Surat Ralan na'a Vaidida

<div class="version vid2178 iso6393frd" data-vid="2178" data-iso6393="frd">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Yesus nair na&#42892;a i wean inba ma tlobang tamata</div><div class="p"> 1Yesus ntafal ma nfalak ne, &#8220;Msyi&#42892;ik wabira ma lolin, boma deka fyaturu afa lolin ovi myotu ra verin tamata ra. Wean i wol myorang afa i ufalak verin mia ini, na Yamad i na&#42892;a lanit ratan a veka wol naval mia na&#42892;a bira rala lolin.#6:1 Matius 23:5 2Ba wean i myala afa boku verin tamata kasian ra, na deka fyamalik verin tamata ra, wean tamata ovi rfalak afa isa, na&#42892;uk rotu afa liak. Deka myotu wean tamata avyai, tevek rti rahan falurut ra ovu rdiri linga&#42892;an ralan ra, boma tamata liak ra rsi&#42892;ik afa ovi rotu ra ma raraning ira. Afa i ufalak verin mia ini, kena urun! Tamata avyai enarira na&#42892;a roak, tevek tamata ra raraning ira, ba Ubu wol nala akataka roak verin ira. 3Na&#42892;uk wean i myala afa verin tamata kasian ra ovu limabira mela, na limabira balit deka nka&#42892;a, ba deka fyamalik afa yai verin tamata liak. 4Myala fanfonak watan, tevek Yamabira i nka&#42892;a munuk afa fanfonak ra veka naval mia na&#42892;a bira rala lolin.&#8221;</div><div class="s">Wean inba ma taflurut verin Ubu</div><div class="r"> Lukas 11:2-4</div><div class="p"> 5&#8220;Wean i miflurut, na deka myot-orang tamata ovi rfalak afa isa, na&#42892;uk rotu afa liak. Tamata avyai inar ma rdiri Yahudi rira rahan falurut ra te na&#42892;a linga&#42892;an sinutun ra ma raflurut, boma tamata ra rsi&#42892;ik ira. Ba afa i ufalak verin mia ini kena urun! Ira enarira ra rna&#42892;a roak, ba Ubu wol nala akataka verin ira. 6Na&#42892;uk wean i mane miflurut, na miti kamar ralan ma fyolat falfolat a veki, beti miflurut verin Yamadida i wol trea Ia. Tevek Ia nsi&#42892;ik afa fanfonak ra munuk, ovu Ia veka naval mia na&#42892;a bira rala lolin. 7Ba ti ma miflurut, na deka tia ma watan mia na&#42892;a afa ovi fyalak ra, wean tamata ovi wol rorang Ubu. Ira ranovak ne, rira falurut ra blawat, ba Ubu veka nrenar ira. 8Deka myot-orang ira, tevek wol myera verin Ia obin, na Yamadida nka&#42892;a roak afa ovi ralabira rfalak ra. 9Miflurut wean ini:</div><div class="q1">Yamamami, Oa mdoku lanit ratan. Ami amalang Oa, tevek naram a nmerat urun.</div><div class="q1"> 10Mwa ovu Mu Fareta a ma fwareta ami.</div><div class="q2">Fara amot-orang afa ovi ralam nfalak a</div><div class="q2">na&#42892;a lanit ivavan a, wean lahir i na&#42892;a lanit ratan a.</div><div class="q1"> 11Amera ma mala afamtahan verin ami ma naran ma ama&#42892;an amar ini.</div><div class="q1"> 12Fara ma&#42892;i vatuk mami salasilan ra, wean ami amabun roak tamata ovi rotu salasilan verin ami.</div><div class="q1"> 13Deka mtorung ma tamata te nitdawan nlabir teman#6:13 Na&#42892;a teks vai Yunani, na wol lyawan ne, tamata te nitdawan ovu ni nait sian ra rlabir teman tamata ovi rorang Yesus (ma rotu salasilan). Na&#42892;uk lyawan tali Yakobus 1:13 ne, Ubu wol nlabir teman tamata ra. ami,</div><div class="q2">ba fwaroa tali ami nitdawan ovu ni siweang.