lukas 20:27-40)</div><div class="p"> 23Sum eneko Yahudi nimi nubunang Saduki nang etpare, &#8220;Yesusag haibaukap,&#8221; aro yaek. Saduki nimiri seneraglamek nena, &#8220;Nimi teptop nimi nen amik kamag taukang kom,&#8221; aro seneraglamek aghana, 24Yesusag hailamekti, &#8220;Nai, an yubu amoro ambarelamsilamne wamlam. Tam nhon ambatkebeba, andi lepmenne ka'ebaukap. Samenag Musari yubu ambatsiog nena, &#8216;Kabuni nhon kel toamna agha me koma tebale tanena, ilipsaeri yauog kel eneko maupto topleri, eldo sembe lumbanep me nhon piplul,&#8217; seog.#Ulangan - Sariktoba 25:5-6 25Wene seogpa, nunap nimi anabiag agha eldo yabo ilipsabo nimi saekpare nang wamek. Yandonge poneko kelabo toamog agha me koma tebaog ane sembe, &#8216;Tebaogne poneko lumbanep me nhon wamso,&#8217; aro eldi yauog kel eneko ilipsaeri kel taogpa, maupto tobog. 26Ilipsae phendepne poneko babe nika uro me koma tebaogpa, ilipsae wilindipne ponekori babe undo unuaog. Ilipsae tomne, lamne, no'opne undobog nimi saekpare tanekori kel eneko maubek aghana, me koma ni tebaek. 27Komopnag kel eneko babe tebaog. 28Nimi saekpare nang tanekori kel eneko toamek ane sembe, wene ni tebaek tanena, amik nimi teptopne kamag tanep sum eneko kel eneko etneri kel talul?&#8221; aro Yesusag haibaek.</div><div class="p"> 29Wene aro haibaekpa, Yesusti samoro ambarelamsiogti, &#8220;A'un Saduki nang loba uro seneraglamlom nena, Allah Yubu mome toro pairopneap, Allahri mikibari ulamnepneap sembe ekonneag agha loba uro seneraglamlom. 30Loba uro seneraglamlom nena, nimi teptopne nen samoro kamag taukang sum eneko, nengabo kelabo top tangto ulamukang kom. Allah arukna imagnang malaikat saog uro wamikti, nengabo kelabo top tangto koma wamukang. 31Nimi nen samoro kamag taukangne sembe Allahri a'unag ambatsiog yubu mome toro pairobag wamlange olog kemelamlom kom te? Mome toro pairobag Allahri yubu lelamog nena, 32&#8216;Nana Abrahamap, Ishakap, Yakubap paia uhiropne Allah wamna,&#8217; aro Allahri yubu lebog. Wene seog tanena, Allah ponekona, &#8216;Nimi ya'ag teptoba wamukang,&#8217; aro paia uhirop kom. Elna, &#8216;Nimi kamag wamukang,&#8217; aro paia uhiropne wamla,&#8221; seog.</div><div class="p"> 33Wene aro ambatsiogpa, eldi yubu ka'ebaekti, nimi maikno longolamek nimi tanekori, &#8220;Mane agha ambarelamsil,&#8221; aro lo'om seek.</div><div class="s1">Allahri aruksirop yubu o'omne sembe Yesusti ambatsiogha</div><div class="r">(Markus 12:28-34; Lukas 10:25-28)</div><div class="p"> 34Yesusti wene aro ambatsiog yubu Saduki nimi tanekori nen samoro yubu lemnep kom. Samoro yubu lemnep kom uahiogpa, Farisi nimiri ka'ebaekti, sin nimi etpare winil dalamekti, Yesusag yaek. 35Sin Farisi nimi nhon Musa yubu amohiropne wamogti, &#8220;Yesus mipnun,&#8221; sembaog. 36&#8220;Mipnun,&#8221; aro hailamogti, &#8220;Nai, yubu amolamsilamne. Allahri arukahiog yubu Musari mome toro pibog yubu anabiag agha aruksirop yubu kiki nubu sirikne nhon nelagha wamla?&#8221; aro haibaog.