If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abulamu mbwaakavuna Loti</div><div class="p"> 1Lino mwami Amulafeli wacisi ca Babuloni, mwami Aliyoki wacisi ca Elasaa, mwami Kedalaoma wacisi ca Elamu, amwami Tidalu wacisi ca Goimu, 2boonse aaba bakaya kukulwana abami bosanwe aaba, Bela mwami waku Sodomu, Bilisya mwami waku Gomola, Syinabu mwami waku Adima, Syemeba mwami waku Zeboyimu, amwami waku Bela nkokuti Zowaa. 3Aaba bami bosanwe bakamvwana akuswaanya basinkondo babo antoomwe mukkuti yaku Sidimu, eelyo sunu liitwa kuti lwizi lwa Munyo. 4Aaba bami boonse bosanwe bakali kweendelezegwa amwami mupati Kedalaoma kwamyaka iili kkumi aibili, pele mumwaka wakkumi aitatu bakatalika kumuzangila. 5Mumwaka wakkumi aine, mwami Kedalaoma abeenzinyina mbaakamvwana aabo, bakaza abasinkondo kuzoozunda Lefemu, Asitelokanaimu, Bazuzimu mu Hamu, a Baemi mukkuti lya Kiliyataimu, 6bakajatikizya a Baholi bali mumalundu aa Siiya, mane akuyoosika ku Elipalani mumunyinza wankanda. 7Bamane bakapiluka, babweenda ku Kadesyi. Bakazunda manyika oonse aa Baameleki aa Baamoli bakali kukkala mu Hazazonitamala.</div><div class="p"> 8Abalo bami bamu Sodomu, Gomola, Adima, Zeboyimu, a Bela bakabungika basinkondo babo kuya kukulwana mukkuti lya Sidimu. Bakalwana 9a Kedalaoma wacisi ca Elamu, Tidalu wacisi ca Goimu, Amulafeli wacisi ca Babuloni, a Aliyoki waku Elasaa. Bami bosanwe bakalwana bami bone. 10Lino kkuti lya Sidimu lyakajisi malindi manji aakazwide taala, nkabela bami ba Sodomu a Gomola bakazundwa, eelyo nibakali kusola kutija, bakali kuwida mumalindi aaya. Bami bamwi botatwe bakatijila mumalundu kuyooyuba. 11Eelyo bami aabo bone bakasaala zintu zyoonse zyamu Sodomu amu Gomola. Bakatolelezya azilyo zyoonse, mpoonya bainka. 12Awalo Loti, mwanaa munyina Abulamu, bakamutolelezya, alubono lwakwe loonse, nkaambo wakali kukkala mu Sodomu.</div><div class="p"> 13Umwi muntu wakaloboka kuzwa mulumamba oolo, wakaza kuli Abulamu Muhibulu, akumuzibya makani aaya. Ciindi eeco Abulamu wakali kukkala kufwiifwi amibanga yaku Mamule. Lino Mamule a banabokwabo ba Esyikoli a Aneya bakali kumvwana a Abulamu muli zyankondo. 14Nkabela Abulamu naakamvwa makani aakuti Loti, mwanaa munyina, watolwa buzike abasinkondonyina, wakayobolola bantu bakwe basyomeka bazi zyankondo. Bakali myaanda yotatwe akkumi alusele. Mpoonya wakatobela bami aabo mane waakusika ku Dani. 15Naakasika ooko, wakaandaanya bantu bakwe mumpi zyobilo, wakalwana abasinkondonyina ciindi camasiku, nkabela wakabazunda. Wakabatandaanya mane kuyoobasiya kubusena bwiitwa kuti Hoba, kulubazu lyakunyika lyamunzi wa Damasikasi. 