</div><div class="q2">[Tevek Oa mtaha fareta, Oa Mua ngrebat a, ovu vanam a nfitik nyadat ma ti wol ni wahan. Kena urun!]</div><div class="p"> 14Wean i myabun tamata ovi rotu salasilan verin mia, na Yamadida i na&#42892;a lanit ratan veka na&#42892;i vatuk vali bira salasilan ra. 15Na&#42892;uk wean i mifena ma myabun tamata ovi rotu salasilan verin mia, na Yamadida i na&#42892;a lanit ratan veka wol na&#42892;i vatuk vali bira salasilan ra.&#8221;</div><div class="s">Mtyolat ovu ralabira urun</div><div class="p"> 16&#8220;Wean i mtyolat, na deka myotu ma felabira ra wean tamata ovi rfalak afa isa, na&#42892;uk rotu afa liak. Wean i tamata avyai rtolat, na rotu ma felarira sian ovu wol rmadua tenarira ra, boma tamata ra rsi&#42892;ik, na rtolat. Afa i ufalak verin mia ini, kena urun! Ubu veka wol nala akataka verin ira. 17Ba wean i mtyolat, na msyisir bira vut ra ovu miflarut wahabira ra, 18boma tamata ra deka rka&#42892;a ne, mtyolat. Yamabira i tamata ra wol rarea Ia yai sa&#42892;i nka&#42892;a ne, mtyolat. Ia sa&#42892;i nrea nka&#42892;a munuk afa fanfonak ovi myotu ra, ba veka naval mia na&#42892;a bira rala lolin.&#8221;</div><div class="s">Metan ovi wol rmamu ra</div><div class="r"> Lukas 12:33-34</div><div class="p"> 19&#8220;Deka misdovuk bira metan ra na&#42892;a lanit ivavan ini, tevek ngafat ovu arawan ra rot-visal ira, ovu tamata barborin ra veka rti bira rahan ra ma rbori bira metan ra. 20Ni lolin ana, misdovuk bira metan ra na&#42892;a lanit ratan, tevek ngafat ovu arawan ra wol rna&#42892;a ma rot-visal bira metan ra. Tamata barborin ra vali wol rti bira rahan ralan ma rbori bira metan ra. 21Tevek wean i fyadoku bira metan ra na&#42892;a wan isa, na ralabira ra veka rna&#42892;a vali inyai.&#8221;</div><div class="s">Lyawan na&#42892;a tenad ra</div><div class="r"> Lukas 11:34-36</div><div class="p"> 22&#8220;Matadida ra reluk damar verin tenadida ra, ba wean i matabira ra lolin, na lyawan a nsoru lahir tenabira ra. 23Na&#42892;uk wean i matabira ra lavlova, na mnya&#42892;a dedan ralan watan. Ba wean i lyawan i na&#42892;a tenabira ra wol lyawan roak ma dedan watan, na veka deda fafyat lahir.#6:23 Matius nala vaivatul kamkuma na&#42892;a bagian ini. Ihin a ne, matadida ra wean raladida ra. Lyawan ihin a ne, torang Yesus. Dedan ihin a ne, torang nitdawan.</div><div class="p"> 24Wol tamata isa bisma nkarya verin duan irua. Ia veka wol inan lahir isa, na&#42892;uk nlobang isa. Te veka not-orang lalawatan afa ovi nfalak ra verin isa, na&#42892;uk isa wahal. Mia weabira vali inyai, ma wol bisma myala bira vava&#42892;at ra verin Ubu, ovu vali myala bira vava&#42892;at ra verin bira metan ra.