</div><div class="p"> 37-38Wene aro haibaogpa Yesustina, &#8220;Samne o'omnena, &#8216;Nuni Allah nu Saelba Uhiropne poneko sembe andi wana ningkiap, nong ningkiapti o'ona senelapmendi, elag to'opto seneraglamlulam,&#8217; aro arukahiogne neneko o'omne wamla. 39Phendepne olog nika saog uro wamlangena, &#8216;Andamne o'ona senep tangkamlam saog uro andi mog so'oag nimi babe o'ona senelamsululam,&#8217; aro arukahiog. 40Allahri arukahiog yubu tam phende wamlange abenekoag, Musari aruksirop yubuap, Allah yubu silimu tiplamek nimiri ambarelamsiek yubuap yubu tam phende abenekoag silip tangkamlaba, mome toro pibek,&#8221; seog.</div><div class="s1">&#8220;Kristus poneko, &#8216;Etne elme,&#8217; wamla?&#8221; aro Yesusti hairo ambarelamsiogha</div><div class="r">(Markus 12:35-37; Lukas 20:41-44)</div><div class="p"> 41Sin Farisi nimi winil dalamekag aneko Yesusti sinag ambatto hailamsiogti, 42&#8220;Kristus#22:42 Samenag nimiri Yunani yubu lelamek nena Allahri, &#8220;Saelbamsululam,&#8221; aro wepto poglulne poneko sembe, &#8220;Kristus,&#8221; alamek. poneko sembe a'undi seneraglamlomne ka'ebanun. Kristus poneko etne elme wamla?&#8221; aro haibahiog.</div><div class="p">Wene aro haibahiogpa, &#8220;Daud elme wamla,&#8221; seek.</div><div class="p"> 43Wene seekpa, Yesusti sinag samoro yubu ambarelamsiogti, &#8220;A'undi wene selom aghana, Allah Yameri elag ambarogne toman agha Daud eldamneri samenag Kristus poneko sembe yubu lelamogti, &#8216;Na Saelba Uneropne,&#8217; aro engkaog. A'undi leplomne sik pagha tanena, Daud ponekori welaro elme sembe undo yubu lemnep? Samenag yubu lelamog nena,</div><div class="q1"> 44&#8216;Nia mangkina Saelba Uhiropne ponekori na saelba uneropne ponekoag yubu lelamogti,</div><div class="q2">&#8220;Na sae sirik sip pulamena kekman, andi aisanang andi yan mombolag nembahinun,&#8221; seog,&#8217;</div><div class="p">aro Daudti mome toro pibog.#Sepna 110:1</div><div class="p"> 45Nunisag Daud ponekori Kristus poneko sembe, &#8216;Na saelba uneropne,&#8217; aro lelamog tanena, welaro nimiri Daud paliag nenero Kristus poneko sembe, &#8216;Daud elme,&#8217; aro lemnep?&#8221; aro ambarelamsiogti haibahiog.</div><div class="p"> 46Wene aro ambatsiogpa, nimi nhondi babe elag nen samoro yubu lemnep kom. Apna sum enekoa nimi nhondi babe elag mipnepne sang-sanga mipto haibanep kom wamog.</div>
 </div>
 </div>
</div>

Wene aro seneraglamekpa, Yesusti nimi tanekoag sunumna likiptop yubuag agha samoro yubu ambarelamsiogti, “Imagne ponekori mog so'oag nimi saelba uhiroba aneko welaro wamlange sembe sunumna sumbatnuahin. So'o nhonag wamek nimi sembe yubu sia leropne nhon wamogti, elmeri kelabo tomnepne sembe sani nubunge yobaogne saog uro wamla. Yubu sia leropne ponekori eldi arukna poglamsiogti, ‘Nari samenag, “Nameri kel topleba, sani nhon tukap,” aro ambatsino nimiag, “Wene yalulom,” aro ambarel phululom,’ aro pogsiog. Pogsiogpa ambarel pihiek aghana, karong senelamekti, ‘Yaukap kom,’ seek.