16Lino wakabanyanzya lubono loonse ndobakasaalide. Alimwi wakaakujolelezya a Loti, mwanaa munyina antoomwe alubono lwakwe, abakaintu abantu bamwi.</div><div class="s">Melikezedeki mbwaakaleleka Abulamu</div><div class="p"> 17Lino Abulamu naakajoka kuzwa kunkondo eeyo njaakaakuzunda Kedalaoma abaminyina mbaakali aabo, mwami wa Sodomu wakaya kuyoomucinga kukkuti lya Syave, ndilyonya ndeliitwa kuti, Kkuti lyamwami. 18Lino Melikezedeki, wakali mwami wa Salemu alimwi wakali mupaizi wa Leza Sijulu Wamajulu, wakapa Abulamu cinkwa awaini. 19Amane wamuleleka amajwi aakuti,</div><div class="q">&#8220;Leza Sijulu Wamajulu,</div><div class="q">ooyo wakalenga julu anyika,</div><div class="q">akuleleke yebo Abulamu.</div><div class="q"> 20Alumbwe Leza Sijulu Wamajulu, ooyo wakupa kuti uzunde basinkondonyoko.&#8221;</div><div class="p">Nkabela Abulamu wakapa Melikezedeki cakkumi calubono loonse ndwaakaakubanyanga.</div><div class="p"> 21Lino mwami wa Sodomu wakaambila Abulamu kuti, &#8220;Lubono loonse ndoobanyanga ndulwako, ulutole, mebo undipe buyo bantu bangu.&#8221; 22Pele Abulamu wakamwiingula kuti, &#8220;Mebo ndakonkezya camasimpe ku Mwami Leza, Sijulu Wamajulu, Mulengi wajulu anyika, 23kuti taakwe nikaba komwe kantu kako nketitole nikaceya. Nsikootola nikaba katali buyo naa kaanzyo kandyasyo pe. Nkaambo nsiyandi kuti ukaambe kuti &#8216;Ndime ndakavubya Abulamu.&#8217; 24Taakwe acomwe ncetitole mebo lwangu pe. Ndilatambula buyo eezyo nzyobakabelesya bantu bangu. Kwaamba zya caabilo cabalongwe bangu, ba Aneya, Esyikoli, a Mamule, pe, inga balitolela beni ma.&#8221;</div>
 </div>
 </div>
</div>

Tonga Bible © United Bible Societies, 1994. 

Lino mwami Amulafeli wacisi ca Babuloni, mwami Aliyoki wacisi ca Elasaa, mwami Kedalaoma wacisi ca Elamu, amwami Tidalu wacisi ca Goimu, boonse aaba bakaya kukulwana abami bosanwe aaba, Bela mwami waku Sodomu, Bilisya mwami waku Gomola, Syinabu mwami waku Adima, Syemeba mwami waku Zeboyimu, amwami waku Bela nkokuti Zowaa. Aaba bami bosanwe bakamvwana akuswaanya basinkondo babo antoomwe mukkuti yaku Sidimu, eelyo sunu liitwa kuti lwizi lwa Munyo. Aaba bami boonse bosanwe bakali kweendelezegwa amwami mupati Kedalaoma kwamyaka iili kkumi aibili, pele mumwaka wakkumi aitatu bakatalika kumuzangila. Mumwaka wakkumi aine, mwami Kedalaoma abeenzinyina mbaakamvwana aabo, bakaza abasinkondo kuzoozunda Lefemu, Asitelokanaimu, Bazuzimu mu Hamu, a Baemi mukkuti lya Kiliyataimu, bakajatikizya a Baholi bali mumalundu aa Siiya, mane akuyoosika ku Elipalani mumunyinza wankanda. Bamane bakapiluka, babweenda ku Kadesyi. Bakazunda manyika oonse aa Baameleki aa Baamoli bakali kukkala mu Hazazonitamala.
