Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s">Mareboe Aidure Tuwo Jesus Meardae Pegado Tumeardaeji</div><div class="p"> 1Nono Pao Kurireu Uwari makore Jesusji utuwo toro boe maereu ka. Nonore mareboe doge eimijera#4.1 Bope doge eimijera jire akoino. Iere Satan&#225;s. umoduie turokogado Jesusji tuwo Jesus meardae pegado tumeardaeji. 2Torore merire quarenta Jesusji. Nou meri jameduji Jesus okwagekare iaboeji iaboeji. Dukodire uke boeire ji. 3Nono nou mareboe aregodure Jesus ae rugadu. Akore: &#8211; Pao Kurireu onaregedu remawu mode aki dukeje amagodo awu toriji uwo tudo nono amireu mogadure awo kowuje.</div><div class="p"> 4Jesus akore: &#8211; Padure bapera kejewu Pao Kurireu bataru koiare iromodukare nono ameardae mogadure. Nou bakaru akore: &#8220;Boe eke mitodu tabo karega imedu rakojemode moto keje mare Pao Kurireu o bataru jamedu boe tabo.&#8221;#4.4 Awu bataru padure Deuteron&#244;mio 8.3 keje.</div><div class="p"> 5Mareboe eimijera uture Jesus apo toro Jerusal&#233;m ba kurireu ka. Uture apo toro Pao Kurireu uwai ri&#269;oreu ao ka. 6Nono makore Jesusji pugeje. Akore: &#8211; Pao Kurireu onaregedu remawu mode aki dukeje amode akaredo awu bai ri&#269;oreu ao piji toro moto ka. Padure bapera kejewu Pao Kurireu bataru akore tumoduie tudugarege baru tadawuge ekera bararedo ai. Etu pemegamoduie ai akawo akogorido. Awure jamedu jetumodukaie toriji#4.6 Awu bataru padure Salmo 91.11-12 keje..</div><div class="p"> 7Mare Jesus akore: &#8211; Boro iromodukare aino. Nou padure bapera kejewu Pao Kurireu bataru remawu akore: &#8220;Boe ekawo turokogado Pao Kurireuji.&#8221;#4.7 Grego doge egore boe emeartorure jiwu Boe Eimijera Kurireu Pao Kurireu aino tuwadaru tabo boe ekawo turokogado ji. Mare boe emagokare aino. Dukodire akore Pao Kurireu aino tu je. Awu bataru padure Deuteron&#244;mio 6.16 keje.</div><div class="p"> 8-9Dukejere nou mareboe eimijera uture Jesus apo toro ia tori kurireu ao ka. Ure Jesus jordudo moto jamedu boeji ta&#269;i je. Akore: &#8211; Awu moto jamedu boe makudure inai ino&#269;e. Awu moto kejewuge eimijera nure imi. Itaidumode dukeje imode awu moto maku itaidure jiwuge etai. &#268;a amode apu jodo iogorai akagomode akaiduie i amoduie akimijerado imi ameartoruwo i dukeje imode awu moto jamedu boe maku akai, imode awu moto kejewuge eimijerado aki.</div><div class="p"> 10Jesus akore: &#8211; Boro. Iromodukare aino. Padure bapera kejewu Pao Kurireu bataru akore: &#8220;Boe etaiduwo tu Pao Kurireuji ewo tubu jodo moto keje tu Pao Kurireu jokorai emago pemegawo tu Pao Kurireuji rugadu. Boe emeartoruwo tu Pao Kurireuji rugadu.&#8221;#4.10 Awu bataru padure Deuteron&#244;mio 6.13 keje. Mare akiere Satan&#225;s. Mareboe nure aki rugadu. &#268;a atudo ipiji.</div><div class="p"> 11Dukodire mareboe eimijera uture Jesus piji rugadu. Nono Pao Kurireu utugarege baru tadawuge etaregodure Jesus ae. Etu pemegare Jesusji rugadu.