&#8221;</div><div class="s">Ralabira deka kako&#42892;u na&#42892;a bira vava&#42892;at ra</div><div class="r"> Lukas 12:22-31</div><div class="p"> 25&#8220;Ba ufalak verin mia ne, deka ralabira kako&#42892;u na&#42892;a bira vava&#42892;at ra, ovu bira fana&#42892;an-fanenu ra. Deka ralabira kako&#42892;u vali na&#42892;a afa ovi veka myung a myeluk ra, tevek bira vava&#42892;at a fyawan lia bira fana&#42892;an ra te bira kadaravit ra. 26Eka msyi&#42892;ik manut nangan ra. Ira wol ravuri-rava nabat ra, wol rafdiar, ovu vali wol rasdovuk afamtahan na&#42892;a manlenan ra, na&#42892;uk Yamabira na&#42892;a lanit ratan nala afamtahan verin ira ma ra&#42892;an. Mia wol mkya&#42892;a ne, fyawabira nlia manut nangan ra, ovu Ia nlobang mia nlia manut nangan ra? 27Wean i tamata isa ralan kako&#42892;u na&#42892;a ni vava&#42892;at a, na ia veka wol ntafal amar isa vali na&#42892;a ni vava&#42892;at a.</div><div class="p"> 28Afakinimi ralabira kako&#42892;u na&#42892;a afa ovi myung a myeluk mia i? Eka msyi&#42892;ik aa ovi rira fafun ra na&#42892;a va&#42892;i ra. Ira wol rkarya te rafedu ma rotu rira kadaravit ra. 29Mryenar ma lolin afa i ufalak ini! Raja Salomo nka&#42892;i urun, na&#42892;uk ni kadaravit ovi neluk ra, wol isa vali lolin lia tali fafun avyai. 30Ubu notu ria ovi rna&#42892;a va&#42892;i ra ma felarira lolin, velik ne amar ini rva&#42892;at obin, na&#42892;uk ilyan te ravrua, na rasnuri roak ira. Mia fyawabira nlia munuk ira! Ia nsi&#42892;ik mia nlia tali ria avyai. Na&#42892;uk wol myorang ne, Ubu nlobang mia nlia ria avyai!</div><div class="p"> 31Ba ralabira deka kako&#42892;u na&#42892;a bira fana&#42892;an-fanenu ra, te na&#42892;a kadaravit ovi veka myala ma al myung a myeluk mia. 32Tamata ovi wol rorang Ubu rdava lalawatan afa avyai, na&#42892;uk mia deka myotu wean inyai, tevek Yamabira i na&#42892;a lanit ratan nka&#42892;a munuk afa ovi mdyava na&#42892;a bira vava&#42892;at ra. 33Ba mtyorung ma Ubu nfareta mia wean lahir Raja, ovu myot-orang afa ovi ralan nfalak ra. Myotu wean inyai, na Ia veka nala munuk afa ovi mdyava ra. 34Ba ralabira ra deka kako&#42892;u na&#42892;a ilyan te ravrua, tevek ilyan, na ni angangal ra rna&#42892;a vali. Dida susa rivun na&#42892;a amar ini, ba tanovak watan amar ini.&#8221;</div>
 </div>
 </div>
</div>

Yesus ntafal ma nfalak ne, “Msyiꞌik wabira ma lolin, boma deka fyaturu afa lolin ovi myotu ra verin tamata ra. Wean i wol myorang afa i ufalak verin mia ini, na Yamad i naꞌa lanit ratan a veka wol naval mia naꞌa bira rala lolin. Ba wean i myala afa boku verin tamata kasian ra, na deka fyamalik verin tamata ra, wean tamata ovi rfalak afa isa, naꞌuk rotu afa liak. Deka myotu wean tamata avyai, tevek rti rahan falurut ra ovu rdiri lingaꞌan ralan ra, boma tamata liak ra rsiꞌik afa ovi rotu ra ma raraning ira. Afa i ufalak verin mia ini, kena urun! Tamata avyai enarira naꞌa roak, tevek tamata ra raraning ira, ba Ubu wol nala akataka roak verin ira. Naꞌuk wean i myala afa verin tamata kasian ra ovu limabira mela, na limabira balit deka nkaꞌa, ba deka fyamalik afa yai verin tamata liak. Myala fanfonak watan, tevek Yamabira i nkaꞌa munuk afa fanfonak ra veka naval mia naꞌa bira rala lolin.”


