If you have would like a copy of this version please contact info@davarpartners.com

Nsenga New Testament 1923 © Bible Society of Zambia (Text), Nsenga New Testament 1923 ℗ 2018, Davar Partners International (Audio)

Mapangano Alomba 1923

<div class="version vid3614 iso6393nse" data-vid="3614" data-iso6393="nse">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1NIPO yenzepo akati sile Yesu kwapanga asambili &#373;ake kumi na a&#373;iri efumako kwamene uko kuyosambizya no&#373;irizya mminzi ya&#373;o.</div><div class="p"> 2Lomba Yohana akamvwe mkambolimboli milimo ya Kristo uyo, etumizya malizu na asambili &#373;ake emnenera, 3Kansi nimwe uyo akuza, kano tilolere muyake? 4Nipo Yesu eyasuka echiti kwa&#373;o, Nkoyani mkamuuzye Yohana vyamene vimkumvwa novi&#373;ona: 5mpofu zupoka kulola kwa zine, na &#373;opintya oyendayenda, na a manzonzo osukiwa, na &#373;otulika matu akumvwa, na akufwa ozyushiwa, na kwa akavu u&#373;irizyiwa utumi uweme. 6Ana shuko ali wonse ati akanopilingishiwa pali neo. 7Nipo a&#373;a penzekuya Yesu eyambonena na maumba zya Yohana, Pamchiya ku malambo mchiyo&#373;onanji? tete lenzosung'unzika na mpepo kansi? 8Nga pamchiya mchiyo&#373;onanji? muntu ovwala zya limpinti kansi? &#372;onani, a&#373;o ovwala zya limpinti ali mmang'anda a ufumu. 9Nga mweo mwifumiranji? kuyo&#373;ona mu&#373;irizi? Inde, numuuzyani ni woperemera ngako mu&#373;irizi. 10Uyu ni yeve wizilembewera zyake zyakuti,</div><div class="q1">&#372;ona, nuitanguzya nkalamba yangu pa menso pako,</div><div class="q1">Iyo iti ize isalazye njira yako pantanzi pako.</div><div class="m"> 11Lezee numnenelani, Mwa a&#373;o ovyalikwa na anakazi muliyoima mkuru kupula Yohana Mbatizi: sembe wamene ali mtonto pofumu wa kumulu ni mkuru kumpula yeve. 12Chitatikile nsita zya Yohana Mbatizi kuza na lero ufumu wa kumulu uuliwa na mantunya, na &#373;antu a mantunya oukatila na mpamvu. 13Pakuti a&#373;irizi &#373;onse na dango elosya kuza na kwa Yohana. 14Kati muzomera kupokera, uyu ni Eriya, wamene akuza. 15Wamene ana matu akumvwa naamvwe. 16Kansi neo nipalanye na chinji luko ulu? Lupalana na tu&#373;ana tunkala pa lu&#373;anza lositirapo, uto tu&#373;aita aya&#373;o 17tukuti, Tamlizizyani vinonje, namwe muliyovina; tambuma, namwe muliyokunta pa vifu&#373;a. 18Pakuti echiza Yohana wosalya na wosamwa, na&#373;o akuti, Ana chi&#373;anda. 19Echiza Mwana wa muntu wakulya na kumwa, na&#373;o akuti, &#372;onani, muntu wa dyera na chikungu cha vinyu, chiuza cha amsonko na &#373;oponta! Nzeru yu&#373;oneka yolungama na vyochita vya ine.</div><div class="p"> 20Pamene apo etatika kwifyangila minzi iyo ichitiwamo vyampamvu vyake vinyinji, chikomo iliyoyaruke. 21Shamo kwako, Korazini! shamo kwako, Betsaida! pakuti vyampamvu ivyo vichitiwa muli mweo vingati vichitiwa mTuro na mSidoni, sembe eyaruka kalekale mgudulu na mlito la paziko. 22Sembe neo numnenelani kuti mlandu ula wa Turo na wa Sidoni pa siku lopingula nteuti uzokule nga ni wanu mweo. 23Nawe, Kapernaumi, uzoimyiwe kansi mpaka kumulu? uzosike mpaka mu Hade: pakuti vyampamvu ivyo vichitiwa muli weo vingati vichitiwa mSodoma, sembe ni msimbanyoto kuza na lero. 24Neo numnenelani kuti mlandu ula wa charo cha Sodoma pa siku lopingula nteuti uzokule nga ni wako weo.</div><div class="p"> 25Pa nsita ila Yesu ela&#373;ira echiti, Numlumbani, &#372;ata, Mwine wa kumulu na pansi, pemwivifisa ivi kwa anzeru na ku ng'anga, namwe mwivivundululira ku malucheche: 26inde, &#372;ata, pakuti choteti chenze chotemwesya pa menso panu. 27Vyonse vipelekewa kuli neo na &#372;ata &#373;angu: paliye muntu omzi&#373;a Mwana, &#372;ata niye; soti paliye omzi&#373;a &#372;ata sembe Mwana yeka, na uyo wakutemwa Mwana kumvundululira. 28Izani kwangu, monse mwa&#373;ovupa nolemelwa, nane nakumpumuzyani. 29Lutwaleni mweo lupanda lwangu, mulisambizye kwangu; pakuti neo nne wosisikanya na wolisisya mtima: namwe muze mfwange chipumulo cha mizimu yanu. 30Chikomo lupanda lwangu ni losatina, na mtolo wangu ni wopepuka.</div>
 </div>
 </div>
</div>