‘Yaukap kom,’ seekpa nen ik nhon eldi arukna yogne poglamsiogti, ‘El nenelamsimundi, “Nari pham sapi yem pham etpare oro yobandi, mesa yagne babe oro yoban. Ni weroba wamla. Nameri kel toplenge sembe sani nhon tukapti yahut,” sululom,’ aro pogsiog.
Wene aro pogsiogpa, nen ambarel pihiek aghana, ambatsiek yubu eneko ka'elobi agha paiag sip lambaek. Nenneri, ‘Awe tomnun,’ aro lambaekpa nenneri, ‘Kamna kapto tol pinun,’ aro lambaek. Nimi nhon-nhon lambaek kom aghana, yopsiog nimi tanekori eldi arukna yubu poa yaek nimi taneko salero malia ulamsiekti, ya'ag opsiek. Undo ulameka ka'ebaogti, yubu sia lenne poneko wana yo sirik sembaogti, el umag yin salerop nang wamek nimi taneko pogsiog. Poglamsiogti, ‘Nari arukna opsiong nimi taneko kom nenero olamsimundi, sikindinge as babe aukag taplulom,’ aro pogsiogpa, piekti opsiek.
Yubu sia lenne ponekori yog nimi eldi arukna wamek nimiag yubu lelamogti, ‘Nameri kel toplenge sembe sani tukapne weroba wamla aghana, nari samenag, “Nhon tukap,” aro yopsino nimi taneko sunsunum komdi, yaukang kom. Ane sembe a'un ina ingkisag pimundi, ipsimun nimi ni taneko ambatto yopsimun andarina, nameri kel toplenge sani tenebag aneko yaukang,’ aro eldi arukna pogsiog.
Wene aro pogsiogpa lambaekti, eldi arukna tanekori ina yabalamekne toman agha nimi ni ipsiek nimi, ‘Yalulom,’ aro yopsiek. Malia urop nimi babe, walia urop nimi babe yopsiek andarina, elmeri kel tomnepne sani terobag aneko teknero yalamek. Sani tenebag teknebaekpa, yubu sia lenne eneko, ‘Sin kwaneng nikag tukap nimi kembahinun,’ aro wa'iog. Wa'iogti sin wamek nimi kemelamsiog aghana, nimi nhon ag enektoba walinge wangkamog komne ibog. Yubu sia lenne enekori senelamogti, ‘Nimi enekori ag enekto ulamlange nameri kel tomnepne nubu nenelamapne sembe sunsunum kom,’ sembaog. Ibogti nimi enekoag yubu lelamogti, ‘Nangkae, andi ag enekto ulamlamne neneko nameri kel tomnepne nubu nenelamapne sembe sunsunum kom aghana, welaro ae enekoag wa'ina yalam?’ aro haibaog.
Wene aro haibaogpa, nimi enekori nen samoro yubu lemnepne eraruk uaog.
Eraruk uaogpa, yeplamek nimi tanekoag yubu sia lenne ponekori aruklamsiogti, ‘El yan sae kaupmundi, yag lanaro toboghol pululom. Inibin sirikag wamleri, si keleng tereba yo lelem engero wamlul,’ aro lebog. Ane saog uro nimi maikno yoplamsil aghana, nimi ologha wepsirop nimi wamang,” aro Yesusti ambatsiog.