</div><div class="s">Jesus Ure Boe Erduwado Pao Kurireu Bataruji</div><div class="p"> 12Mare boe eimijera ure Jo&#227;o Batista tugu bai&#269;oreuto. &#268;a Jesus meardure nou inoduji dukeje ure tugirimi Galil&#233;ia moto ka Nazar&#233; ba kurireu ka. 13Nono Jesus uture Nazar&#233; ba kurireu piji. Uture toro Cafarnaum ba kurireu ka. Nou Cafarnaum ba kurireu mugure nou pobo maereu okwai. Nou pobo maereu iere Galil&#233;ia. Naftali moto kejere nou Cafarnaum ba kurireu mugure. Nou Cafarnaum ba kurireu mugu puredure Zebulom motoji jamedu. 14Dukodire ia Pao Kurireu bataru jeture pudui. Nou makore Pao Kurireu bataru jiwu imedu Isa&#237;as ure nou bataru bu bapera keje. Akore:</div><div class="q"> 15-16&#8211; Nou iere Galil&#233;ia aino jiwu pobo maereu okwai Zebulom moto mugure, Naftali moto mugure jamedu. Boe ekodumode nou moto kajeje taregoduwo nou pobo maereu ka, taregoduwo Jord&#227;o Po ka jamedu. Boe tuginaiwuge emugure nou moto keje jamedu. Nou boe emugu pemegakare. Emugure boe&#269;o tada. Emugure kejewu moto ure nono bireuge eda mogadure. Mare boe&#269;o ji karega inagoino. Nou boe erduware tuwimoduie. Dujire inagoino. Erduwakare tuwo tuginorudo nou tuwi piji. Dujire inagoino. Mare aino erdure ia jorugu kurireuji. Ure nono meri joku rutu mogadure. Mare jorugu ji karega inagoino. Meri joku rutu ji karega inagoino jamedu. Umode boe ekinorudowu jire inagoino. Boe erduware umode boe ekinorudowuji. Dujire inagoino.#4.15-16 Awu bataru padure Isa&#237;as 9.1-2 keje.</div><div class="p">Ainore Pao Kurireu akore marigudu. Aino &#269;are Jesus aregodure. Dujire nou Pao Kurireu bataru akoino.</div><div class="p"> 17Nou meri kejere Jesus makogodure boei. Makore tu tu je boe ewiagai tuwo boe erduwado Pao Kurireu meardaeji. Akore: &#8211; Tagera ra taro pegareu piji. Kuri aino Pao Kurireu umode boe eimijera kurireudo pudumi rugadu.</div><div class="s">Jesus Makore Nou Ture Jorduwadowuge Boetojiwuge Etae</div><div class="p"> 18Ia meri keje Jesus merure nou Galil&#233;ia Po Maereu okwaji. Nono jordure Sim&#227;oji nono pobo okwai. Nou Sim&#227;o iere Pedro jamedu. Jesus jordure nou Sim&#227;o umanaji jamedu. Nou umana iere Andr&#233;. Nou ime pobedu doge ere tuwuge barigu poboto kare ewagai. Emaragodae reno. 19Nono Jesus makore etae. Akore: &#8211; Mato itabo. Imode tawogudo ime ewagai. Mare tawogu ji karega inagoino. Tamode boe emeartorudo Pao Kurireuji. Dujire inagoino.</div><div class="p">Ainore Jesus akore. 20&#268;a nou ime pobedu doge ere tugera ra tuwuge piji ta&#269;i je. Eture Jesus apo rugadu tumaragodae piji rugadu.</div><div class="p"> 21Eture ji je dukeje erdure ia boei pugeje. Zebedeu ore ime nure emage. Ere pobe. Ia iere Tiago. Nou uwie imedu iere Jo&#227;o. Emugure tuo apo to ika kurireu tada. Emaragodure tuwugeji tuwo tuwuge pemegado. Nono Jesus makore etae. 22&#268;a eture to ika kurireu piji kuri je. Nono eture tuo piji tuduwo Jesus apo rugadu.