Abalo bami bamu Sodomu, Gomola, Adima, Zeboyimu, a Bela bakabungika basinkondo babo kuya kukulwana mukkuti lya Sidimu. Bakalwana a Kedalaoma wacisi ca Elamu, Tidalu wacisi ca Goimu, Amulafeli wacisi ca Babuloni, a Aliyoki waku Elasaa. Bami bosanwe bakalwana bami bone. Lino kkuti lya Sidimu lyakajisi malindi manji aakazwide taala, nkabela bami ba Sodomu a Gomola bakazundwa, eelyo nibakali kusola kutija, bakali kuwida mumalindi aaya. Bami bamwi botatwe bakatijila mumalundu kuyooyuba. Eelyo bami aabo bone bakasaala zintu zyoonse zyamu Sodomu amu Gomola. Bakatolelezya azilyo zyoonse, mpoonya bainka. Awalo Loti, mwanaa munyina Abulamu, bakamutolelezya, alubono lwakwe loonse, nkaambo wakali kukkala mu Sodomu.
Umwi muntu wakaloboka kuzwa mulumamba oolo, wakaza kuli Abulamu Muhibulu, akumuzibya makani aaya. Ciindi eeco Abulamu wakali kukkala kufwiifwi amibanga yaku Mamule. Lino Mamule a banabokwabo ba Esyikoli a Aneya bakali kumvwana a Abulamu muli zyankondo. Nkabela Abulamu naakamvwa makani aakuti Loti, mwanaa munyina, watolwa buzike abasinkondonyina, wakayobolola bantu bakwe basyomeka bazi zyankondo. Bakali myaanda yotatwe akkumi alusele. Mpoonya wakatobela bami aabo mane waakusika ku Dani. Naakasika ooko, wakaandaanya bantu bakwe mumpi zyobilo, wakalwana abasinkondonyina ciindi camasiku, nkabela wakabazunda. Wakabatandaanya mane kuyoobasiya kubusena bwiitwa kuti Hoba, kulubazu lyakunyika lyamunzi wa Damasikasi. Lino wakabanyanzya lubono loonse ndobakasaalide. Alimwi wakaakujolelezya a Loti, mwanaa munyina antoomwe alubono lwakwe, abakaintu abantu bamwi.

Lino Abulamu naakajoka kuzwa kunkondo eeyo njaakaakuzunda Kedalaoma abaminyina mbaakali aabo, mwami wa Sodomu wakaya kuyoomucinga kukkuti lya Syave, ndilyonya ndeliitwa kuti, Kkuti lyamwami. Lino Melikezedeki, wakali mwami wa Salemu alimwi wakali mupaizi wa Leza Sijulu Wamajulu, wakapa Abulamu cinkwa awaini. Amane wamuleleka amajwi aakuti,
“Leza Sijulu Wamajulu,
ooyo wakalenga julu anyika,
akuleleke yebo Abulamu.
Alumbwe Leza Sijulu Wamajulu, ooyo wakupa kuti uzunde basinkondonyoko.”
Nkabela Abulamu wakapa Melikezedeki cakkumi calubono loonse ndwaakaakubanyanga.
Lino mwami wa Sodomu wakaambila Abulamu kuti, “Lubono loonse ndoobanyanga ndulwako, ulutole, mebo undipe buyo bantu bangu.” Pele Abulamu wakamwiingula kuti, “Mebo ndakonkezya camasimpe ku Mwami Leza, Sijulu Wamajulu, Mulengi wajulu anyika, kuti taakwe nikaba komwe kantu kako nketitole nikaceya. Nsikootola nikaba katali buyo naa kaanzyo kandyasyo pe. Nkaambo nsiyandi kuti ukaambe kuti ‘Ndime ndakavubya Abulamu.’ Taakwe acomwe ncetitole mebo lwangu pe. Ndilatambula buyo eezyo nzyobakabelesya bantu bangu. Kwaamba zya caabilo cabalongwe bangu, ba Aneya, Esyikoli, a Mamule, pe, inga balitolela beni ma.”

להקשיב ל Matalikilo 14