NIPO yenzepo akati sile Yesu kwapanga asambili ŵake kumi na aŵiri efumako kwamene uko kuyosambizya noŵirizya mminzi yaŵo.
Lomba Yohana akamvwe mkambolimboli milimo ya Kristo uyo, etumizya malizu na asambili ŵake emnenera, Kansi nimwe uyo akuza, kano tilolere muyake? Nipo Yesu eyasuka echiti kwaŵo, Nkoyani mkamuuzye Yohana vyamene vimkumvwa noviŵona: mpofu zupoka kulola kwa zine, na ŵopintya oyendayenda, na a manzonzo osukiwa, na ŵotulika matu akumvwa, na akufwa ozyushiwa, na kwa akavu uŵirizyiwa utumi uweme. Ana shuko ali wonse ati akanopilingishiwa pali neo. Nipo aŵa penzekuya Yesu eyambonena na maumba zya Yohana, Pamchiya ku malambo mchiyoŵonanji? tete lenzosung'unzika na mpepo kansi? Nga pamchiya mchiyoŵonanji? muntu ovwala zya limpinti kansi? Ŵonani, aŵo ovwala zya limpinti ali mmang'anda a ufumu. Nga mweo mwifumiranji? kuyoŵona muŵirizi? Inde, numuuzyani ni woperemera ngako muŵirizi. Uyu ni yeve wizilembewera zyake zyakuti,
Ŵona, nuitanguzya nkalamba yangu pa menso pako,
Iyo iti ize isalazye njira yako pantanzi pako.
Lezee numnenelani, Mwa aŵo ovyalikwa na anakazi muliyoima mkuru kupula Yohana Mbatizi: sembe wamene ali mtonto pofumu wa kumulu ni mkuru kumpula yeve. Chitatikile nsita zya Yohana Mbatizi kuza na lero ufumu wa kumulu uuliwa na mantunya, na ŵantu a mantunya oukatila na mpamvu. Pakuti aŵirizi ŵonse na dango elosya kuza na kwa Yohana. Kati muzomera kupokera, uyu ni Eriya, wamene akuza. Wamene ana matu akumvwa naamvwe. Kansi neo nipalanye na chinji luko ulu? Lupalana na tuŵana tunkala pa luŵanza lositirapo, uto tuŵaita ayaŵo tukuti, Tamlizizyani vinonje, namwe muliyovina; tambuma, namwe muliyokunta pa vifuŵa. Pakuti echiza Yohana wosalya na wosamwa, naŵo akuti, Ana chiŵanda. Echiza Mwana wa muntu wakulya na kumwa, naŵo akuti, Ŵonani, muntu wa dyera na chikungu cha vinyu, chiuza cha amsonko na ŵoponta! Nzeru yuŵoneka yolungama na vyochita vya ine.
Pamene apo etatika kwifyangila minzi iyo ichitiwamo vyampamvu vyake vinyinji, chikomo iliyoyaruke. Shamo kwako, Korazini! shamo kwako, Betsaida! pakuti vyampamvu ivyo vichitiwa muli mweo vingati vichitiwa mTuro na mSidoni, sembe eyaruka kalekale mgudulu na mlito la paziko. Sembe neo numnenelani kuti mlandu ula wa Turo na wa Sidoni pa siku lopingula nteuti uzokule nga ni wanu mweo. Nawe, Kapernaumi, uzoimyiwe kansi mpaka kumulu? uzosike mpaka mu Hade: pakuti vyampamvu ivyo vichitiwa muli weo vingati vichitiwa mSodoma, sembe ni msimbanyoto kuza na lero. Neo numnenelani kuti mlandu ula wa charo cha Sodoma pa siku lopingula nteuti uzokule nga ni wako weo.
Pa nsita ila Yesu elaŵira echiti, Numlumbani, Ŵata, Mwine wa kumulu na pansi, pemwivifisa ivi kwa anzeru na ku ng'anga, namwe mwivivundululira ku malucheche: inde, Ŵata, pakuti choteti chenze chotemwesya pa menso panu. Vyonse vipelekewa kuli neo na Ŵata ŵangu: paliye muntu omziŵa Mwana, Ŵata niye; soti paliye omziŵa Ŵata sembe Mwana yeka, na uyo wakutemwa Mwana kumvundululira. Izani kwangu, monse mwaŵovupa nolemelwa, nane nakumpumuzyani. Lutwaleni mweo lupanda lwangu, mulisambizye kwangu; pakuti neo nne wosisikanya na wolisisya mtima: namwe muze mfwange chipumulo cha mizimu yanu. Chikomo lupanda lwangu ni losatina, na mtolo wangu ni wopepuka.

להקשיב ל M. Mattayo 11