</div><div class="s">Jesus Ure Kogodureuge Epemegago</div><div class="p"> 23Nono Jesus kodure nou Galil&#233;ia moto jamedu boe parugajeje tuwo boe eiamedu boe erduwado Pao Kurireu bataruji. Ure turemo tu tu nou Judeu doge ere bato puiwu to baito tuwo erduwado nono. Ure ewie tu tu je Pao Kurireu umoduie boe eimijera kurireudo pudumi kuri aino rugadu. Ure kogodureuge epemegago jamedu. 24Nou Jesus akaru ure tumaedo S&#237;ria moto jamedu boe ka. Dukodire boe etaregodure Jesus bagai kogodureuge eiamedu boebo. Iage etaora, emorora, ekana, epogora korire ei rugadu. Bope doge emedure iage etada. Iage epogora pegare emeru bokware. Iage ewi kigodure tu tu je tumagadu tabo. Jesus ure awu kogodureuge eiamedu boe epemegago. 25Boe emagare taregodu tabo Jesus ae tuduwo Jesus apo rugadu. Boe etaregodure Galil&#233;ia moto piji, Dec&#225;polis moto piji, Jerusal&#233;m ba kurireu piji, Jud&#233;ia moto piji. Nou torowu Jord&#227;o Po bakowu kejewuge boe ekurugodure nou pobo kajeje mato Jesus ae tuduwo apo jamedu.</div>
 </div>
 </div>
</div>

Nono Pao Kurireu Uwari makore Jesusji utuwo toro boe maereu ka. Nonore mareboe doge eimijera umoduie turokogado Jesusji tuwo Jesus meardae pegado tumeardaeji. Torore merire quarenta Jesusji. Nou meri jameduji Jesus okwagekare iaboeji iaboeji. Dukodire uke boeire ji. Nono nou mareboe aregodure Jesus ae rugadu. Akore: – Pao Kurireu onaregedu remawu mode aki dukeje amagodo awu toriji uwo tudo nono amireu mogadure awo kowuje.
Jesus akore: – Padure bapera kejewu Pao Kurireu bataru koiare iromodukare nono ameardae mogadure. Nou bakaru akore: “Boe eke mitodu tabo karega imedu rakojemode moto keje mare Pao Kurireu o bataru jamedu boe tabo.”
Mareboe eimijera uture Jesus apo toro Jerusalém ba kurireu ka. Uture apo toro Pao Kurireu uwai ričoreu ao ka. Nono makore Jesusji pugeje. Akore: – Pao Kurireu onaregedu remawu mode aki dukeje amode akaredo awu bai ričoreu ao piji toro moto ka. Padure bapera kejewu Pao Kurireu bataru akore tumoduie tudugarege baru tadawuge ekera bararedo ai. Etu pemegamoduie ai akawo akogorido. Awure jamedu jetumodukaie toriji.
Mare Jesus akore: – Boro iromodukare aino. Nou padure bapera kejewu Pao Kurireu bataru remawu akore: “Boe ekawo turokogado Pao Kurireuji.”
Dukejere nou mareboe eimijera uture Jesus apo toro ia tori kurireu ao ka. Ure Jesus jordudo moto jamedu boeji tači je. Akore: – Awu moto jamedu boe makudure inai inoče. Awu moto kejewuge eimijera nure imi. Itaidumode dukeje imode awu moto maku itaidure jiwuge etai. Ča amode apu jodo iogorai akagomode akaiduie i amoduie akimijerado imi ameartoruwo i dukeje imode awu moto jamedu boe maku akai, imode awu moto kejewuge eimijerado aki.
Jesus akore: – Boro. Iromodukare aino. Padure bapera kejewu Pao Kurireu bataru akore: “Boe etaiduwo tu Pao Kurireuji ewo tubu jodo moto keje tu Pao Kurireu jokorai emago pemegawo tu Pao Kurireuji rugadu. Boe emeartoruwo tu Pao Kurireuji rugadu.” Mare akiere Satanás. Mareboe nure aki rugadu. Ča atudo ipiji.
Dukodire mareboe eimijera uture Jesus piji rugadu. Nono Pao Kurireu utugarege baru tadawuge etaregodure Jesus ae. Etu pemegare Jesusji rugadu.