Wene aro ambatsiogpa, Farisi nimi taneko lambaekti, “Selbel weptangtopne leplul to aro elag monag aluktop yubu haibaukap,” aro yubu nikne lelamek. Farisi nimi tanekori sindi yubu ka'ero neleptop nimi etpareap, nimi nubunge Herodesag neleptop nimi etpareap Yesusag pogsiek. Pogsiekpa Yesusag yaekti hailamekti, “Nai, yubu amohinne wamlam. Andi nimiag ‘Ologne to, nubunge to,’ aro kembahin koma wali yubu amoro ambarelamsilam. Nu el wamapne andi, ‘Nimiri na welaro sembanukang,’ semban koma Allahri seneropne sunsunum uro sik yubu ambarelamsilam. Ane sembe tam nhon ambatkebeba, andi yubu lepmenne ka'ebaukap. Roma nimiri nu luknuhiro saelba uhiropne nubunge Kaisar ponekori nunag, ‘Kamna a'undi saeag agha na kipnange sembe pogto tarelamnululom,’ aro arukahiog. ‘Tarelamnululom,’ aro arukahiogpa, nuri wali el tarelamukap to, kom to?” aro monag aluktop yubu haibaek.
Wene aro haibaek yubu wana malingeag agha lebekpa, Yesus el taog. El taogti, yubu lelamogti, “A'unna, ‘Wali sembanukang,’ aro lero urop nimi wamlom. Sa'a sembe a'undi, ‘Selbel weptangto leplul to,’ aro monag aluktop yubu haibanelom? Kaisarag kipto tatnepne sembe kamna kaptoba wanange nhon kembanundi, toro pepnumun,” seog. Payaekti Yesus pebelaekpa, Yesusti yubu lelamogti, “Kamna kaptoba kirik wana aneag etneri yame sunumna wamla? Etneri si ane mome toro pibek?” aro ambatto haibahiog.
Wene seogpa sindi, “Roma nimi nubunge Kaisartinge kamna kaptoba aneag wamla,” seek.
Wene seekpa Yesusti, “Kamna kaptoba aneag Kaisartinge wamla tanena, Kaisarti a'unag, ‘Tatnululom,’ sele tanena, ‘Eldinge,’ aro tarelamlulom. Apna sa'a-sa'a Allahringe wamla tanena, Allahag tarelamlulom,” seog.
Wene seogne ka'ebaekti, “Yaghe,” aro lo'om seekti, el laplobi agha piek.


Sum eneko Yahudi nimi nubunang Saduki nang etpare, “Yesusag haibaukap,” aro yaek. Saduki nimiri seneraglamek nena, “Nimi teptop nimi nen amik kamag taukang kom,” aro seneraglamek aghana, Yesusag hailamekti, “Nai, an yubu amoro ambarelamsilamne wamlam. Tam nhon ambatkebeba, andi lepmenne ka'ebaukap. Samenag Musari yubu ambatsiog nena, ‘Kabuni nhon kel toamna agha me koma tebale tanena, ilipsaeri yauog kel eneko maupto topleri, eldo sembe lumbanep me nhon piplul,’ seog. Wene seogpa, nunap nimi anabiag agha eldo yabo ilipsabo nimi saekpare nang wamek. Yandonge poneko kelabo toamog agha me koma tebaog ane sembe, ‘Tebaogne poneko lumbanep me nhon wamso,’ aro eldi yauog kel eneko ilipsaeri kel taogpa, maupto tobog. Ilipsae phendepne poneko babe nika uro me koma tebaogpa, ilipsae wilindipne ponekori babe undo unuaog. Ilipsae tomne, lamne, no'opne undobog nimi saekpare tanekori kel eneko maubek aghana, me koma ni tebaek. Komopnag kel eneko babe tebaog. Nimi saekpare nang tanekori kel eneko toamek ane sembe, wene ni tebaek tanena, amik nimi teptopne kamag tanep sum eneko kel eneko etneri kel talul?” aro Yesusag haibaek.