“Wean i miflurut, na deka myot-orang tamata ovi rfalak afa isa, naꞌuk rotu afa liak. Tamata avyai inar ma rdiri Yahudi rira rahan falurut ra te naꞌa lingaꞌan sinutun ra ma raflurut, boma tamata ra rsiꞌik ira. Ba afa i ufalak verin mia ini kena urun! Ira enarira ra rnaꞌa roak, ba Ubu wol nala akataka verin ira. Naꞌuk wean i mane miflurut, na miti kamar ralan ma fyolat falfolat a veki, beti miflurut verin Yamadida i wol trea Ia. Tevek Ia nsiꞌik afa fanfonak ra munuk, ovu Ia veka naval mia naꞌa bira rala lolin. Ba ti ma miflurut, na deka tia ma watan mia naꞌa afa ovi fyalak ra, wean tamata ovi wol rorang Ubu. Ira ranovak ne, rira falurut ra blawat, ba Ubu veka nrenar ira. Deka myot-orang ira, tevek wol myera verin Ia obin, na Yamadida nkaꞌa roak afa ovi ralabira rfalak ra. Miflurut wean ini:
Yamamami, Oa mdoku lanit ratan. Ami amalang Oa, tevek naram a nmerat urun.
Mwa ovu Mu Fareta a ma fwareta ami.
Fara amot-orang afa ovi ralam nfalak a
naꞌa lanit ivavan a, wean lahir i naꞌa lanit ratan a.
Amera ma mala afamtahan verin ami ma naran ma amaꞌan amar ini.
Fara maꞌi vatuk mami salasilan ra, wean ami amabun roak tamata ovi rotu salasilan verin ami.
Deka mtorung ma tamata te nitdawan nlabir teman ami,
ba fwaroa tali ami nitdawan ovu ni siweang.
[Tevek Oa mtaha fareta, Oa Mua ngrebat a, ovu vanam a nfitik nyadat ma ti wol ni wahan. Kena urun!]
Wean i myabun tamata ovi rotu salasilan verin mia, na Yamadida i naꞌa lanit ratan veka naꞌi vatuk vali bira salasilan ra. Naꞌuk wean i mifena ma myabun tamata ovi rotu salasilan verin mia, na Yamadida i naꞌa lanit ratan veka wol naꞌi vatuk vali bira salasilan ra.”

“Wean i mtyolat, na deka myotu ma felabira ra wean tamata ovi rfalak afa isa, naꞌuk rotu afa liak. Wean i tamata avyai rtolat, na rotu ma felarira sian ovu wol rmadua tenarira ra, boma tamata ra rsiꞌik, na rtolat. Afa i ufalak verin mia ini, kena urun! Ubu veka wol nala akataka verin ira. Ba wean i mtyolat, na msyisir bira vut ra ovu miflarut wahabira ra, boma tamata ra deka rkaꞌa ne, mtyolat. Yamabira i tamata ra wol rarea Ia yai saꞌi nkaꞌa ne, mtyolat. Ia saꞌi nrea nkaꞌa munuk afa fanfonak ovi myotu ra, ba veka naval mia naꞌa bira rala lolin.”


