দেপ্তেতনি
ই যোহনা সুকতানি পেনেম ক্রৌ ৱায় যীশুৱা ঈশ্বৰনি বুসুঞ্চা ক্রৌ, যি ম্রাবা “মাৰাব সায়মৗন নাং মাৰাবমৗন অৗগ্রৗম পাংতানা” ইয়ো তৗনৗকতানা। ই লেখাৱৗন ব্রাকা যে, ই পেনেম ক্রৌৱো সুকঙি সায়তানা যাতে “যীশুৱো সামফায়তানি ত্রাণকর্ত্তা” ঈশ্বৰনি স্বা, আৰা উনায় বিশ্বাস গাসায়ঙি দ্বাৰায় অনোক যাতে বুসুঞ্চা চৗল্পাক মানা ইয়ো পঢ়ায় মাৰাবদো বিশ্বাস গাসায়া। (২০:৩১)।
দেফেতনি জিখৗমায় যীশুনায় ঈশ্বৰনি বুসুঞ্চা ক্রৌ তৱা, ই পেনেম ক্রৌনি পৰথম ফালাগৱায় যীশুৱা সামফায়তানি ত্রাণকর্ত্তা ঈশ্বৰনি স্বানি জ-জৰায় আচাংকা কৗমদো তৗনৗকতানা। ই তৗক্রৗই বিষয়দো যিয়ো দেপ্রেং নিগিনি উদো আচাংকা কৗমনি দ্বাৰায় প্রকাশ সায়তানা। লেখানি ই অংশায় অৗদৗগ মাৰাবদো বিগিনা যীশুনায় বিশ্বাস গাসায়মৗন উনি জিখৗম বাৰায়ঙি মাৰাব সায়তানা, আৰা অৗদৗগদো উনায় বিশ্বাস সায়চৌ ইদো দুনতানা। লৌ মাসানি ফাৰ গৗসৗমায় যীশুৱা নগোমি শিষ্যদোমৗন অৗগ্রৗম সহভাগিতা লানি আৰা ক্রুশায় লাও মাসানি সানসা অৗগচাক ফাৰ গৗসৗমায় তৗয়াৰ সায়ঙি আৰা অনোঙি গৗমৗন উৎসাহ লাওঙি ক্রৌদো ই ১৩-১৭ ফানায় পৗলৗগৗক সুকতানি তৱা। বুসুন পাতাঙি ফানায় যীশুনি লৌ মাসানি আৰা উনি বিচাৰ, উনি ক্রুশায় চিʼনি আৰা শাৰায়ঙি, আৰা শাৰায়ঙি জিখৗমায় উনি শিষ্যদোনা তৗনৗকঙিদো ইবায় দুনা।
সাকসা মিচিক পাকমানতোঙায় লৌ মাসানি গল্পৱো (৮:১-১১) ব্রেকেতৱায় তানতানা আতাংনা তৗক্রৗই লেখায় আৰা পৰথম অনুবাদৱায় ইদো লায়চান, নাত্নে অৗদৗগদো ইয়ো আতাং হাদামায় তানতানা।
খ্রীষ্টনি দ্বাৰায় বুসুঞ্চা চৗল্পাকনি বৰদান যি বৰদানো তিয়ৗন চঙা আৰা যি মাৰাবদো যীশুৱৗন লাম, খৗন্তৗক, আৰা চৗল্পাক ব্রাকায়মৗন বিশ্বাস গাসায়া অনোঙায় ফৗয়া, ইয়ো যোহনা দুন্তানা। যোহননি বিশেষ চৗই নিগিনিয়ো উম্রা আত্মানি বিষিন তৗৰৗং লাওৱায় উম্রা নিৰিখৗন নৗক মান্নি, চলায় মান্নি জিনিষদো যেগেনা চিকা, ফাৰ, চৗথৗং, পুৰুন নাকৰ, উনি পুৰুন, আঙুৰ বাগান আৰা উনি থৗই ই ক্রৌদোন চিন্ন হিচাবায় বাহায়তানা।
বিষিননি ৰূপৰেখা
অৗগৗ বৗন্দলৗমসা দেফেতনি (১:১-১৮)
যোহন ডুবক আৰা যীশুনি পৰথম শিষ্যদো (১:১৯-৫১)
যীশুনি কৗম চঙি (২১:১—১২:৫০)
যিৰূশালেমায় বুসুন সপ্তাহ গসা (১৩:১—১৯:৪২)
প্রভুনি শাৰায়ঙি আৰা দর্শন তৗনৗকঙি (২০:১-৩১)
জিখৗমায় বৗন্দলৗমসা দেফেতনি: গালীলায় লাপসা দর্শন তৗনৗকঙি (২১:১-২৫)

להקשיב ל যোহন দেপ্তেতনি