Mare boe eimijera ure João Batista tugu baičoreuto. Ča Jesus meardure nou inoduji dukeje ure tugirimi Galiléia moto ka Nazaré ba kurireu ka. Nono Jesus uture Nazaré ba kurireu piji. Uture toro Cafarnaum ba kurireu ka. Nou Cafarnaum ba kurireu mugure nou pobo maereu okwai. Nou pobo maereu iere Galiléia. Naftali moto kejere nou Cafarnaum ba kurireu mugure. Nou Cafarnaum ba kurireu mugu puredure Zebulom motoji jamedu. Dukodire ia Pao Kurireu bataru jeture pudui. Nou makore Pao Kurireu bataru jiwu imedu Isaías ure nou bataru bu bapera keje. Akore:
– Nou iere Galiléia aino jiwu pobo maereu okwai Zebulom moto mugure, Naftali moto mugure jamedu. Boe ekodumode nou moto kajeje taregoduwo nou pobo maereu ka, taregoduwo Jordão Po ka jamedu. Boe tuginaiwuge emugure nou moto keje jamedu. Nou boe emugu pemegakare. Emugure boečo tada. Emugure kejewu moto ure nono bireuge eda mogadure. Mare boečo ji karega inagoino. Nou boe erduware tuwimoduie. Dujire inagoino. Erduwakare tuwo tuginorudo nou tuwi piji. Dujire inagoino. Mare aino erdure ia jorugu kurireuji. Ure nono meri joku rutu mogadure. Mare jorugu ji karega inagoino. Meri joku rutu ji karega inagoino jamedu. Umode boe ekinorudowu jire inagoino. Boe erduware umode boe ekinorudowuji. Dujire inagoino.
Ainore Pao Kurireu akore marigudu. Aino čare Jesus aregodure. Dujire nou Pao Kurireu bataru akoino.
Nou meri kejere Jesus makogodure boei. Makore tu tu je boe ewiagai tuwo boe erduwado Pao Kurireu meardaeji. Akore: – Tagera ra taro pegareu piji. Kuri aino Pao Kurireu umode boe eimijera kurireudo pudumi rugadu.

Ia meri keje Jesus merure nou Galiléia Po Maereu okwaji. Nono jordure Simãoji nono pobo okwai. Nou Simão iere Pedro jamedu. Jesus jordure nou Simão umanaji jamedu. Nou umana iere André. Nou ime pobedu doge ere tuwuge barigu poboto kare ewagai. Emaragodae reno. Nono Jesus makore etae. Akore: – Mato itabo. Imode tawogudo ime ewagai. Mare tawogu ji karega inagoino. Tamode boe emeartorudo Pao Kurireuji. Dujire inagoino.
Ainore Jesus akore. Ča nou ime pobedu doge ere tugera ra tuwuge piji tači je. Eture Jesus apo rugadu tumaragodae piji rugadu.
Eture ji je dukeje erdure ia boei pugeje. Zebedeu ore ime nure emage. Ere pobe. Ia iere Tiago. Nou uwie imedu iere João. Emugure tuo apo to ika kurireu tada. Emaragodure tuwugeji tuwo tuwuge pemegado. Nono Jesus makore etae. Ča eture to ika kurireu piji kuri je. Nono eture tuo piji tuduwo Jesus apo rugadu.

Nono Jesus kodure nou Galiléia moto jamedu boe parugajeje tuwo boe eiamedu boe erduwado Pao Kurireu bataruji. Ure turemo tu tu nou Judeu doge ere bato puiwu to baito tuwo erduwado nono. Ure ewie tu tu je Pao Kurireu umoduie boe eimijera kurireudo pudumi kuri aino rugadu. Ure kogodureuge epemegago jamedu. Nou Jesus akaru ure tumaedo Síria moto jamedu boe ka. Dukodire boe etaregodure Jesus bagai kogodureuge eiamedu boebo. Iage etaora, emorora, ekana, epogora korire ei rugadu. Bope doge emedure iage etada. Iage epogora pegare emeru bokware. Iage ewi kigodure tu tu je tumagadu tabo. Jesus ure awu kogodureuge eiamedu boe epemegago. Boe emagare taregodu tabo Jesus ae tuduwo Jesus apo rugadu. Boe etaregodure Galiléia moto piji, Decápolis moto piji, Jerusalém ba kurireu piji, Judéia moto piji. Nou torowu Jordão Po bakowu kejewuge boe ekurugodure nou pobo kajeje mato Jesus ae tuduwo apo jamedu.

להקשיב ל Mateus 4