“Deka misdovuk bira metan ra naꞌa lanit ivavan ini, tevek ngafat ovu arawan ra rot-visal ira, ovu tamata barborin ra veka rti bira rahan ra ma rbori bira metan ra. Ni lolin ana, misdovuk bira metan ra naꞌa lanit ratan, tevek ngafat ovu arawan ra wol rnaꞌa ma rot-visal bira metan ra. Tamata barborin ra vali wol rti bira rahan ralan ma rbori bira metan ra. Tevek wean i fyadoku bira metan ra naꞌa wan isa, na ralabira ra veka rnaꞌa vali inyai.”


“Matadida ra reluk damar verin tenadida ra, ba wean i matabira ra lolin, na lyawan a nsoru lahir tenabira ra. Naꞌuk wean i matabira ra lavlova, na mnyaꞌa dedan ralan watan. Ba wean i lyawan i naꞌa tenabira ra wol lyawan roak ma dedan watan, na veka deda fafyat lahir.
Wol tamata isa bisma nkarya verin duan irua. Ia veka wol inan lahir isa, naꞌuk nlobang isa. Te veka not-orang lalawatan afa ovi nfalak ra verin isa, naꞌuk isa wahal. Mia weabira vali inyai, ma wol bisma myala bira vavaꞌat ra verin Ubu, ovu vali myala bira vavaꞌat ra verin bira metan ra.”


“Ba ufalak verin mia ne, deka ralabira kakoꞌu naꞌa bira vavaꞌat ra, ovu bira fanaꞌan-fanenu ra. Deka ralabira kakoꞌu vali naꞌa afa ovi veka myung a myeluk ra, tevek bira vavaꞌat a fyawan lia bira fanaꞌan ra te bira kadaravit ra. Eka msyiꞌik manut nangan ra. Ira wol ravuri-rava nabat ra, wol rafdiar, ovu vali wol rasdovuk afamtahan naꞌa manlenan ra, naꞌuk Yamabira naꞌa lanit ratan nala afamtahan verin ira ma raꞌan. Mia wol mkyaꞌa ne, fyawabira nlia manut nangan ra, ovu Ia nlobang mia nlia manut nangan ra? Wean i tamata isa ralan kakoꞌu naꞌa ni vavaꞌat a, na ia veka wol ntafal amar isa vali naꞌa ni vavaꞌat a.
Afakinimi ralabira kakoꞌu naꞌa afa ovi myung a myeluk mia i? Eka msyiꞌik aa ovi rira fafun ra naꞌa vaꞌi ra. Ira wol rkarya te rafedu ma rotu rira kadaravit ra. Mryenar ma lolin afa i ufalak ini! Raja Salomo nkaꞌi urun, naꞌuk ni kadaravit ovi neluk ra, wol isa vali lolin lia tali fafun avyai. Ubu notu ria ovi rnaꞌa vaꞌi ra ma felarira lolin, velik ne amar ini rvaꞌat obin, naꞌuk ilyan te ravrua, na rasnuri roak ira. Mia fyawabira nlia munuk ira! Ia nsiꞌik mia nlia tali ria avyai. Naꞌuk wol myorang ne, Ubu nlobang mia nlia ria avyai!
Ba ralabira deka kakoꞌu naꞌa bira fanaꞌan-fanenu ra, te naꞌa kadaravit ovi veka myala ma al myung a myeluk mia. Tamata ovi wol rorang Ubu rdava lalawatan afa avyai, naꞌuk mia deka myotu wean inyai, tevek Yamabira i naꞌa lanit ratan nkaꞌa munuk afa ovi mdyava naꞌa bira vavaꞌat ra. Ba mtyorung ma Ubu nfareta mia wean lahir Raja, ovu myot-orang afa ovi ralan nfalak ra. Myotu wean inyai, na Ia veka nala munuk afa ovi mdyava ra. Ba ralabira ra deka kakoꞌu naꞌa ilyan te ravrua, tevek ilyan, na ni angangal ra rnaꞌa vali. Dida susa rivun naꞌa amar ini, ba tanovak watan amar ini.”

להקשיב ל Matius 6