Wene aro haibaekpa, Yesusti samoro ambarelamsiogti, “A'un Saduki nang loba uro seneraglamlom nena, Allah Yubu mome toro pairopneap, Allahri mikibari ulamnepneap sembe ekonneag agha loba uro seneraglamlom. Loba uro seneraglamlom nena, nimi teptopne nen samoro kamag taukang sum eneko, nengabo kelabo top tangto ulamukang kom. Allah arukna imagnang malaikat saog uro wamikti, nengabo kelabo top tangto koma wamukang. Nimi nen samoro kamag taukangne sembe Allahri a'unag ambatsiog yubu mome toro pairobag wamlange olog kemelamlom kom te? Mome toro pairobag Allahri yubu lelamog nena, ‘Nana Abrahamap, Ishakap, Yakubap paia uhiropne Allah wamna,’ aro Allahri yubu lebog. Wene seog tanena, Allah ponekona, ‘Nimi ya'ag teptoba wamukang,’ aro paia uhirop kom. Elna, ‘Nimi kamag wamukang,’ aro paia uhiropne wamla,” seog.
Wene aro ambatsiogpa, eldi yubu ka'ebaekti, nimi maikno longolamek nimi tanekori, “Mane agha ambarelamsil,” aro lo'om seek.


Yesusti wene aro ambatsiog yubu Saduki nimi tanekori nen samoro yubu lemnep kom. Samoro yubu lemnep kom uahiogpa, Farisi nimiri ka'ebaekti, sin nimi etpare winil dalamekti, Yesusag yaek. Sin Farisi nimi nhon Musa yubu amohiropne wamogti, “Yesus mipnun,” sembaog. “Mipnun,” aro hailamogti, “Nai, yubu amolamsilamne. Allahri arukahiog yubu Musari mome toro pibog yubu anabiag agha aruksirop yubu kiki nubu sirikne nhon nelagha wamla?” aro haibaog.
Wene aro haibaogpa Yesustina, “Samne o'omnena, ‘Nuni Allah nu Saelba Uhiropne poneko sembe andi wana ningkiap, nong ningkiapti o'ona senelapmendi, elag to'opto seneraglamlulam,’ aro arukahiogne neneko o'omne wamla. Phendepne olog nika saog uro wamlangena, ‘Andamne o'ona senep tangkamlam saog uro andi mog so'oag nimi babe o'ona senelamsululam,’ aro arukahiog. Allahri arukahiog yubu tam phende wamlange abenekoag, Musari aruksirop yubuap, Allah yubu silimu tiplamek nimiri ambarelamsiek yubuap yubu tam phende abenekoag silip tangkamlaba, mome toro pibek,” seog.


Sin Farisi nimi winil dalamekag aneko Yesusti sinag ambatto hailamsiogti, “Kristus poneko sembe a'undi seneraglamlomne ka'ebanun. Kristus poneko etne elme wamla?” aro haibahiog.
Wene aro haibahiogpa, “Daud elme wamla,” seek.
Wene seekpa, Yesusti sinag samoro yubu ambarelamsiogti, “A'undi wene selom aghana, Allah Yameri elag ambarogne toman agha Daud eldamneri samenag Kristus poneko sembe yubu lelamogti, ‘Na Saelba Uneropne,’ aro engkaog. A'undi leplomne sik pagha tanena, Daud ponekori welaro elme sembe undo yubu lemnep? Samenag yubu lelamog nena,
‘Nia mangkina Saelba Uhiropne ponekori na saelba uneropne ponekoag yubu lelamogti,
“Na sae sirik sip pulamena kekman, andi aisanang andi yan mombolag nembahinun,” seog,’
aro Daudti mome toro pibog.
Nunisag Daud ponekori Kristus poneko sembe, ‘Na saelba uneropne,’ aro lelamog tanena, welaro nimiri Daud paliag nenero Kristus poneko sembe, ‘Daud elme,’ aro lemnep?” aro ambarelamsiogti haibahiog.
Wene aro ambatsiogpa, nimi nhondi babe elag nen samoro yubu lemnep kom. Apna sum enekoa nimi nhondi babe elag mipnepne sang-sanga mipto haibanep kom wamog.

להקשיב ל Matius 22